Paris, AN, K 17 n° 4

<< < / > >>

Numéro3048

Fiabilité de l'actenon suspecté

Genrediplôme

Date15/10/980(fiabilité :édition)

LieuBruxelles(lat :Brochsale)

DiocèseParis

RégionIle-de-France

Supportparchemin

Chirographienon

Sceau sceau plaqué

Etat de la traditionoriginal

AuteurEmpereur Otton II

BénéficiaireAbbaye  de  SAINT-DENIS

Regeste

Otton II, empereur, confirme à l'abbaye de Saint-Denis des possessions situées dans son empire.

Texte

l.1 IN NOMINE SANCTAE ET INDIVIDUAE TRINITATIS, OTTO, DIVINA DICTANTE CLEMENTIA IMPERATOR AUGUSTUS. CUM DECESSORUM NOSTRORUM, IMPERATORUM SCILICET AC REGUM, APICES VENERANDI AECCLESIARUM DEI MUNITIONIBUS CREVERINT ET AUGMENTIS NOSTRUMQUE IMPERIUM
l.2 divini regiminis subsidio roboratum non solum pristino vigore in presens usque floruerit, verum etiam divino nutu succrescendo limites paternae magestatis excesserit, in eadem exequenda quȩ nostrae sortis virorum honori profecerant, spes nos divinae consolationis ac patronatus accendit. Nostri enim
l.3 est officii aecclesias Dei quibus divinae providentiae dictatu praesidemus, nostrae facultatis opibus summopere sublevare et ab incursantium violenta rapiditate, quantum Deus annuerit, emunire pauperesque Christi qui velut vites virtutum fructibus florent, ne in tam alto conamine studio languente deficiant
l.4 ac fatiscant, ope consolationis debitae delinire et non tantum nostra isdem aecclesiis ditandis ac sublimandis pro spe futurae quietis apponere, verum etiam nostrae sortis illustrium virtute virorum beneficia sub testimonio scripti anulique collata nostrae majestatis auctoritate renovare atque firmare, hujus namque ordinis brevi-
l.5-tate descriptionis expressi diligens observatio non solum temporalem felici rerum successu distendit et effert vitam, sed etiam largitur aeternam. Igitur noverit omnium Dei fidelium nostrique pariter insignis ac praeclara sollertia, Rohtbertum abbatem venerandi monasterii quod beatae memoriae
l.6 Dagabertus rex Francorum in memoriam et honorem egregii Christi martyris Dionysii usque hodie ibidem corporaliter habiti pro spe futurae beatitatis extruxerat, nostrae magestatis adiisse conspectus obnixe deprecans de suȩ acclesiae praediis in nostro imperio sitis precepta quȩ antecessores nostri Hlotharius, Pippinus magnique nominis Karo-
l.7-lus Francorum quondam reges aliique complures acclesiae praedictae contulerant, nostrae auctoritatis edicto firmari. Unde ne nos a praescripto nostri ordinis officio vacantes cujuscumque non ociosa proclamatio reperiret, indictu precatuque dilectae contectalis nostrȩ imperiique consortis Theophanu pias ejusdem abbatis peti-
l.8-tiones admittentes villas quasdam quas hactenus sub nostro jure tenuimus, Vualanbrengam scilicet in pago Moslicinse sitam, Lecem quoque in pago Hasbanito habitam atque villare sancti Dionysii martyris praefati monasterii usibus pristino jure tenendas cum omnibus appenditiis suis dimisimus atque reliquimus. Insuper praecepta imperato-
l.9-rum ac regum tam de abbatia Lepraham dicta quam Fulradus praelibati monasterii quondam abbas cum omnibus attinentiis suis pro remedio animȩ suae Deo sanctoque Dionysio contulerat, quam de reliquis praediis in nostro imperio quocumque sitis praesentis scripti auctoritate roborando firmavimus, legali districtione jubentes ne publicus judex exactor vel quaelibet
l.10 juridiciaria persona familias ejusdem aecclesiȩ cujuscumque conditionis ab omni ministerio imperatoriȩ vel regiae magestati debito prorsus absolutas causis vel aliis quibuslibet modis inquietare ullamve in his potestatem exercere praesumat, habito nostrae auctoritatis dono in haec tantum agenda, eo quem abbas praedicti monasterii abbas consti-
l.11-tuerit advocato. Et ut nostrae donationis ac confirmationis haec edicta fixa in futurum permaneant, hanc cartam nostra jussione conscriptam atque signatam nostrȩ magestatis subscripti theorematis connexione firmavit auctoritas.
l.12 SIGNUM DOMNI OTTONI INVICTISSIMI IMPERATO-[monogramme]-RIS AUGUSTI [sceau].
l.13 HILDIBOLDUS CANCELLARIUS ET EPISCOPUS VICE VUILLIGISI ARCHICAPELLANI NOTAVI.
l.14 Data autem idus octobris, anno dominicae incarnationis DCCCCLXXX, indictione VII, anno vero regni secundi Ottonis XX, imperii autem tercio decimo. Actum Brochsale. Feliciter in Christo. Amen.

Bibliographie

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 9, p. 394, n° 2.

TARDIF (Jules), Monuments historiques - Paris, 1866, (Archives de l'Empire. Inventaires et documents), p.147-148, n° 235.

SICKEL (Th.), Die Urkunden Ottos II. Die Urkunden Ottos III., Hanovre, 1888-1893 (MGH Diplomata regum et imperatorum Germaniae, 2), DO II, n° 232.

Responsable

M.-J. Gasse

Comment citer cette notice

Acte n°3048 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°3048»[En ligne] http://www.cn-telma.fr/originaux/charte3048/. Date de mise à jour : 29/03/12.