Otton II, empereur, confirme les biens des religieuses de Saint-Pierre-aux-Nonnains de Metz et leur accorde le droit d'élire leurs abbesses et leurs avoués.

l.1 [chrisme] IN NOMINE SANCTAE ET INDIVIDUAE TRINITATIS, OTTO, DIVINA FAVENTE CLEMENTIA IMPERATOR AUGUSTUS. SI LOCIS DIVINO CULTUI MAN[CIPATIS QUIPPIAM MUNERIS] CONFERIMUS, ID NOBIS PROCUL DUBIO AD AETERNAM
l.2 beatitudinem capessendam profuturum scimus. Ideo noverit omnium sanctae Dei ecclesiae conventus presentium scilicet et futurorum qualiter q[uȩdam veneranda cultrix] religionis abbatissa, Helvuidis nomine, quȩ prȩsenti tempore
l.3 monasterii infra muros Mettis civitatis in honore principium apostolorum constructi, ab antiquis majoris monasterii nomine nuncupati regimen moderare dinosci[tur, quo]ddam genitoris nostri piȩ memoriae viri imperatoris augusti
l.4 preceptum nostre prȩsentans serenitati de ecclesiarum vel rerum ad eandem abbatiam pertinentium universitate corroboratum, et quia [ortis] seditionibus ear[undem] ecclesiarum quȩdam ab abbatiȩ ejusdem usibus per violentiam
l.5 ereptȩ sunt ut nostrȩ auctoritatatis precepto easdem ecclesias in stipendium sanctimonialibus ibidem monachicȩ degentibus restitueremus et recuperando confirmar[emus, humiliter imp]loravit. Nos vero ob nostrȩ quam dilectȩ
l.6 contectalis eque imperatricis Theophanu, et ejusdem civitatis episcopi Theoterici Fridericique ducis ob interventum sub ȩternȩ remunerationis intuiti, [et ut Deo fidelius or]dinatiusque prefatȩ virgines ibidem queant
l.7 militari, ejus petitioni assensum prebentes cuntas ejusdem abbatiae ecclesias resumentes earumque usibus in integrum concedendo [restitu]entes [quȩ sitae sunt his locis: in vi]lla Sinteriaco, Tollau, in Mannonis villa, Maidera,
l.8 in Monte Sancti Quintini, Madalstat cum cappella de Duodonis villare, in Sancti Petri Monte, in Basonis Curte, Lasticas cum capella, Hareni [curte, Herivuini villa, Tatalinga], Buxerias majores, Vindera cum capella Prisnei,
l.9 Villare, Baionis villa, Vuandilini villa, Sorolfi villa, Vuimiringas, jussimus hoc restaurationis nostrȩ preceptum conscribi per quod volumus firmiterque jubemus, ut pretaxata abbatissa ejusque monachȩ per omnia succedentes
l.10 tempora easdem ecclesias ab hodierna die et deinceps ad communem utillitatem in perpetuum habeant et possideant. Et quia jamdictȩ [sanctimoniales a temporibus] Theodrici regis privilegii auctoritatem propriȩ electionis
l.11 habent, potestatem eis concedimus elegendi abbatissam secundum Dei timorem et sanctȩ regulȩ institutionem, necnon prout indiguerint advoca[tum. Et ut hoc presens] nostrae auctoritatis preceptum
l.12 firmiorem in omnibus obtineat [vigorem], manu propria subtus firmavimus et anuli nostri impressione [insigniri jussimus].
l.13 SIGNUM DOMNI OTTONIS IMPERATORIS AUGUSTI [monogramme]. EGBERTUS CANCELLARIUS AD VICEM VUILLIGISI ARCHICAPELLANI CONSCRIPSI [sceau].
l.14 Data V IDUS MAI, anno dominicae incarnationis DCCCCLXXVII, indictione VI, ano regni domni Ottonis XVI, imperii X. Actum Theodonis Villa.

SICKEL (Th.), Die Urkunden Ottos II. Die Urkunden Ottos III., Hanovre, 1888-1893 (MGH Diplomata regum et imperatorum Germaniae, 2), DO II, n° 159.

STUDER (Raymond), Catalogue des documents des Archives de la Moselle antérieures à 1101, in Annuaire de la Société d'histoire et d'archéologie de la Lorraine, 1923, p. 123-141, p. 132, n° 62.