Dévolution de la terre de Alodo, passée de Mainardus Pictavinius, époux d'Ermenildis, à sa fille Gosberga quand elle épouse Bernard, fils d'Ogier, puis au jeune frère de celle-ci, Girard, après la répudiation de Gosberga pour inconduite. Accord est fait entre les différents suzerains de Girard, Guillaume de Charreris, Guicher de Marenz et son fils Philippe et Guillaume de Verneia, quand Girard donne cette terre à Saint-Serge.

l.1 [...40... fid]elibus sanctȩ ecclesiȩ et maxime hujus loci successoribus qualiter nos habuimus terram quȩ dicitur
l.2 [...40...] homo nomine Mainardus cognomento Pictavinius cui eadem terra competebat per patrimonium
l.3 [...12...]ne erm[... M]ainardus fuit mortuus remansit Ermenildis uxor ejus cum duabus pueris quos habebat de eo, uno
l.4 masculo et alia femina. [S...8... al]iquanto tempore vidua vixisset, accepit in uxorem illam filiam suam quȩ habebat nomen Gosberga, quidam
l.5 miles nomine Bernardus filii Oggerii forestarii, et simul cum ea accepit hanc terram de qua loquimur. Fuerunt ergo simul aliquo tempore nescio quamdiu.
l.6 Sed cum tardius ad eam redisset, quadam nocte invenit eam facientem stultitiam de corpore suo, nam cum quodam clerico invenit eam for-
l.7-nicantem. Quamobrem iratus cecavit clericum, et ejus virilia amputavit. Mulierem quoque deseruit propter hanc causam fornicati-
l.8-onis, et istam terram quam cum ea acceperat dominis de quibus eam tenebat reliquit. Tunc cepit in manu sua terram Willelmus de Carreris de cujus
l.9 fevo erat, usquequo posset filius Mainardi nomine Girardus qui adhuc puer erat, et frater germanus mulieris dimissȩ, quia ipsa
l.10 habebat totum forsfactum et infantem non habebat qui tenere debuisset, quia nullum omnino habebat. Hic ergo puer Girardus debe-
l.11-bat tenere de Willelmo de Charreris, et Willelmus tenebat de Guicherio de Marenz, et de Philippo filio ejus, et Guicherius tenebat de
l.12 Willelmo de Verneia. Cum omnibus istis fecimus tale placitum de supradicta terra. Girardus donavit se ipsum et illam terram de Alodo que est
l.13 de fevo de Verneia, Deo et sancto Sergio consilio et voluntate matris suȩ quȩ adhuc vivebat, de cujus patrimonio tota illa causa
l.14 movebat, tali convenientia ut quandiu viveret curaremus eum de victu et vestitu, quia tunc querebat panem suum de ostio in ostium,
l.15 et quando voluerit fieri monachus, recipietur. Hoc donum quo Girardus ita donavit se et terram, concessit Guillelmus de Charreris
l.16 tali pacto ut eum reciperemus ad monachum quando ipse vellet, Wicherio de Marenz et Philippo filio ejus dedim[...12...]
l.17 et concesserunt Deo et sancto Sergio et nobis terram solutam et quietam ab omnibus querelis et exactionibus et talle[iam] preter [...rretas.....]
l.18 capitalis domini de Verneia, hoc est pro prensione corporis sui, et quando filius ejus primogenitus erit miles et quando primogenit[...]
l.19 ejus dabitur marito, et quando ipse faciet emptionem, Wicherio vero de Marenz et omnibus heredibus ejus nullam talleiam facie[....]
l.20 nec adjutorium et nichil omnino nisi sponte nostra preter septem solidos de servitio qui omni anno reddentur. Willelmus quoque de
l.21 Verneia qui capitalis dominus erat et Mabilia uxor ejus, et Gosfridus filius ejus ista omnia sicut scripta sunt ita concesserunt ut suas
l.22 quattuor legales talleias reddamus dominis qui de illo tenebunt et de quibus nos tenebimus et illi reddant Willelmo vel domino Verneiȩ.
