Paris, AN, K 7 n° 7/B

<< < / > >>

Numéro2956

Fiabilité de l'actedouteux

Genrediplôme

Date16/09/782(fiabilité :édition)

LieuDüren(lat :Duria palatio regio publice)

DiocèseParis

RégionIle-de-France

Supportparchemin

Chirographienon

Sceau sceau plaqué perdu

Etat de la traditionpseudo-original

Hauteur à gauche300   mm

Largeur en haut482   mm

Largeur en bas475   mm

AuteurCharlemagne, roi des FRANCS

BénéficiaireAbbaye  de  SAINT-DENIS

Regeste

Charlemagne, roi des Francs, confirme à l'abbaye de Saint-Denis la donation par l'abbé Fulrad de biens situés en Alsace, dans le Saulnois et en Alémanie.

Texte

l.1 [chrisme] CAROLUS, GRATIA DEI REX FRANCORUM ET LONGABARDORUM AC PATRICIUS ROMANORUM, VIR INLUSTER. SI PETITIONIBUS SERVORUM DEI ET UTILITATIBUS ECCLESIARUM CONSULIMUS ET HOC AD EFFECTUM PERDUCIMUS, RETRIBUTOREM EXINDE DOMINUM
l.2 in futuro habere confidimus. Igitur cognoscat utilitas seu sagacitas omnium fidelium nostrorum tam praesentium quam et futurorum, quia fidelis et venerabilis abbas noster Folleradus de basilica peculiaris patronis nostri Domni Dionisii martyris et sociorum ejus Rustici et
l.3 Eleutherii accessit ad clementiam nostram deprecans et petens, ut praeceptum auctoritatis et confirmationis nostrae ei tale fieri et adfirmari ex omnibus rebus suis dignaremur, qualiter praedicta sancta basilica supradictorum martyrum Dionisii et sociorum ejus perhenni
l.4 tempore in nostra et sua elemosina perpetua observatione ipsas res tenere et possidere debeant, sicut in puletis et cartis ipsius Folleradi plenius descriptum habetur, videlicet in pago Alsacinse, cellam Sancti Alexandri, ubi ipse corpore requiescit, cum omnibus appendiciis et perti-
l.5-nentia sua, cum rebus et mancipiis utriusque sexus vel ubi et ubi consistentibus, necnon et aliam cellam quae dicitur Salonna, in pago Salnense, cum omnibus rebus et mancipiis ad se pertinentibus, cum Blithario villa super fluvium Saroa et Blesa cum rebus et mancipiis ubi et ubi commanenti-
l.6-bus et pertinentibus vel quicquid in ipsis pagis tenere et possidere videtur ex donatione nostra et aliorum regum vel bonorum hominum; similiter in ducatu Alamanniae, cellam quae vocatur Haibertingas, cum rebus et mancipiis ad se pertinentibus et aliam cellam nomine Ezilingas et Adalungocellam similiter
l.7 et Gamundias cum quicquid ad ipsas cellas aspicere et pertinere legitimo ordine cernitur et comprobatur. Denique postulavit jamdictus Folleradus abbas, ut illi et successoribus suis, ubicumque vel in quoscumque pagos valuerint et invenerint oportunitatem res et mancipia comparandum,
l.8 commutandum vel ex quocumque ingenio impetrare potuerint, licentiam et auctoritatem deinceps ex parte nostra semper habeant. Haec autem omnia superius denominata, tam de donationibus regum quam et de bonorum hominum traditionibus vel de qualibet attractu ad
l.9 ipso Follerado dinoscitur pervenisse, ad praefatum Sancti Dionisii monasterium vel monachorum stipendia et luminaria ecclesiae et susceptionem hospitum ac pauperum omnimodis delegamus atque perpetualiter in omnibus confirmamus, sicut
l.10 in testamentis ipsius Folleradi abbatis continetur et in plivilegio domni Leonis apostolici plenius sub vinculo anathematis scriptum habetur. Constituimus etiam, ut in perpetua memoria anniversarium nostrum ex his rebus et praedicti Folleradi
l.11 abbatis omni anno facere et custodire studeant, qui ipsas cellas et rebus in providentiam habuerint, et si hoc pretermissum fuerit, a Deo sibi requirere sciant, qui hoc neglexerint vel abstraxerint; qui vero observaverint et custodierint, mercedem ac retri-
l.12-butionem a Domino nobiscum habere mereantur. Et ut melius ipsa sancta congregatio pro nobis, conjuge et omni progenia nostra in futurum nascitura et pro imperio nostro Domini misericordiam et ipsorum sanctorum valeant attentius exorare, hanc
l.13 nostram auctoritatem et confirmationem in Dei nomine manu propria subter firmavimus et de anulo nostro sigillari fecimus.
l.14 SIGNUM [monogramme] CAROLI GLORIOSISSIMI REGIS.
l.15 [chrisme] VUIGBALDUS AD VICEM HITHERII RECOGNOVIT ET SUBSCRIPSIT [ruche] [Vuigbaldus ad vicem Hitherii recognovit et subscripsit]. Bene valete. [sceau].
l.16 Datum XVI kalendas octobris, anno XIIII et octavo regnante domno nostro Carolo gloriosissimo rege. Actum Duria palatio regio publice. In Dei nomine, feliciter. Amen, [amen, amen].

Bibliographie

MÜHLBACHER (E.), Die Urkunden Pippins, Karlmanns und Karls des Grossen, Hanovre, 1906 (MGH Diplomata Karolinorum, 1), p. 329-331, n° 238.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 1, pl. 40 (fac-similé).

Responsable

M.-J. Gasse

Comment citer cette notice

Acte n°2956 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°2956»[En ligne] http://www.cn-telma.fr/originaux/charte2956/. Date de mise à jour : 29/03/12.