Pascal II, pape, rappelant la décision d'Urbain II et du concile de Clermont, s'adressant à Yves, évêque de Chartres, interdit toute aliénation ou atteinte au patrimoine épiscopal dans la ville et hors la ville, en particulier la maison de l'évêque.

l.1 PASCHALIS, EPISCOPUS, SERVUS SERVORUM DEI, VENERABILI FRATRI IVONI, CARNOTENSI EPISCOPO, SALUTEM ET APOSTOLICAM BENEDICTIONEM.
l.2 [Religiosis] desideriis d[ignum est] facilem prebere conse[ns]um, [ut] fidelis devotio celerem sortiatur effectum.
l.3 Idcirco petitioni tuȩ karissime fr[ate]r et coepiscope Ivo benignitatis apostolice accommodamus auditum, ut quod juste omnibus sacerdo-
l.4-talis ordinis fratribus deberi cognoscimus, fraternitati tue singulari rescripti confirmatione prestemus. Omnium siquidem
l.5 episcoporum, clericorumque rebus provisum est, cum in Arvernensi concilio considentibus archiepiscopis duodecim, episcopis octoginta duobus, a domino
l.6 predecessore nostro beate memoriȩ URBANO salubriter est statutum quis episcoporum seu presbiterorum aut aliorum clericorum
l.7 deficientium res invaserit, usque ad satisfactionem excommunicetur. Hoc igitur sinodale decretum nostra
l.8 quoque auctoritate firmantes de vestra singulariter domo pontificali statuimus, quam scilicet magnis ex-
l.9-pensis tua strenuitas edificavit, ne quis obeunte vel tuorum quolibet successorum emigrante seu occasione
l.10 aliqua decedente domum ipsam dissipare aut expoliare presumat, nec ab ea suppellex, ferri, vel plumbi, vel vitri,
l.11 vel ligni, vel lapidis absportetur aut obruatur. Universa etiam pontificali edi appendentia, videlicet
l.12 coquine, horrea, cellaria, torcularia, furni furnorumque domus integra et omnino a rapinis libera conser-
l.13-ventur. Silve preterea et quicquid extra urbem aut intra urbem ad episcopi salarium pertinet, nec donentur,
l.14 nec venundentur, nec occasionibus aliis distrabantur, sed rapina omni violentiaque semota, successori qui per
l.15 Dei graciam ecclesiam recturus est, illibata omnino conserventur. Sane si quis in crastinum archiepiscopus, aut aliquis
l.16 in aliquo cleri officio vel honore constitutus, si quis rex sive princeps aut dux, comes, aut vicecomes,
l.17 judex, advocatus [siv]e defensor, aut quelibet secularis persona hanc nostre constitutionis paginam
l.18 sciens contra eam temere venire temptaverit, secundo terciove commonita, si non satisfactione congrua emendaverit,
l.19 excommunicationi subjaceat. Cunctis autem apostolice constitutionis decreta servantibus sit pax domini nostri Jhesu Christi
l.20 quatinus et hic fructum bone actionis percipiant, et apud districtum judicem premia eterne pacis inveniant. AMEN. AMEN.
l.21 Scriptum per manum Petri notarii regionarii et scrinii sacri palacii.
l.22 [rota] [benevalete].
l.23 Datum Rome, per manum Johannis sanctȩ Romanȩ ecclesiȩ diaconi cardinalis, XVI kl. martii, indictione VIIIa, incarnationis dominicȩ anno
l.24 MoCo, pontificatus autem domni Paschalis secundi papȩ Io.

JAFFE-LOEWENFELD, n° 5818 (4350).

LEPINOIS (Eugène de Buchère de), MERLET (Lucien), Société archéologique d'Eure-et-Loir. Cartulaire de Notre-Dame de Chartres, publié sous les auspices de cette société, d'après les Cartulaires et les titres originaux, 3 vol., Chartres, 1862-1865, t. 1, p. 109-110, n° 26.