Geoffroi, évêque de Chartres, confirme la donation de l'église Saint-Nicolas de Courville faite à l'abbaye de Marmoutier par Girogius, seigneur de Courville.

l.1 Omnibus sanctae et universalis aecclesiae fidelibus notum sit et manifestum
l.2 quod vir quidam GIROGIUS nomine Curvȩvillae dominus, unacum uxoris suȩ
l.3 Philippae, necnon et fratrum suorum Tetbaldi videlicet atque Simonis consensu et voluntate, aecclesiam
l.4 Sancti Nicholai in eodem Curvȩvillȩ castro sitam, BEATO MARTINO et monachis in ejus Majori Monasterio
l.5 Domino famulantibus, in quantum sibi pertinere videbatur, dare disponens, id rectius posse fieri estimavit,
l.6 si hanc eis GAUFREDUS Carnotensium tunc temporis episcopus auctoritatis suȩ dono, ejus saltim precibus confirmasset.
l.7 Cum igitur rei oportunitas accidisset, convocato Girogius Majoris Monasterii venerando abbate Bartholomeo,
l.8 tam ipse quam ejus uxor Philippa, unacum eodem abbate, prȩdicti episcopi GAUFREDI apud Pontem Goeni forte
l.9 tunc positi, prȩsentiam adierunt, et ut eorum vota concessionis suȩ gratia confirmaret, magnis
l.10 precibus exoraverunt. Quorum peticioni assensus sui gratiam episcopus praebens, supradictam Sancti Nicho-
l.11-lai aecclesiam BEATI MARTINI Majoris Monasterii monachis in perpetuum possidendam donavit, et
l.12 quiete concessit, ipsumque abbatem Bartholomeum de ea cum omnibus eidem aecclesiae pertinentibus, quae
l.13 GIROGIUS ipse dare decreverat, sollemni largitione revestivit. Pro qua nimirum concessione
l.14 tam Girogius quam ejus uxor gratias agens, ad pedes ilico episcopi uterque cecidit, et sic GIROGIUS
l.15 voti sui per omnia potitus effectu, donum quod devoverat gratanter complevit. Huic itaque
l.16 episcopi dono sive concessioni interfuit vir venerabilis INGERRANNUS Carnotensis ȩcclesiȩ
l.17 decanus, qui ad hȩc optinenda precibus suis apud ipsum episcopum plurimum impetravit, et alii
l.18 quam plurimi ejusdem aecclesiae clerici id ipsum concedentes, et ut fieret precibus insisten-
l.19-tes, quorum hic aliquos ad ipsius rei certitudinem declarandam conscripsimus, [colonne1] Ingerranus decanus, Adelardus subdecanus, Guillelmus Bigotus, Idbertus de Gordeiis, et plures alii de clericis. [colonne2] De monachis Majoris Monasterii, Odo de Braolio, Gaufredus de Humbleriis, Aeverdus de Carnoto, Theodericus prior de Chonia. [colonne3] De famulis eorum, Benedictus Gozengres, Ebulo Hasto de Bove, Rainbaldus de Columbariis, Giraudus Rufus, Durandus mariscalpus, Hubertus filius Hervei, Ingerricus filius Ansegisi.

1