Hérimar, abbé de Saint-Remi de Reims, voulant établir un mesnil à Tourvoie, près de Vrilly, sollicite du vidame de Reims, Manassès le Chauve, neveu de l'archevêque Gui, une terre enclavée dans les possessions de l'abbaye ; ce n'est que sur la pression de son oncle que Manassès consent à l'abandonner, moyennant une rente annuelle viagère de cent sous.

l.1 IN NOMINȨ SANCTȨ ET INDIVIDUAE TRINITATIS, PATIS ET FILII ET SPIRITUS SANCTI, SUMMI ET INCOMPARABILIS DEI, AMEN [signum].
l.2 Est in confinio castri Sancti Remigii terra adjacens vicinitati terrarum adjacentium in villa Sancti Remigii, ex parte quȩ a viriditate Viriliacus dicitur,
l.3 de possessione cujusdam vicedomini Remensis, qui dicebatur Manasses Calvus, nepos Widonis archipresulis. Volens ergo domnus abbas Herimarus
l.4 quoddam manssionile ibi prope memoratam villam construere, nomine Tollens Viam, pro eo quod viam abstulerit, quȩ perinde solita erat fieri, quia contigua
l.5 et immixta erat ipsa terra reliquis terris sancti Remigii, ne aliquando paterentur aliquod scandalum homines easdem terras colentes, a domino possessore
l.6 ipsius terrȩ, de qua supra retulimus, petivit in presentia domni archipresulis Widonis, ab ipso Manasse Calvo dari sancto Remigio eam pro remedio
l.7 animae suae, et animarum filiorum suorum. Ipse autem noluit hoc facere, nisi ea conditione, ut darentur sibi centum solidi
l.8 quotannis vitae suȩ, et post mortem suo heredi. Herimarus autem abbas consilio habito cum Manasse comite qui
l.9 tunc presens aderat, et cum reliquis suis casatis, ex precepto ejusdem memorati archipresulis, noluit assentire, ut daret
l.10 ei memoratum precium, scilicet centum solidos, nisi quandiu adviveret. Denique ortatu omnium qui aderant, immo prece
l.11 et imperio avunculi sui suprataxati archipresulis, ad ultimum consensit, ut haberet Ctum solidos quoad viveret. Post mortem
l.12 vero suam, et terram et denarios sanctus Remigius jure quieto possideret. Hanc igitur conventionem in presentia sua
l.13 literis commendare precepit domnus W. archipresul, et ut per succendentia temporum curricula inconvulsa maneret,
l.14 archiepiscopalis auctoritatis sigillo, cum clericorum et laicorum qui adfuerunt, testimonio corroboravit. Signum domni Widonis archipresulis. [colonne1] Signum Odonis archidiaconi. Signum Warini archidiaconi. Signum Odalrici prepositi. Signum Richardi decani. Signum Odonis cantoris. Signum Herimanni. Signum Bernacri. Signum Gerardi. Signum Hugonis. Signum Gipuini. Signum Lecelini. Signum Leudonis decani. Signum Acelini subdecani. [colonne2] Signum domni Herimari abbatis. Signum Erleboldi decani. Signum Heinrici. Signum Harduini. Signum Widrici. Signum Adalberonis. Signum Petri decani. Signum Rodberti. Signum Fulconis. Signum Tedboldi. Signum Remigii. Signum Bernardi pueri. Signum Erleboldi pueri. Signum Achardi pueri. [colonne3] Signa laicorum, vero Manasse comitis. Signum Rotgeri comitis. Signum Rainoldi Suessonici comitis. Haymonis militis. Widonis militis. Joffridi militis. Milonis militis. Aleranni militis. Warini. Rotfridi. Wiboldi. Haimonis. Petri. Rotdulfi. Warneri. Grivonis. Hugonis. [colonne4] Acta sunt hȩc Remis, in ecclesia Sancte Mariȩ, anno incarnationis dominicȩ millesimo LmoIIIo, indictione VIta, regnante Heinrico Francorum rege anno XXmoIIIIto, archiepiscopatus autem domni Widonis anno XXmo.
l.15 Odalricus cancellarius scripsit et subscripsit [croix] [sceau].

MARLOT (G.), Metropolis Remensis historia, 2 vol., Lille et Reims, 1666-1679, t. 2, p. 110-111.

Gallia Christiana in provincias ecclesiasticas distributa, Paris, 1715-1785 et 1856-1865, 16 vol., t. 10, Instr, col. 22, n° 19.

DEMOUY (Patrick), Actes des archevêques de Reims d'Arnoul à Renaud II, 997-1139, 3 vol., th. dact, Nancy, 1982, t. 2/1, p. 92-94, n° 28.