l.23 Si vero domini de Marenz de quibus nos tenebimus defecerint de servitio Willelmi vel domini Verneiȩ, prius dicet monacho de Torinniaco
l.24 et mittet ei competentem terminum quo possit habere suum guarent, et si monachus non potuerit habere guarent ad terminum, illos
l.25 VII solidos de servicio non reddet amplius monachus Marentianis, sed domino de Verneia reddet usquequo sint adcordati dominus
l.26 de Verneia et ille de Marenz. Pro hac concessione habuit Willelmus de Verneia quinquaginta solidos et uxor ejus Mabilia unum sexta-
l.27-rium frumenti, et concesserunt ista sicut scripta sunt ipsi et Gosfridus filius eorum, Bernardus quoque filius Oggerii qui hanc terram habuerat sicut
l.28 supra diximus habuit de nobis quinque solidos et concessit ista omnia. Facta sunt igitur hec et concessa XI kalendas octobris apud Verneiam in domo
l.29 Willelmi ubi ipse Willelmus tenebat prensionem pro decem libris quas debebat Adelardo de Castro Gunterii, pro eo quod traxerat eum
l.30 de prensione Willelmi de Fano. Ista omnia sicut sunt hic vel scripta vel dicta viderunt et audierunt isti testes, domnus abbas Walterius qui con-
l.31-cessionem hujus rei recepit ad opus sancti, et Ainricus monachus, Godefredus monachus, et Lisoius monachus, et Ernaldus presbiter Torinniaci. Laici de nostra
l.32 parte viderunt isti, Britto de Capella, Isembertus bachelarius, Dodo Russellus frater ejus, Hubertus filius Orieldis, Walterius Jacob, Otgerius filius Belot,
l.33 Rainaldus Pichardus, Herveus de Mortuo Fonte, Granum de Tercia Curte sororius Hervei, Frogerius faber, Ganulfus, Gaudinus, Stephanus
l.34 Bernigaut, Guichardus filius Oggerii, Fulcoius, Gosfridus filius Durandi, Drogo Cornutus, Johannes Cornutus, Stephanus Roundel, Herois
l.35 corvisarius, Ermenricus boverius. De parte Willelmi viderunt isti, ipse Willelmus, Philippus de Marenz, Grafinus de Crere, Bernardus filius Ogerii,
l.36 Stephanus Golibertus frater bastardus Willelmi, Radulfus Girburgis, Adelelmus armiger Willelmi, Gifardus alter armiger ejus, Johannes Malum Faciens,
l.37 [...]erius, Radulfus de Cantosciaco frater Ganulfi, Ratfredus de Verneia, Rainbaldus suus nepos qui cognominabatur Guleta.
l.38 [...15...]ore in die festivitatis primȩ sancti Michaelis hoc est IIIo kalendas octobris venit in nostro capitulo Philippus de Marenz, ipse et Garinus Rufus avun-
l.39-[culus...20...] ista omnia, et ambo receperunt beneficium hujus loci a domno Walterio abbate, et concessionem hujus rei miserunt ibi in manu ejusdem
l.40 [...10...] portaverunt super altare. Hoc iterum viderunt isti, Rainerius famulus cellararius, Rivallonus Brittellus, Blancardus coqus, Gosfridus Buaret,
l.41 [.....] filius Unfredi, Bertrannus filius Alpez carpentarius. Acta sunt hȩc regnante in Francia Ludovico filio Philippi, Andecaven-
l.42-[se] comite Fulcone filio Fulconis junioris, presule vero ejusdem gentis Rainaldo juniore, abbatiȩ autem nostrȩ presidente domno abbate Walterio,
l.43 anno ab incarnatione Domini millesimo centesimo undecimo. CIROGRAPHUM.