Otton I^er, roi, confirme à l'abbaye Saint-Arnoul de Metz tous ses biens et en particulier ceux situés à Cheminot, Marieulles, Ars-sur-Moselle et Norroy-le-Veneur.

l.1 IN NOMINE SANCTE ET INDIVIDUE TRINITATIS, OTTO, DIVINA FAVENTE CLEMENTIA REX. SI LOCIS DIVINO CULTUI MANCIPATIS QUIPPIAM MUNERIS CONFERIMUS, ID NOBIS PROCUL DUBIO AD AETERNAM
l.2 beatitudinem capessandam profuturum liquido scimus. Ideo noverit omnium tam presentium quam futurorum fidelium nostrorum sagacitas, qualiter quidam abbas, Ansteus nomine, de monasterio Sancti Arnulfi,
l.3 quod est situm in suburbio Mettensis civitatis, in quo idem beatus requiescit Arnulfus, adiit serenitatis nostrȩ celsitudinem per venerabilem Mogontiacȩ sedis arhiepiscopum Friduricum cum voluntate et consensu Adebberonis reverendi
l.4 jamdictȩ Mettensis aecclesiȩ pontificis, deprecans ut de villis ad mensam monachorum Deo et sancto Arnulfo in suo monasterio militantium pertinentibus nostre auctoritatis preceptum facere juberemus. De quo videlicet monasterio
l.5 jampridem statueramus per preceptum nostrȩ auctoritatis, ut regula beati Benedicti perpetuo ab eisdem monachis observaretur et pro nobis ac pro statu regni nostri apud Domini clementiam fideliter interveniretur.
l.6 Cujus peticionibus aurem nostrȩ sublimitatis libenter accommodantes per hoc nostrȩ firmitatis indicium statuimus ut ad presentis vite subsidium has villas jure firmissimo habeant, teneant atque possideant, videlicet
l.7 Camenittum et quicquid ibi aspicit, Maceriolas et quicquid ibi aspicit, et quicquid Arnulfus rex in villa quȩ dicitur Arcx dedit, similiter villam quȩ dicitur Nugaredus, censum etiam de
l.8 mercato annuali in festivitate sancti Arnulfi cum terra et hominibus in circuitu monasterii. Et quia monachorum coetu[s pluri]bus indiget si quid inspirante Deo prefatus Adalbero episcopus addere voluerit
l.9 aut aliquis successorum ejus, per hoc preceptum nostrȩ concessionis, ut per succedentium temporum curricula firmius in Dei nomine veriusque credatur, manu propria nostra firmavimus et anuli nostri
l.10 impressione corroborari precepimus.
l.11 SIGNUM DOMNI OTTONIS [monogramme] INVICTISSIMI REGIS. BRUN CANCELLARIUS AD VICEM RODBERTI ARCHICAPPELLANI RECOGNOVIT [sceau] [ruche].
l.12 Data III idus junii, anno Domini DCCCCXLVIIII, indictione IIIa, regnante serenissimo rege Ottone anno XII[I. Ac]tum Ingilenheim. In Domino, feliciter. Amen.

SICKEL (Th.), Die Urkunden Konrad I, Heinrich I. und Otto I., Hanovre, 1879-1884 (MGH Diplomata regum et imperatorum Germaniae, 1), n° 104.

STUDER (Raymond), Catalogue des documents des Archives de la Moselle antérieures à 1101, in Annuaire de la Société d'histoire et d'archéologie de la Lorraine, 1923, p. 123-141, p. 129, n° 45.