Le comte Foulques (le Réchin) a donné à l'abbaye Saint-Florent de Saumur la terre qu'il avait aux Ulmes, avec les boeufs qui s'y trouvent et le bois attenant.

l.1 In Christi nomine, notum esse et fore volo fidelibus nostris sanctae ecclesiae amatoribus presentibus et futuris ego Fulco comes, quia pro amore
l.2 Dei et spe supernae retributionis placuit michi quiddam beneficientiae conferre Deo ad monasterium beati Florentii reverendi con-
l.3-fessoris Christi, quod videlicet fiat aliquantulum supplementum necessariis usibus fratrum, ibidem Christo domino modernis tem-
l.4-poribus honesta d[evo]tione famulantium. Dedi igitur Deo et beato Florentio ac monachis ejus in loco qui nominatur Ulmoum,
l.5 terram quam ibi in dominicatu meo presentialiter tenere dinoscor, cum bobus qui ibidem modo habentur et collaboratione eorum,
l.6 similiter et boschum illum qui junctus est culturae eidem, hoc est totum ad integrum quicquid et plani et silvae illic inter
l.7 duas berias interjacet. Et ut donatio ista pro elemosina et animabus precessorum parentumque meorum ac mea, voluntarie
l.8 facta perennem in posterum obtineat rememorationis et conservationis vigorem, kartulam hanc jussione mea conscriptam,
l.9 manus meae submissione firmavi [croix] et fideles viros qui presentes aderant, contrectatione sua astipulari
l.10 rogavi.
l.11 Actum Andecavis civitate VIIII kalendas JUNII, ANNO a passione domini Jhesu Christi MLXX, in Dei nomine, feliciter, AMEN,
l.12 Indictione VIII. Testibus istis. [colonne1] S. Rainaldo archiclavi Sancti Martini. S. Rotberto Burgundione. S. Rainaldo filio ejus. S. Girorio de Bello Pratello. S. Rogerio de Monte Rebelli. [colonne2] S. Harduino de Triviis qui tamen prius calumniaverat, sed quando donatio ista facta est coram comite Fulcone gratanter auctorizavit. S. Johanne de Chainone. [colonne3] S. Fulcone de Boeria. S. Gaufredo Papa Bovem. S. Hugone de Monasteriolo.