Robert, roi de France, à la prière de l'abbé Vivien, cède à l'abbaye de Saint-Denis divers droits de justice, les environs de Saint-Denis, la forêt de Rouvray et renonce aux redevances coutumières qu'il percevait à Villepinte, Rueil, Féricy.

l.1 IN NOMINE SANCTAE ET INDIVIDUAE TRINITATIS. ROTBERTUS DIVINA ORDINANTE CLEMENTIA REX FRANCORUM SEMPER AUGUSTUS. DUM DEUS OMNIPOTENS HANC GALLIARUM PATRIAM A TENEBRIS INFIDELITATIS ERUERE DISPONERET, SANCTISSIMUM DYONISIUM, DIVINI VIDELICET VERBI SPLENDIDISSIMAM
l.2 lampadem, eidem ad innotescendum veritatis suae lumen dirigere dignatus est. Cujus predicatione conversa, multa, largiente Domino, semper experta est beneficia. Idem autem pretiosus martir Christi cum omnibus suum querentibus auxilium divinae largitatis munificentiam prerogaverit, circa
l.3 regum tamen Francorum excellentiam noscitur per cuncta benignus, atque in omnibus adjutor piissimus, presertim cum ipsi toto nisu eorum memoriam, sollicita mente ac magnifico opere, jugiter studuerint sublimare. Eos nempe, ut in eorum gestis legitur, ad optinendum regni principatum
l.4 suis dignissime ab ineunte aetate semper fovit auxiliis, hostium eripuit insidiis, aeternisque deposita carnis sarcina perfrui impetravit bonis, dicimus autem eos quos erga Dei cultum suum quoque devotos cognovit obsequium. Denique ut liquido claret, quicumque
l.5 summi Dei atque ipsius curam sollicite exhibere studuerunt obsequio, potestate regia digniter necne perhenni feliciter sublimati sunt gloria. Qui autem Deo ipsique famulari, ut dignum erat, contempserunt, vitam cum regno pariter amiserunt, quoniam
l.6 a tempore Karoli tercii imperatoris usque ad presens, in tantum a multis eorum ejusdem beati martyris neglectus est locus, ut ordo sacrae religionis monastici scilicet ordinis usque ad secularem pompam deveniret. Quocirca bona illius loci undique
l.7 depopulata, distracta, atque dispersa, ab illo tempore multis modis videntur, idemque locus multis calamitatibus oppressus, qui libertatem ac dignitatem pre omnibus hujus regionis coenobiis adeptus fuerat. Hujus igitur calamitati, genitor noster,
l.8 dive memoriae Hugo, atque genitrix nostra gloriosa Adhelaidis nosque pariter compatientes, ordinem in eo monasticum reparare, immo consolidare auxilio Dei et consilio procerum nostrorum studuimus, ac venerabilem virum domnum Vivianum
l.9 jam superius fato sancto loco abbatem prefecimus. Qui ut vir magnae prudentiae et industriae atque sedulus investigator bonorum loci sibi commissi intus ac foris nostram adivit presentiam, petens, ut sicut spiritualia, sic etiam
l.10 terrena augere incrementa Deo digno loco provideremus. Cujus petitioni assensum prebentes, cum dono priore patris nostri gloriosissimi regis, ac preclarissimae genitricis, pro salute ac remedio animarum eorum ac nostrae, immo
l.11 pro salute animae fidelis nostri Hugonis, damus Deo ac sancto DYONYSYO, quasdam res juris nostri cum conjuge ac filiis nostris, hoc est bannum hominis vulnerati vel interfecti, et infracturam intra vel extra castellum ipsius
l.12 coenobii, et legem duelli quod vulgo dicitur campus, ac totam procinctam intra vel extra, sicut antiqui reges ei dederunt, et nos hactenus tenuimus; ac Vassonisvillam cum appendiciis suis, et prata quae ab eadem villa
l.13 usque ad murum pertingunt, ac Rubridum silvam cum legibus quae ex ea fiunt, et quod in Villa Picta, vel fisco Ruoilo, vel Ferriciaco tenebamus, omnes videlicet consuetudines quas ibi habebamus cum omni integritate.
l.14 Unde hoc nostrae auctoritatis preceptum fieri jussimus, obsecrantes, et per nomen Domini nostri Jhesu Christi obtestantes, ut nullus regum succedentium, aut principum, haec nostra Deo conlata munera, ullo modo infringere presumat.
l.15 Si quis autem, quod non credimus, temerario ausu infringere presumpserit, auctoritate nostra et episcoporum nostrorum, qui nobiscum hoc preceptum in sancta synodo quae XVI kalendas junii Kale sedis nostrae palatio collecta resedit, firmaverunt,
l.16 anathema sit. Ut enim pleniorem hoc idem preceptum optineat vigorem, manu propria cum episcopis sanctae sinodi nostrae firmavimus, ac nomina episcoporum ejusdem sinodi subter ascribi jussimus, et anuli nostri inpressione sigillari jussimus. [colonne1] Lethericus Senonum archiepiscopus subscripsit. Hugo Turonorum archiepiscopus subscripsit. Fulbertus Carnotensium episcopus subscripsit. Adalbero Laudunensium episcopus subscripsit. [colonne2] Fulcho Aurelianensium episcopus subscripsit. Rotgerius Belvacensium episcopus subscripsit. Fulcho Suessionensium, episcopus subscripsit. Frodmundus Trecassinorum episcopus subscripsit. [colonne3] Fulcho Ambianensium episcopus subscripsit. Gislebertus Meldensium episcopus subscripsit. Wido Catalaunensium episcopus subscripsit. Rotbertus Silvanectensium episcopus subscripsit. [colonne4] Balduinus Tarvuanensium episcopus subscripsit.
l.17 [monogramme] [sceau].
l.18 FRANCO DIACONUS ATQUE CARTIGRAPHUS RELEGIT ET SIGILLAVIT.

l. 11 "Dyonysyo" en caractères grecs.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 158-159, n° 250.

NEWMAN (William Mendel), Catalogue des actes de Robert II, roi de France, Paris : Librairie du Recueil Sirey, 1937, p. 39-42, n° 31.

FRUTIEAUX (Elisabeth), Gassenville, villa disparue de l'abbaye de Saint-Denis, in Bibliothèque de l'Ecole des Chartes, 153 (1995), p. 439-445.