Chartres, AD Eure-et-Loir, G 375

<< < / > >>

Numéro3089

Fiabilité de l'actenon suspecté

Genrecharte

Date1114(fiabilité :édition)

Lieunon identifié

DiocèseChartres

RégionCentre

Supportparchemin

Chirographienon

Sceau sceau pendant perdu

Etat de la traditionoriginal

Hauteur à gauche315   mm

Largeur en haut297   mm

Largeur en bas284   mm

AuteurYves, évêque  de  CHARTRES

BénéficiaireChapitre cathédral  de  CHARTRES

Regeste

Yves, évêque de Chartres, interdit aux prévôts du chapitre cathédral de continuer à prélever des redevances indues sur les dépendances du chapitre.

Texte

l.1 IN NOMINE SANCTȨ ET INDIVIDUE TRINITATIS PATRIS ET FILII ET SPIRITUS SANCTI.
l.2 Ego Ivo, Dei gratia Carnotensium humilis episcopus, notum fieri volo cunctis sanctȩ ȩcclesiȩ fidelibus tam presentibus quam futuris, quia canonici ȩcclesiȩ michi
l.3 commissȩ, meam adeuntes presentiam clamorem et querimoniam fecerunt de prepositis suis,
l.4 qui privatis commodis inhiantes, communem fratrum utilitatem in quibuscunque poterant minuebant, et quasdam res eis jure debitas, per injuriam
l.5 sibi retinebant, pauperes ȩcclesiȩ sub eorum patrocinio constitutos diversis calamitatibus afficiebant, et sevȩ rapacitati inservientes
l.6 exigebant ab eis nummos, annonam, oves, agnos, anseres, gallinas, et habebant medietates cum rusticis ȩcclesiȩ, quod non licet, et mitte-
l.7-bant servientes suos cum equis per preposituras qui querebant annonam a rusticis sicut et domini, et faciebant sepe parari sibi ingentia
l.8 prandia, tam prepositi quam servientes sine licentia capituli, lȩta capiebant, et de hominibus ecclesiȩ relevationem terrarum, de con-
l.9-jugandis feminis venditiones, et plurima carritia faciebant, quod non licet exceptis duobus, presbiteros in ȩcclesiis ponebant sine licen-
l.10-tia capituli. Capiebant homines ȩcclesiȩ et verberabant eos et in carceres mittebant sine jussione capituli. De arietibus
l.11 accipiebant plus quam duodecim nummos. De porcis plus quam duos solidos, quod non licet. Mittebant etiam alios servientes
l.12 sine equis qui exigebant a rusticis alia plura. Faciebant etiam plura quȩ sui juris esse diratiocinari non poterant, et ut tantis injuriis
l.13 finem imponerem, multimodis supplicationibus postulabant. Quorum peticioni assensum prebere quia rationabilis erat dignum
l.14 judicans, cupiensque eorum providere quieti, volensque ut eorum murmuratio cessaret, odium sopiretur, peccatum expelleretur, pax et
l.15 quies pauperibus ȩcclesiȩ restitueretur, consilio optimatum nostrorum decrevimus, canonicos justam habere causam, et precipimus ne in
l.16 rusticis ȩcclesiȩ, prepositi deinceps has exactiones haberent, nec ulterius communem in supradictis utilitatem minuerent.
l.17 Concessimus etiam quod beneficia ȩcclesiȩ quȩ precariȩ dicuntur, et factȩ erant preciariȩ, quia quod omnium erat quatuor ven-
l.18-debant, in communes redigerentur usus, hȩ scilicet, Capella, et ad eam pertinentia, villa quȩ dicitur Cathenas, et ad eam pertinentia, Tuet-
l.19-villa, cum appendiciis, Dionvillare decima, terra capicerii de Fontanis, terra de Calniaco, et Casis, junioratus omnes, villa quȩ dicitur
l.20 Landellȩ, et ad eam pertinentia, molendini novi de Ferrariis, molendini de Britiniaco, et Joi, Capella Vindocinensis,
l.21 ȩcclesia de Carannivilla, terra de Monte Oduini et de Afranevilla, et cetera omnia quȩ censum, vel annonam reddunt.
l.22 Concessimus etiam de domibus canonicorum, quod Karolus rex et Froboldus episcopus inde constituerunt. Si quis autem, quod nolu-
l.23-mus, ad damnum canonicorum hȩc in pejus mutare presumpserit, et non resipuerit, maledictus atque excommunicatus permaneat,
l.24 et cum eis qui in fine mundi audituri sunt: Ite maledicti in ignem ȩternum, qui paratus est diabolo et angelis ejus, portionem
l.25 et societatem habeat. Ut autem hȩc concessio firmiorem per futura tempora obtineret vigorem, et a successoribus nostris verius
l.26 et certius crederetur, et diligentius observaretur, has litteras fieri jussi, et manu propria, et sigilli mei impressione firmavi.
l.27 [sceau].

Bibliographie

LEPINOIS (Eugène de Buchère de), MERLET (Lucien), Société archéologique d'Eure-et-Loir. Cartulaire de Notre-Dame de Chartres, publié sous les auspices de cette société, d'après les Cartulaires et les titres originaux, 3 vol., Chartres, 1862-1865, t. 1, p. 119-120, n° 23.

Responsable

M. Courtois

Comment citer cette notice

Acte n°3089 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°3089»[En ligne] http://www.cn-telma.fr/originaux/charte3089/. Date de mise à jour : 29/03/12.