Accord avec Thibaud IV, comte de Chartres, pour le marché et la justice du bourg de Bonneval.

l.1 In nomine sancte et individue Trinitatis. Principibus christianis nichil magis convenire dinoscitur, quam ecclesiarum Dei per quem ipsi principes dominantur, jura illesa conservare, et omnibus christianis, sed pre-
l.2-cipue religiosis personis que assidue Domino omnium famulantur, quietem et pacem continua sollicitudine providere. Hac consideratione motus ego Teobaldus comes quem dominator Dominus inter alios principes dominari per-
l.3-misit, quedam que temporibus recolende memorie Stephani comitis carissimi patris mei de quibus mihi multorum bonorum virorum et fidelium meorum certissima testificatione constabat, quedam etiam que in diebus meis
l.4 inter nos et religiosos viros abbatem et monachos Sancti Florentini Bonevallensis fideliter acta sunt, ad pacem in posterum conservandam litteris annotare et sigillo meo in perpetuum signare et confirmare curavi,
l.5 ne ea que pretaxati abbas et monachi in patrimonio crucifixi sibi commisso ad multam precum nostrarum instanciam, et maxime ob defensionem suam et hominum suorum quam amore Dei etiam sine expectacione alicujus
l.6 mercedis temporalis eisdem semper impendere deberemus, nobis liberaliter concesserunt habenda, heredes nostri rerum gestarum veritatem ignorantes, jure hereditatis temere sibi vendicare presumant. Universis igitur tam in-
l.7-stantis temporis quam futuri notum facio quia antequam prefati abbas et monachi concessissent pie recordationis prenominato patri meo quod ipse cum beneplacito eorum institueret mercatum publicum in burgo Bonevallis ubi
l.8 prius non fuerat, et in quo comes nichil antea habuerat, ipsa villa Bonevallensis ita erat libera, quieta et absoluta abbatis et monachorum, et nulli liceret in ea facere ereditionem aliquam, nullam penitus capturam, nullam
l.9 omnino justiciam, nisi tantum abbati, monachisque ejus. Verum quoniam timor erat ne libertas ville ante habita occasione mercati minueretur, aut aliquo modo deperiret, seu etiam gravaretur, sepedicti abbas et monachi precibus vene-
l.10-rabilis patris mei adquiescentes, ea tandem conditione in burgo suo Bonevallensi mercatum institui concesserunt, ut et ipsi haberent omnem justiciam que pertineret ad mercatum tam de hominibus de foris advenientibus, quam de
l.11 in eadem villa commanentibus, ita plane ut prefecto ipsius comitis aut alicui ejus ministro ullam de aliquo justiciam facere non liceret, sed abbati tantum aut monachis suis omnis justicia de omnibus libera remaneret,
l.12 et prefectus comitis de sibi forifactis ad abbatem aut prepositum monasterii clamorem deferret, et per eorum manum justiciam reciperet. Latro quoque si in mercato deprehensus fuisset, cum suis omnibus justicie mona-
l.13-chorum redderetur. Que omnia venerabilis pater meus Stephanus comes libentissime fieri voluit, et ut firma et inconcussa in reliquum evum permanerent, volentibus et collaudantibus carissima matre mea Adela comi-
l.14-tissa et fratre meo Guillelmo comite, se firmiter servaturum, et pro posse suo jura et libertatem monasterii Bonevallensis ubicumque potestatem haberet, se defensaturum, coram omnibus qui astabant, sub firma fidei sue
l.15 obtestatione spopondit. Placuit etiam eidem patri meo sepius recolendo, ut quia abbatem et monachos in peticione sua benignos invenerat, camerarius eorumdem ad vestimenta emenda pro censuali redibitione concessi-
l.16-onis sibi facte decem libras cursualis monete de redditibus mercati quod de novo institutum erat, annuatim haberet. Hoc ipse comes atque ejus conjux Adela filiusque eorum Guillelmus concesserunt, et firmiter in perpe-
