Paris, AN, K 9 n° 8/1

<< < / > >>

Numéro2985

Fiabilité de l'actenon suspecté

Genrediplôme

Date20/01/833(fiabilité :texte)

LieuVer(lat :Vern palatio regio)

DiocèseParis

RégionIle-de-France

Supportparchemin

Chirographienon

Sceau sceau plaqué

Etat de la traditionoriginal

Hauteur à gauche555   mm

Largeur en haut692   mm

Largeur en bas728   mm

AuteurEmpereur Louis le Pieux

BénéficiaireAbbaye  de  SAINT-DENIS

Regeste

Louis le Pieux, empereur, donne à l'abbaye de Saint-Denis une partie de la villa de Mitry dont les revenus sont affectés à l'entretien d'une chapelle fondée par l'abbé Hilduin, à charge de célébrer les anniversaires de l'empereur et de l'impératrice.

Texte

l.1 [chrisme] IN NOMINE DOMINI DEI ET SALVATORIS NOSTRI JHESU CHRISTI, HLUDOVUICUS, DIVINA ORDINANTE PROVIDENTIA IMPERATOR AUGUSTUS. SOLLICITUDINE IMPERIALI ET CHRISTIANAE RELIGIONIS ARDORE AC CULTUS DIVINI STUDIO PERMONEMUR PRO VENERABILIUM LOCORUM COGITARE AUGMENTO ET MANSURO STABILEMENTO QUONIAM SPIRITALIUM PRAEMIORUM EST MUNIFICENTIA CUM IN DEI ECCLESIA
l.2 piis et locis reverendissimis a nobis Christo auspice potestate commissa largitate promptissima festinatur concurrere, praesertim cum nihil credamus minui ab reipublicae jure, quotiens donis imperialibus aliquid sanctis Domini quorum virtute post dominicam pietatem mater terra videtur contineri et orbis universus misericorditer regi, humana quoque fragilitas sublevari et nostrum Deo favente imperium gubernari manu locupleti ut imperialem condecet
l.3 majestatem fuerimus largiti ejus praecipue providentia illique potius alacri animo et devotione debita conferentes qui sanctus sanctorum communem captivitatem nostram redemit et eos [sanctificatos] gratia coronavit atque nostrum ipso auctore regnum si jussis insistamus operibus ad perpetuum promisit secundum potentiam suam transferre imperium. Tanto enim plus regiae amplitudini res propensiori incremento proficiunt, quanto ex eis studio pietatis locis venerabilibus fuerit commodatum,
l.4 quia ideo credita Deo miserante suscepimus, ut optima dispensatione ejus omnipotentiae non dubitentur restitui, et nos pro conlatis possimus fiduciam adipisci in saeculis supervenientibus praemia aeterna tenendi. A paterna equidem praevaricatione notum est humanum genus corporeae mortis ultione multari. Quapropter quia certus est quandoque venturus terminus, et incertus formidatur eventus in hujus erumnosae caecitatis ignorantia redimendum est
l.5 tempus multis largitionibus, placandus est Dominus nostris oblationibus, et sancti ejus conciliandi sunt nobis devotis donationibus, quippe quoniam etsi saepius beneficia saecularibus inpensa negotiis digna minimis vicissitudine defraudantur, nullus pro certo est qui dubitet quod ea quae superno intuitu peraguntur, aeternae vitae remuneratione rependantur, etiam et apud saeculum imperatoria religio elatis laudibus nullatenus deficit, cum Dei ecclesia augmentationibus pro Christi amore
l.6 novorum operum ac donis uberrimis proficit. Idcirco notum esse volumus omnibus sanctae ecclesiae Dei fidelibus ac nostris, praesentibus scilicet et futuris, quia vir venerabilis Hilduinus abba religiosus monasterii Sancti apostolorum principis excellentissimorumque Christi martyrum Dionysii Rustici et Eleutherii specialium protectorum nostrorum ecclesiam ante pedes eorundem beatissimorum martyrum, ad laudem Dei ac Domini et redemptoris nostri Jhesu Christi in honore sanctae et inviolatae semperque virginis caeli totiusque mundi
l.7 reginae gloriosissimae genitricis ejusdem Dei omnipotentis Mariae ac sancti praecursoris Christi atque sanctorum apostolorum martyrum quoque confessorum et virginum omniumque Domini electorum divino respectu et supernorum civium veneratione pro nostra conjugis etiam prolis ac salute sua perpetua aedificavit, in qua auxiliante Domino suoque laudabili studio laborante permulta et pretiosissima sanctorum pignora collocavit. Ad quam ecclesiam gratia salvatoris nostri inspirante plenissima deliberatione partem villae quae Mintriacus
l.8 dicitur sicut Fredebaldus quondam eam per nostrum beneficium habuit sive in eadem ipsa villa seu alibi ad jamdictam portionem quaeque pertinentia fuerint tam mancipia quam cuncta quae eidem adtinere legitime dinosci valuerint, cum omni integritate per hoc augustae auctoritatis nostrae praeceptum Jhesu Christo triumphatori nostro atque genetrici ipsius domini Dei aeterni sancto denique Petro caeli clavigeri ac sanctis praetiosissimisque Christi martyribus Dyonisio Rustico et Eleutherio necnon omnibus sanctis Dei quorum
