Charles le Chauve, roi des Francs, donne à l'abbaye de Saint-Denis la villa de Rueil située en Parisis, avec une réserve de pêche.

l.1 [chrisme] IN NOMINE SANCTȨ ET INDIVIDUAE TRINITATIS, KAROLUS, GRATIA DEI REX. SI SACRIS LOCIS ET DIVINIS MANCIPATIS CULTIBUS INIBIQUE DEO FAMULANTIBUS LARGITIONIS NOSTRAE MUNERE ALIQUOD CONFERENDO TRIBUIMUS,
l.2 Deum nobis ob id presenti et in futuro seculo propitiaturum nullatenus dubitamus. Quapropter omnium sanctae Dei ecclesiae, presentium et futurorum, [comperiat generalitas quoniam nos, ob Dei et domini nostri Jhesu Christi amorem specialisque] protectoris nostri
l.3 magni Dionysii venerabilis [intercessionis spem, villam juris nostri Riogilum cum omni suarum integritate rerum et mancipiorum, cum terris] arabilibus, cultis et incultis, vineis, campis, silvis, pascuis, aquis aquarumve decursibus,
l.4 [piscatoriis, molendinis], exitibus et regressibus, necnon forestem aquaticam [que est a fluvio Saure usque Cambreias cum ripaticis], quam nunc usque nostra visa est dominari potestas, atque indulgemus omnes exactiones regias
l.5 in aqua, [cuicumque potestati subditi sint ripatici], sive in terra, quemadmodum olim [reges tenuerunt et nos hactenus visi sumus absque querimonia], veluti fiscum regium, tenuisse, quȩ villa sita est in pago Parisiaco et Pinciacinse,
l.6 venerandis monachis jamdicti domni Dionysii ad agendum perpetualiter subtermissura, conferimus et inviolabili a successoribus nostris traditione confirmamus, eo scilicet jure ut septem luminaria ante altare
l.7 sanctȩ Trinitatis, post quod nos humanis solutum legibus sepeliri optamus, semper tam in die quam et in nocte, [sine aliqua extinctionis intercapedine, ardeant], lumenque in presenti seculo perpetualiter tribuant, quarum una sit pro patre nostro
l.8 piȩ recordationis [Hludovuico augusto, altera pro genetrice nostra Judith regina, tertia pro nobis, quarta pro Hyrmintrude olim] conjuge nostra regina, quinta pro hac etiam conjuge nostra Richilde regina, sexta pro omni prole nostra vivente seu
l.9 defuncta, septima pro Bosone et Vuidone ac reliquis familiaribus nostris. Statuimus etiam ut, quia omni tempore non plena luce, causa sollempnitatum aut alicujus prepeditionis, omnia fieri possunt, quindecim luminaria
l.10 in refectorio per tria loca ȩqualiter distincta tempore congruo ardeant. Preterea ut omni mense ex jamdicta villa fratres generalem de omni re refectionem habeant decernimus atque sancimus, ita tamen ut hȩ refectiones
l.11 non diebus festis neque loco aliarum refectionum quas fratres ex aliis rebus habere debent tribuantur. In his ergo generalibus refectionibus generalis pro nobis fiat commemoratio, neque hec generalis oratio specialem prepediat supplicationem que pro nobis
l.12 fieri debetur ex aliis rebus a nobis collatis. In anniversario quoque obitus nostri, Richildis, similis oratio similisque fiat refectio. Non ergo opus erit ut refectio nativitatis nostrȩ transferatur in obitum, sed manente ea, refectio obitus
l.13 unde statutum est fiat. Hȩc autem et villa et omnia quȩ ex ea faciendum retro censuimus, im providentia decani omni tempore sint, suaque dispositione et ordinatione ista omnia agantur, rationem coram Deo, si quid
l.14 [minus fuerit, redditurus. Obsecramus ergo et] obsecrantes obtestamur omnes successores nostros qui hanc villam aut aliquod ad eam pertinentem de his quȩ antecessores nostri, salvo jure regio, tenuerunt
l.15 prenominatis rebus, a potestate sancti Dionysii subtrahant aut immutant seu alicui abbatum subtrahere, vel immutare permittant, [quo in aliquo minus fiat quam] Domino et sancto Dionysio voto nostro
l.16 sacratum est. Quod si fecerit, [manente integrum miseratione divina quod speciali puraque voluntate semel contulimus, se reum abstractionis vel] immutationis in conspectu
l.17 divinȩ majestatis mansurum [esse cognoscat. Haec nos Dei constitutione rex, ipsiusque et fratrum electione monasterii magni Dionysii abba, a patre causa tutele] traditus,
l.18 ut hȩc pie confirmatio constitutionis per omnia tempora firmior habeatur, firmiusque [ab omnibus observetur, manibus propriis subter firmantes, bullis nostris jussimus insigniri].
l.19 SIGNUM [monogramme] [KAROLI GLORIOSISSIMI REGIS.
l.20 ADALGARIUS NOTARIUS] AD VICEM GOZLENI RECOGNOVIT ET (RUCV) [IN DEI NOMINE].
l.21 Data VII idus octobris, anno XXX regnante Karolo rege et in successione regni [Hlotharii anno V]. Actum Sancto Di[onisio monasterio. In Dei nomine, feliciter. Amen].

Gallia Christiana in provincias ecclesiasticas distributa, Paris, 1715-1785 et 1856-1865, 16 vol., t. 7, Instr, col. 14.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 8, p. 629, n° 234.

GIRY (Arthur), La donation de Rueil à l'abbaye de Saint-Denis, in Mélanges Julien Havet: recueil de travaux d'érudition dédiés à la mémoire de Julien Havet (1853 – 1893), Paris, 1895, p. 683-717, p. 713.

TESSIER (Georges), Recueil des actes de Charles II le Chauve, roi de France, 3 vol., Paris, Imprimerie nationale, 1943-1955 (Chartes et diplômes relatifs à l'histoire de France), t. 2, p. 648-652, n° 496.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 5, pl. 29 (fac-similé).