Pancarte d'un accord intervenu entre les abbayes de Saint-Serge et de Saint-Aubin attribuant à cette dernière la possession du bourg de la Rive.

l.1 QUONIAM mortales sumus et diu durare non possumus, oportet ut res quas nostro tempore facimus ad posterorum scientiam per litteras transmittamus.
l.2 Scribimus igitur quod Haimmericus mercator Andecavensis divino spiritu tactus ȩcclesiȩ Sancti Albini portum petiit, ibique devote susceptus monachus effectus est.
l.3 Pro suorum itaque peccatorum remissione et aeternȩ gloriȩ adeptione burgum quendam qui de Ripa dicitur cum quibusdam rebus ȩcclesiȩ supradicte dedit sicut ipse possederat sine calumpnia.
l.4 Aliquanto autem tempore transacto abbas Otbrannus defunctus est, et Girardus in loco ejus abba constitutus. Per idem tempus cathedram ȩcclesiȩ Andecavensis Gaufridus suscepit.
l.5 Cujus patrocinio confidentes monachi Sancti Sergii, ad ipsum enim pertinet locus ille, Girardum abbatem in causam et juditium traxere. Quid plura ? Tanta altercatio inter eos fuit, quod finiri non potuit,
l.6 nisi per duellum famulorum utriusque monasterii. Dum ergo viri eorum invicem pugnarent, essetque bellum nimis obstinatum et pessimum, episcopus ipse et alii boni viri utriusque ordinis intervenere qui abbates et monachos ad concordiam in-
l.7-flexerunt. Quorum consulto Girardus abbas et monachi sancti Albini pro concordia omni tempore conservanda dederunt quingentos solidos denariorum Acardo abbati Sancti Sergii, et ejus monachis. Actum est hoc
l.8 Andecavis anno MLXXXIIII, regnante domino nostro Jhesu Christo, et sub eo supranominato Gaufrido episcopo Andecavensem ȩcclesiam regente, qui vidit et laudavit hoc, cum reliquis quorum nomina subscripta sunt, Gaufridus
l.9 thesaurarius, Marbodus archidiaconus, Warnerius archidiaconus, Gaufridus cantor, Gaufridus Martinus, Lanbertus Episcopus, Heudo canonicus, Gaufridus presbiter de Mosterolo, Rainardus canonicus. De laicis,
l.10 Rotbertus Mariscalcus prepositus, Bernerius nepos ejusdem Haimmerici, Giraudus Calvellus, Widdo Guinemarus, Hubertus monetarius, Rainaldus Burgevins, Rotbertus Tinals. De hominibus Sancti Albini, Aldulfus, Warinus et Hilarius
l.11 fratres ejus, Rainaldus Grandis et frater ejus Gulferius, Gaufridus Pulsatus, Haimmarus Malpeat, et omnes pene viri civitatis Andecavine.