l.1 Nosse debebitis si qui eritis posteri nostri, Guarinum de Cramisiaco filium Gausberti, habu-
l.2-isse terram censivam, inter Curvam Lunam et Aguliacum, in alodiis scilicet quȩ olim fuerunt
l.3 Uncbaldi de Virsone et sunt modo Sancti Martini et nostra hoc est monachorum Majoris Monasterii.
l.4 Quam videlicet terram de eodem Guarino tenebant, Rotgerius filius Hugonis de Aguliaco, et
l.5 Raginaldus cognomento Bufa. Sed forisfecerant eam, propter non redditos census jam pluribus
l.6 annis. Agnoscens ergo Guarinus quod esset de fevo Sancti Martini, alii eam vendere noluit, nisi nobis
l.7 monachis ejusdem sancti. Quibus vendidit illam, solidis septem. Sunt autem prati IIIIor arpenni.
l.8 Et de appunctallo molendini jamdicti Rotgerii filii Hugonis, denarii IIIIor reddendi
l.9 quotannis. Et terra arabilis, quanta ad hȩc pertinet, et sub censu continetur eodem.
l.10 His igitur nos a Guarino ut dictum est emptis, reddemus inde eidem deinceps annuum
l.11 censum, denarios X kalendas octobris. Testes horum, Adraldus monacus, Rotbertus monachus,
l.12 Albertus presbiter, Odo de Aisenavilla, Ingelgerius filius ejus, Tetbaldus Eradica Palos,
l.13 Gauzlinus mercator, Hermundus de Busloo, Giraldus famulus.

1