Le comte d'Anjou Foulques V le Jeune concède à l'abbaye Saint-Serge d'Angers le fourrage de Thorigné.

l.1 Humanȩ memoriae defectum cujus nota inconstantia est protelare, atque quantum in nobis est posterorum mentibus inserere cupientes, litterarum
l.2 notulis tradere precepimus quod ego Fulco comes Andecavorum filius Fulconis comitis, pro remedio animae meȩ, antecessorumque successorumque
l.3 meorum, Fulconis videlicet patris mei piissimi comitis, aliorumque omnium, dedi et concessi uxoremque meam Eremburgem Eliae Cenoman-
l.4-nensis comitis filiam, filiumque meum Gosfridum concedere feci monachis Sancti SERGII in perpetuum libere et quiete fodrium Torigniaci,
l.5 remota totius in prȩsens et posterum calumniae occasione. Quod ut firmum in perpetuum maneret, scriptum istud venerandae
l.6 crucis signo, sigillique nostri impressione munivimus, testes etiam qui huic nostrae largitioni affuerunt annotari prȩcepimus,
l.7 quorum haec sunt nomina, Fulco comes qui donum feci, uxor mea Eremburgis, quae et dedit mecum et concessit, filius
l.8 meus Gosfridus qui et dedit et concessit, Harduinus de Sancto Medardo, Hernulfus de Mongomeri, Paganus de Claravalle, Willelmus
l.9 de Molendinis prepositus Andecavis, Paganus Fulberti, Witonus de Supraponte, Mainerius canonicus Sancti Laudi, Guitbertus canonicus Sancti Laudi meusque
l.10 cancellarius, qui et hoc scriptum fecit, Marquerus Amauguini, Fulcherus serviens Sancti Sergii, et Rainerius. De monachis affuerunt Petrus ejusdem
l.11 monasterii abbas cui donum factum fuit, et Ansgerius prior, aliique multi. Actum Andecavis in aula consulari XVII kalendas octobris, luna
l.12 quarta, feria sexta, Ludovico Francorum rege, Fulcone Fulconis comitis filio Andecavorum comite, Rainaldo ejusdem gentis pontifice.
l.13 Anno ab incarnatione Domini millesimo centesimo septimo decimo, indictione nona, epactis XV, concurrentibus VII, cyclo
l.14 lunari XVI, videntibus et audientibus multis.
l.15 Signum Fulconis comitis [croix] [sceau]. Signum Eremburgis comitisse [croix]. Signum Gosfridi filii eorum [croix]. Signum Adelardi de Castro Gunterio [croix].

CHARTROU (Josèphe), L'Anjou de 1109 à 1151, Paris, 1928, p. 337-338, n° 12.

CHAUVIN (Yves), Premier et second livres des cartulaires de l'abbaye Saint-Serge et Saint-Bach d'Angers (XIe et XIIe siècles), 2 vol., Angers, 1997, t. 1, p. 315-317, n° 409, pl. 4 (fac-similé).