Haimeric de Chorronio rend ce qu'il avait usurpé aux moines de Marmoutier sur la terre du Sentier.

l.1 Notum sit posteris nostris quod Haimericus de Chorronio, nullam aliam causam habens, nisi
l.2 cupiditatem res nostras auferendi, cȩpit clamare saisimentum in terra nostra de Semitario, quod
l.3 nec ipse nec aliquis de omni genere suo unquam habuerat, ex quo primum terra illa in nostram
l.4 venit dominationem. Pro hac calumnia accepit predam non tantum hominum nostrorum, verum etiam
l.5 nostram dominicam, quam etiam fecit redimi centum solidos denariorum. De hac injuria sepe appellatus a nobis
l.6 cur hoc faceret, rogatus etiam ut aut ante comitem, aut ubicunque vellet rationem inde
l.7 nobis et justitiam teneret, nullo modo nobis ad pacem consensit, nec a nostris injuriis cessare voluit.
l.8 Quadam autem vice cum essent apud Castellumnovum tres de monachis nostris, videlicet Hein-
l.9-ricus hospitalarius, et Adelelmus Pontiliensis, et Gausbertus cellararius, contigit et ipsum adesse.
l.10 Quem convocantes in cellarium nostrum, cȩperunt pacifice et cum ratione suggerere ei injuriam
l.11 quam nobis faciebat, et quoniam nichil omnino juris habebat in his quȩ in terra nostra clamabat. Quorum
l.12 rationis consideratione permotus, ac pȩnitentia ductus, calumpniam totam guerpivit de omnibus
l.13 forfacturis quas nobis fecerat, emendationem guadiavit, et illos supradictos centum solidos quos nobis
l.14 abstulerat, nominatim se redditurum promisit, recognoscens et confitens, quod quicquid fecerat nobis,
l.15 non pro aliqua ratione justitiȩ suȩ fecerat, sed quia indigebat, et de nostro habere volebat. Hoc viderunt
l.16 et audierunt hii qui subscripti sunt, Haimericus de Chorrun, Archengerius, Durandus,
l.17 Eudo de Chorrun, Petrus filius Grimaldi, Bartholomeus, Engelardus, Rodulfus filius Alpaidis,
l.18 Tetbertus, Hubertus, Hilduinus, Arnulfus de Ponte, Lambertus.