Otton III, roi, installe des moines irlandais dans l'abbaye Saint-Symphorien de Metz et confirme ses biens.

l.1 [chrisme] IN NOMINE SANCTAE ET INDIVIDUAE TRINITATIS, OTTO, DIVINA FAVENTE CLEMENTIA REX. SI ECCLESIAS DEI DE NOSTRA REGIA MUNIFICENTIA EXALTAVERIMUS, ID PROCUL DUBIO AD AETERNAE BEATITUDINIS PRAEMIA CAPIENDA, AC PRAESENTIS VITAE
l.2 et regni nostri statum nobis profuturum credimus. Quapropter omnium fidelium nostrorum presentium scilicet ac futurorum noverit industria, quomodo Adalbero, Mettensis ecclesiae venerabilis episcopus, ad nos venit dicens
l.3 quod abbatiam quandam foras muros Mettis civitatis sitam, jam longo tempore destructam, pro Dei amore et sancti Symphoriani martiris noviter coepit reaedificare, humiliter deprecans nostram excellentiam,
l.4 ut eandem abbatiam cum suis pertinentiis nostrae auctoritatis praeceptione confirmemus. Nos vero ob interventum dilectae aviae nostrae Adalheidis videlicet imperatricis augustae
l.5 piae petitioni illius benignum assensum praebentes, eidem abbatiae Sancti Symphoriani omnia loca a regibus vel imperatoribus, vel ab aliis religiosis personis, antea umquam tradita, vel quȩ jam
l.6 ipse dictus Adalbero episcopus illuc moderno tempore adauxit, et adhuc addere desiderat, aliorumque Dei fidelium bona voluntas adjungere studuerit, regia denuo nostra munificentia
l.7 donamus atque confirmamus, ea videlicet ratione ut abbas primus, nomine Fingenius, Yberniensis natione, quem ipse praelibatus episcopus nunc temporis ibi constituit, suique successores
l.8 Ybernienses monachos habeant, quamdiu sic esse poterit, et si defuerint ibi monachi de Ybernia, de quibuscumque nationibus semper ibi monachi habeantur, et nostri nominis
l.9 animaeque nostrae parentumque nostrorum et praesentis episcopi successorumque illius memoria ibi numquam deficiat. Et ut haec confirmatio nostrae
l.10 auctoritatis per futura succedentium temporum curricula inconvulsa permaneat, hoc nostrae dominationis praeceptum inde conscriptum,
l.11 sigilli nostri inpressione signare jussimus, manuque propria ut infra videtur corroboravimus.
l.12 SIGNUM DOMNI OTTONIS [monogramme] GLORIOSISSIMI REGIS.
l.13 HILDIBALDUS EPISCOPUS ET CANCELLARIUS VICE VUILLIGISI ARCHIEPISCOPI RECOGNOVI.
l.14 Data VIIII kalendas februarii, anno dominicȩ incarnationis DCCCCXCII, indictione V, anno autem tertii Ottonis regnantis nono. Actum Franconovurt. Feliciter. Amen.

SICKEL (Th.), Die Urkunden Ottos II. Die Urkunden Ottos III., Hanovre, 1888-1893 (MGH Diplomata regum et imperatorum Germaniae, 2), DO III, n° 84.

STUDER (Raymond), Catalogue des documents des Archives de la Moselle antérieures à 1101, in Annuaire de la Société d'histoire et d'archéologie de la Lorraine, 1923, p. 123-141, p. 134, n° 71.