Charles le Chauve, roi des Francs, confirme l'immunité accordée par le roi Dagobert à l'abbaye de Saint-Denis.

l.1 [chrisme] [notes_tironiennes] IN NOMINE SANCTAE ET INDIVIDUAE TRINITATIS, KAROLUS, GRATIA DEI REX. QUICQUID ECCLESIIS SANCTORUM PRO DIVINO AMORE BENEFICIENTIAE NOSTRAE MUNERE DELEGANDO CONFERIMUS
l.2 et conferendo delegamus, profuturum nobis et ad praesentem vitam cum felicitate transiendam et ad aeternam beatitudinem facilius obtinendam nullatenus dubitamus. Proinde noverit omnium
l.3 sanctae Dei aecclesiae filiorum et nostrorum, tam praesentium quam et futurorum, sollertia quia Hludovicus, abbas ex monasterio Sancti Dyonisii, peculiaris protectoris nostri, unacum
l.4 fratribus ipsius coenobii nostram adierit celsitudinem, humiliter postulans ut eidem loco nostra regia auctoritate inmunitatem fieri juberemus. Quam petitionem justam esse considerantes,
l.5 alacri animo suscepimus atque ob amorem Dei et ejusdem peculiaris protectoris nostri, domni scilicet Dyonisii, cujus jam in multis necessitatibus experti sumus suffragia, hoc quod petebamur compleri
l.6 decrevimus. Ergo statuimus, cum communi consensu ac consilio totius regni nostri obtimatum, ut praedictus locus propriam inmunitatem habeat, quatinus, omni inquietudine remota, inibi habitantes liberius
l.7 Deo famulari possint atque pro remedio animae domni genitoris nostri, videlicet Hludovici augusti, et Judith reginae aequae genitricis nostrae seu pro incolumitate nostra uxorisque nostrae Hirmintrudis reginae
l.8 et regni nostri stabilitate domini et salvatoris nostri Jhesu Christi clementiam attentius exorare valeant. Cui nimirum inmunitati ipsos eosdemque terminos inponi censemus qui in privilegio domni Dagoberti
l.9 serenissimi regis quod de fugitivis ad idem coenobium isdem gloriosissimus rex fecit praescripti sunt, id est usque ad eum locum quo ad eandem aecclesiam tendentes Tricenam pontem ingrediuntur,
l.10 necnon etiam usque ad Montem Martyrum, ubi ipse praecellentissimus Domini testis agonem suum fideliter explevit similiterque usque ad viam publicam quae ad Luperam ducit. Itaque
l.11 hanc totam procinctam Deo sanctoque ejus Dyonisio donamus cum omni videlicet judiciaria potestate, hoc est bannum omnemque infracturam et si quae sunt aliae consuetudines legum ubicunque
l.12 infra totam praedictam procinctam, sive in agris, sive in domibus, sive in viis publicis vel privatis evenerint, cum omni integritate absque ulla querimonia aut contradictione, sicut jam
l.13 ante diximus, Deo peculiarique protectori nostro, sanctissimo scilicet Dyonisio, concedimus. Contestamur autem et deprecamur omnes successores nostros reges sive cujuslibet dignitatis principes
l.14 per sanctam et individuam Trinitatem et per adventum justi judicis Dei et salvatoris nostri Jhesu Christi ut hoc nostrae auctoritatis praeceptum nulli umquam hominum succedentium
l.15 ullo quocumque pacto infringere liceat. Ut autem haec piȩ confirmatio constitutionis per omnia superventura tempora firmior habeatur firmiusque ab omnibus
l.16 observetur, manibus propriis subter firmantes, sigilli nostri inpressione jussimus insigniri.
l.17 SIGNUM KAROLI [monogramme] REGIS GLORIOSISSIMI.
l.18 ADALGARIUS NOTARIUS AD VICEM GAUZLENI RECOGNOVIT [ruche] [sceau].
l.19 Data septimo kalendas maii, indictione quinta, anno vicesimo regnante Karolo gloriosissimo rege. Actum Sancti Dyonisii monasterio. In Dei nomine, feliciter. Amen.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 8, p. 549, n° 143.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 110, n° 174.

LASTEYRIE (Robert de), Cartulaire général de Paris, 1 vol., Paris, 1887, t. 1, p. 60, n° 44.

TESSIER (Georges), Recueil des actes de Charles II le Chauve, roi de France, 3 vol., Paris, Imprimerie nationale, 1943-1955 (Chartes et diplômes relatifs à l'histoire de France), t. 1, p. 593-597, n° 479.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 5, pl. 26 (fac-similé).