l.17-tuum custodiri voluerunt. Testes qui interfuerunt per quorum fidele testimonium mihi constitit de premissis, O[do] de Braico, Raherius de Lenniaco, Teobaldus de Dangelo, Paganus de Mongervilla, Ernaldus Eve, Gosce-
l.18-linus major, Hugo coqus, Guido et Gaufridus nepotes Goscelini. Cum autem in diebus meis census pretaxatus X librarum a venerabili patre meo monachis assignatus, per ministrorum meorum incu[riam] aut omnino eisdem
l.19 auferretur, aut diu differetur, monachorum querimoniis sepe pulsatus institui, ut quicumque deinceps a me vel ab heredibus meis ministerium prefecture nostre vel recolligendi pedagia et consuetudines mercati
l.20 in Bonavalle receperit, aut statim X libras monachis reddat, aut idoneos fidejussores eisdem de justicia ipsorum tribuat, securos eos facientes, quod in festo sancti Florentini per annos singulos, quamdiu prefecturam ad-
l.21-ministraverit, censum pretaxatum persolvet, vel fidejussores dati absque dilatione aliqua solvere pro eo tenebuntur. Justiciam quoque murdri, raptus, incendii furtivi, thesauri inventi et celati, quia durum erat mo-
l.22-nachis de talibus judicare, michi et heredibus meis comitibus Carnotensibus in Bonavalle, et in terra sua de banleugua concesserunt habendam. Item si vadimonium belli in curia monachorum datum fuerit
l.23 et ibi adjudicatum, si pendente die assignata partes inter se pacem facere nequiverint, ex tunc in curiam meam deducetur, et judicio curie mee finietur, salvo tamen in omnibus jure monachorum. In Bonavalle vero homi-
l.24-nem aut aliquid omnino capere aut tenere non possum, nisi per monachorum justiciam, et exceptis pretaxatis que michi a monachis concessa sunt, nullam consuetudinem, nullam exactionem, nullam justiciam in Bonavalle seu in ter-
l.25-ra monachorum infra banleuguam me habere cognosco, et exemplo patris mei terram ipsorum et homines manu tenere, custodire, et defendere modis omnibus contra omnes salva conscientia mea me promitto. Hoc idem etiam ante
l.26 paucos annos coram domino rege constitutus promiseram, qui de beneplacito suo ad suggestionem abbatis et monachorum sepedicti monasterii et bonorum ipsius in fide mea me specialem constituerat defensorem. Preterea volo
l.27 atque constituo ut tam mercatum quam prenominate consuetudines quas habeo in Bonavalle, semper maneant in manu comitis Carnotensis, nec aliqua ratione umquam a comitatu Carnotensi separentur, ut monachi in necessitati-
l.28-bus et oppressionibus terre sue adjutorem et magis propinquum defensorem semper paratum inveniant, ad quem recurrant. Et ut predicta omnia nostrorum successorum noticie commendentur, nec aliquo modo ab heredibus meis possint
l.29 infringi, sed semper firma permaneant, presentibus litteris annotata, sigilli mei inpressione confirmo. Actum publice apud Carnotum in palatio Gaufridi venerabilis Carnotensis episcopi, anno ab incarna-
l.30-tione Domini MoCoXVIIIo, indictione XIma, regnante LUDOVICO filio Philipi, anno regni sui Xo te[mpore] BERNERII abbatis Bonevallis. Testes qui viderunt et audierunt. Cum Teobaldo comite,
l.31 Rotrodus comes Pertici, Hugo filius Gervasii de Castro Novo, Gaufridus vicecomes Castriduni, Urso de Merlaio, Hugo vicecomes Carnotensis, Hugo vicedominus, Joscelinus de Auneello, Hugo [Even]-
l.32-ratus, Gonherius de Auneio, Goslenus de Leugis, Petrus Bursaudi, Andreas de Baldemento, Robertus Aculeus, Hugo de Bruera, Girardus Chevroil, Hugo de Villeredo. Cum abbate et monachis,
l.33 Gaufredus episcopus, Fulco subdecanus, Gauslinus archidiaconus, Girardus abbas de Josaphat, Galterius archidiaconus, Rogrinus de Sancto Mauro, Tebaudus de Pomeio, Girardus Aiverti, Gauterius Cenomannensis.
l.34 [sceau].