l.9 in eodem sacratissimo templo patrocinia tenentur cum honore recondita pro praesenti et perpetua nostra salute conjugis atque prolis sive imperii statu tradidi praesentaliter in possessionem aeternam, excepto ea quae ad praefatam domum reverendissimam de rebus ipsius matris ecclesiae unacum privilegio jamdicti venerabilis viri Hilduini nostris oraculis confirmare studuimus, qualiter ex ista proprietatis nostrae datione et rebus ut praediximus confirmatis secundum ordinationem quam idem vir Domini consensu nostro in sua
l.10 confirmatione disposuerat pleniter videatur adimpleri, ad luminaria scilicet exinde ibi providenda et ornatum in ea congruum et dignum procurandum, vel quicquid in [reparati]one et emendatione sui necessarium fuerit peragendum. Et ut in festivitatibus purificatione videlicet sanctae Mariae ac die martyrii beatissimorum Petri et Pauli pro honore omnium apostolorum et sollemnitate gloriosissimi Christi martyris Sebastiani, atque in anniversario nostro et dilectae
l.11 conjugis nostrae Judith quando hoc Deus voluerit ex jamdictis rebus monachi ipsius sancti coenobii in amore Dei omnipotentis et honore sanctorum ac nostra memoria refectionem habeant, semotis solatiis caritatis quae de rebus ecclesiae in solemnitatibus deputatis ad hoc nostra auctoritate confirmatis habebunt. Et in isdem diebus juxta possibilitatem ex his pauperum refectio fiat, quatenus sicuti pro predecessoribus nostris regibus fratres illius congregationis privatorum
l.12 beneficiorum commoditate speciales orationes more laudabili et cotidiano caelebrare sunt soliti, sic pro hac nostra speciali benedictione dum in corpore vivimus salutem, et post obitum aeternam nobis benedictionem precibus satagant impetrare. Decernimus etiam per potestatem regis regum qui nobis quantam voluit potestatem misericorditer contulit in cujus manu corda sunt regum per interminationem et obtestationem ejus
l.13 futuri judicii nulli licere successorum nostrorum aut monasterii ipsius rectorum vel alii cuilibet magnae vel parvae personae haec quae a nobis pia intentione tradita decreta et promulgata sunt in quoquam convellere aut res ipsas in beneficium dare vel ubi et ubi distrahere sive pensiones aut exsenia vel exactationes redditus quoque seu functiones earum in suos suorumque usus, necnon quocumque ingenio calliditate vel arte aliqua atque occasione
l.14 in quamlibet aliam partem nisi ut praefati sumus in utilitate ipsius sanctae ecclesiae et elemosinae nostrae augmento dispendere, et sicut saepescripti fidelis nostri obsequio rationabili provideri annuimus, sed sub specialis custodis qui fidelis religiosus et regularis eidem divino domicilio semper abbatis et fratrum electione deputabitur dispensatione et ordinatione haec donatio nostra sollerti sollicitudine procurata pro festibus destinatis et
l.15 debitis aeternae retributionis obtentu fideliter conferatur. Successores nihilominus nostros obnixe deposcimus, ut sicuti ea quae ipsi pro sua salute statuerint a suis decessoribus voluerint observari, ita hanc constitutionem nostram quam pro prosperitate nostra conjugis et prolis, et statu imperii confirmamus firma stabilitate inconvulsam manere, et finetenus perpetuis temporibus inviolatam observare procurent.
l.16 Ut vero pleniorem obtineat firmitatis vigorem, eam manu nostra subter firmavimus, et de anulo nostro sigillare jussimus.
l.17 SIGNUM [monogramme] HLUDOVUICI SERENISSIMI IMPERATORIS. [chrisme] HIRMINMARIS NOTARIUS AD VICEM THEOTONIS RECOGNOVI ET [ruche] [sceau].
l.18 Data XIII kalendas februarii, anno Christo propitio XVIIII imperii domni Hludovuici piissimi augusti, indictione XI. Actum Vern palatio regio. In Dei nomine, feliciter. Amen.

Bibliographie

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 6, p. 588-589, n° 183.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 89, n° 126.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 2/1, pl. 18 (fac-similé).

Responsable

M.-J. Gasse

Comment citer cette notice

Acte n°2985 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°2985»[En ligne] http://www.cn-telma.fr/originaux/charte2985/. Date de mise à jour : 29/03/12.