Paris, AN, K 12 n° 6/B

<< < / > >>

Numéro3009

Fiabilité de l'actenon suspecté

Genrediplôme

Date31/08/860(fiabilité :édition)

LieuCompiègne(lat :Conpendio palatio regio)

DiocèseParis

RégionIle-de-France

Supportparchemin

Chirographienon

Sceau sceau plaqué

Etat de la traditionoriginal

Hauteur à gauche381   mm

Hauteur à droite371   mm

Largeur en haut490   mm

Largeur en bas475   mm

AuteurCharles II le Chauve, roi des FRANCS

BénéficiaireAbbaye  de  SAINT-DENIS

Regeste

Charles le Chauve, roi des Francs, donne à l'abbaye de Saint-Denis la villa de Marnay et un manse à Hauterive, situés dans le comté de Morvois.

Texte

l.1 [chrisme] [notes_tironiennes] IN NOMINE SANCTAE ET INDIVIDUAE TRINITATIS, KAROLUS, GRATIA DEI REX. QUICQUID LOCIS DIVINO CULTUI MANCIPATIS LARGIENDO CONFERIMUS, PROFUTURUM NOBIS AD AETERNAM BEATITUDINEM OBTINENDAM
l.2 et ad praesentem vitam felicius transigendam omnimodis confidimus. Itaque noverit omnium fidelium sanctae Dei ecclesiae nostrorumque praesentium ac futurorum industria quia pro absolutione peccatorum nostrorum, ad deprecationem venerabilium monachorum in monasterio Beatissimi Dionysii martyris
l.3 sociorumque ejus Deo militantium, quos semper sub nostra tuitione speciali devotione habuimus ac habere desideramus, ipso inspirante, considerantes eorum non modicas necessitates ac varias incommoditates complacuit celsitudini nostrae quandam villam nomine Madriniacum in Morivensi, comitatu sita perpetua
l.4 lege habendam ac praedictis fratribus ad monasterium construendum delegare atque contradere, et ut liberius Deo famulari et ordinem regularem in eo secretius observare valeant, et secundum Dei voluntatem et suum propositum ipsum locum incolant et custodiant. Similiter etiam concedimus eis mansum unum in supradicto
l.5 pago Morivensi, in loco qui dicitur Buxidus, quem illuster comes Vuidricus per nostrum beneficium actenus tenuit et cum ipsis fratribus commutaverat per nostram licentiam, ubi Gunthardus colonus commanere dinoscitur, sub omni integritate et soliditate sua quicquid ibidem aspicit, insuper et ipsum alium mansum
l.6 quem jamdicti fraters pro ipso manso dederant memorato Vuidrico in loco qui dicitur Altaripa, in jamdicto pago, cum ipso homine, nomine Vuitardo. Pari etiam voto adtribuimus eis forestem piscationis atque venationis tam infra quam extra Votuo ad ipsam potestatem legaliter et juste pertinentem, sicut
l.7 usque nunc Vuidricus comes ac fidelis noster sub sua dominatione ac ordinatione tenuit, et temporibus domni et genitoris nostri Hludovuici necnon et excellentissime memoriae Karoli imperatorum, Hildebrandus quondam ac postea Acchardus filius ejus tenuisse comprobantur, ita sub plenissima et integer-
l.8-rima firmitate jamdictis fratribus concedimus. Unde etiam hoc altitudinis nostrae praeceptum fieri illisque dari decrevimus, per quod memoratam villam ad supradictum monasterium instituendum cum terris arabilibus cultis et incultis, vineis, silvis, pratis, pascuis, farinariis, aquis aquarumve decursibus,
l.9 mancipiis utriusque sexus desuper commanentibus vel ad eandem villam jure legaliterque pertinentibus omnium rerum summa cum integritate ipsis monachis pleniter ac perpetuo habendam tradimus atque delegamus, ut secundum nostram ac eorum dispositionem atque administrationem succes-
l.10-sorumque suorum ordo monasticus in praedicto coenobio per futura tempora Deo servientium ordinetur adque administretur, praecipientes atque per dominum Jhesum Christum contestantes ut nemo regum vel abbatum per successiones quod nostro roboratum est edicto quoquo tempore subtrahere vel minuare
l.11 audeat aut ad usus suos retorqueat, vel alicui quiddam inde in beneficium tribuere praesumat, sed in praedictorum fratrum usus atque pauperum Christi utilitatibus praedicte res deserviant, eo videlicet pacto ut octavas sancti Dionysii in nostra memoria ex ea unam refectionem habeant
l.12 adque pro absolutione nostra ac domni et genitoris nostri Hludovuici serenissimi augusti atque genetricis nostrae Judith piissimae augustae, nostrae etiam consortisque regni nostri ac nobilissimae utriusque prolis omnipotenti Deo continuas preces fundere non desistant. Et ut haec nostrae auctoritatis sive
l.13 concessionis largitio nostris futurisque temporibus diligentius conservetur atque ab ipsis fratribus firmius possideatur, manu propria subter eam firmavimus anulique nostri impressione assignari jussimus.
l.14 SIGNUM [monogramme] KAROLI GLORIOSISSIMI REGIS.
l.15 [chrisme] GAUZLENUS NOTARIUS AD VICEM HLUDOVUICI RECOGNOVIT ET SUB[SCRIPSIT] [ruche] [sceau].
l.16 Datum II kalendas septembris, indictione VII, anno XXI regnante Karolo gloriosissimo rege. Actum Conpendio palatio regio. In Dei nomine, feliciter. Amen, [amen], AMHN.

Bibliographie

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 108-109, n° 171.

TESSIER (Georges), Recueil des actes de Charles II le Chauve, roi de France, 3 vol., Paris, Imprimerie nationale, 1943-1955 (Chartes et diplômes relatifs à l'histoire de France), t. 1, p. 549-555, n° 220.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 4, pl. 13 (fac-similé).

Responsable

M.-J. Gasse

Comment citer cette notice

Acte n°3009 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°3009»[En ligne] http://www.cn-telma.fr/originaux/charte3009/. Date de mise à jour : 29/03/12.