Philippe I^er, roi de France, érige en titre d'abbaye l'église Saint-Pierre de Néauphle-le-Vieux, la confirme dans la possession de tous ses biens présents et à venir, et lui concède l'usage dans la forêt d'Iveline et une terre sise à Pontlevoy.

l.1 [chrisme] CUM IN SECULARI DIGNITATE REGALIS MAJES[TAS CETEROS PRECELLAT], DIGNUM EST ETIAM UT IN CENSURA
l.2 rerum disponendarum locum eminentiorem [obtineat, ut ejus decreto cor]roboretur, quod ab aliis personis instau-
l.3-randum fore decernitur. Et cum hoc saluber[rimum ac utillimum vide]atur ut ejus dispositione ac ju[dicio]
l.4 honores regni sui statuantur, hoc etiam decent[issimum ac competentissimum] fore comprobatur quatinus eccl[esias]tica
l.5 [jura] ejus auctoritate fulciantur. Iccirco ego [Philippus, Dei gratia rex Fran]corum, univ[ersi]s [in regno nostri]
l.6 degentibus, in Christi nomine [notum esse volo tam presentibus quam futuris quod] ecclesiam sancti PETRI de Veteri
l.7 Nielfa, monachis contraditam devotione religios[orum virorum, ad] Dei servitium nostro decreto provehendam sanccimus,
l.8 et eam abbatiȩ insigniri nomine deinceps statuimus. Denique abbas loci ipsius nomine Gualterius sed et fratres
l.9 sub eodem Deo ibidem famulantes nostram expetierunt prȩsentiam, obnixe postulantes ut loco res attributas nostra
l.10 auctoritate roboraremus, ne quod precipuorum virorum ac Deum timentium contulerat devotio, malignorum aliqua-
l.11-tenus cassaretur sacrilegio. Constituimus ergo quieti [ser]vorum Dei provida ratione prospicientes, ut eis liceat
l.12 amodo ecclesiastico jure libera conditione possidere quȩcumque sive a nobis sive a quibuscumque in regno nostro degen-
l.13-tibus jam collata sunt vel in posterum conferentur gratuita devotione, scilicet in ecclesiis aut prediis vel
l.14 beneficiis, seu mancipiis, ut de profectu domus Dei nos membra Christi, [in ipso capite] nostro tam corporaliter quam spiritualiter
l.15 gratulari mereamur. Statutum est autem hoc a nostra [majestate, spera]ntes quia cum devote providemus utilitati
l.16 ȩcclesiȩ, summus opifex invigilabit in regni nostri tuitione, famu[lorum Dei qui ibidem] congregati fuerint opitulante
l.17 oratione. Concessimus quoque eis silvam nostram ad omnem [usum monasterii, qu]ȩ vocatur Aquilina, et terram
l.18 quandam, quam a nobis expetierunt, quȩ est apud Pont[um Levi, pro remedio] animȩ meȩ sive parentum [meorum].
l.19 Quod si aliquis extiterit qui hujuscemodi statuta [violare temptaver]it, regiȩ majestati se obnoxium
l.20 [esse] noverit, et insuper divina ultione puniendum meminerit. [Ut autem rata] foret hȩc constitutio, litteris
l.21 assignari, et sigillo nostrȩ auctoritatis hoc imprimi [jussimus, et in conventu] optimatum meorum regali
l.22 more corroboravimus, eis in hoc ipsum nostrȩ voluntati co[nsequenter ast]ipulantibus.
l.23 ACTUM PUBLICE PARISIUS, ANNO ab incarnatione Domini MLX[XVIII], i[n]d[ictione I, regni autem Phyl]ippi REGIS XVIIII. [colonne1] [monogramme]. S. MANASSE Remensis archiepiscopi. S. Richerii Senonensis archiepiscopi. S. Gausfridi Parisiorum episcopi. S. Gausfredi Carnotensis episcopi. S. Ivonis abbatis Sancti Dyonisii. S. Petri abbatis Sancti Germani. [colonne2] [sceau]. [colonne3] S. Gualeranni camerarii. S. Rotberti dapiferi. S. Hervei buticularii. S. Hugonis comitis. S. Alberici de Cotiaco. S. Gausfredi de Calvomonte. S. Guarnerii Silvanectensis. S. Adelelmi constabuli.
l.24 EGO ROGERIUS cancellarius palatii scripsi [et relegen]do SUBSCRIPSI.

MERLET (René), Fondation de l'abbaye de Neauphle-le-Vieux au diocèse de Chartres en l'année 1078, in BEC, 52 (1891), p. 578-586, p. 582-584.

PROU (M.), Recueil des actes de Philippe I^er, roi de France (1059-1108), Paris, 1908 (Chartes et diplômes relatifs à l'Histoire de France), p. 234-236, n° 91.