Charlemagne, roi des Francs, renouvelle le privilège d'immunité accordé à Saint-Denis.

l.1 [chrisme] CAROLUS, GRATIA DEI REX FRANCORUM ET LANGOBARDORUM AC PATRICIUS ROMANORUM. INCIPIENTIA REGNI NOSTRI AFFECTUM DE NOSTRA ERECTIONE INTEGRE AUXILIANTE DOMINO VIGILAVI ET PRO IPSA BONA OPERA AUCTUM CUM CONSILIUM PONTEFICUM
l.2 vel seniorum optimatum nostrorum emunitate per nostro confirmandum regnum et mercede vel inepiscendam vitam eternam renovare deberemus, quod ita et fecimus. Ergo oportet clementiae principale inter ceteras peticionis illud, que pro salutae adscribitur et pro divine
l.3 nomine postulatur, placabile auditum suscepere et procul dubium ad effectum perducere, quatenus de caducis rebus presentis seculi aeterna conqueritur juxta preceptum Domini dicentes: Facite vobis amicus de mamona iniquitatis. Ergo de mamone iniquitatis juxta ipsius dictum
l.4 nos oportet mercare eterna celestia et, dum sacerdotum congruum inpertimus beneficia, retributorem Domino ex hoc habere mereamur in eterna tabernacula. Igitur venerabilis vir Folradus, abba de basilica peculiaris patroni nostri Domni Dionisii marthyris, ubi ipse preciosus domnus in corpore requiescit, clementia
l.5 regni nostri supplicavit, eo quod ab antecessoribus regibus a longo tempore omnis emunitas de villas prefati sancti basilici fuit concessum; unde et ipsas preceptionis manus roboratas et bone memorie genetore meo Pippini, condam regis, se per manibus habere adfirmat et hoc usque nunc inviolabter adserit esse conservatum.
l.6 Unde petiit, ut hoc per nostram auctoritatem denuo pro re firmitate circa ipso sancto loco vel hominis, qui se cum substancia eorum ad ipsa basilica tradunt vel condonant, juxta quod anterioris regis per eorum auctoritates ad ipsa basilica hoc prestiterunt et confirmarunt, hoc iteratis circa ipso abbate
l.7 concedere et confirmare deberemus. Ideo cognuscat magnitudo seu utilitas vestra, quod nos, pro reverencia ipsius sancti loci vel pro quietim Domini famulancium, prumtissimam voluntatem denuo concessisse et in omnibus confirmasse vestra cognuscat solercia. Quapropter per hanc preceptus,
l.8 quod specialius decernimus et in perpetuum volumus esse mansurum, jubemus, ut neque vos neque [juniores] seu successoris vestri nec quislibet de judiciaria potestate accinctus in curtis prefate sancti basilice Domni Dionisii ubi et ubi in quascumque pagos in regno, Deo propitio, nostro, quod ad die pars ipsius monasterii possedere vel dominare
l.9 videtur vel quod a Deo timentibus hominibus per legitima instrumenta ibidem fuit concessum aut inantea fuerit additum atque delegatum, nec ad causas audiendum nec ad fidejussoris tollendum nec ad freda exiendum nec ad mansionis faciendum nec paratas nec ullas redibiitiones requirendum ingredere nec exigere quoque tempore
l.10 penitus non presumatur, nisi quicquid fiscus noster exinde potuerit sperare, omnia et ex omnibus pro mercedis nostrae conpendium cum omnis fretus ad integrum sibimet concessus, ut dictum est, inspectas ipsas preceptionis anteriorum regum vel juxta quod presens nostra contenere videtur auctoritas,
l.11 quicquid ipse sanctus locus ad die presente, ut diximus, habere videtur quam quod in postmodum a Deo timentibus hominibus vel a nobis ibidem fuerit additum vel conlatum seu quibuscumque juste et racionabiliter cum omne substancia sua ad ipso monasterio se tradiderit et res suas per legitima strumenta ibidem delegaverit
l.12 vel firmaverit, sub integra emunitate ad die presente valeat resedere quietus atque securus; et, ut dictum est, quicquid exinde forsitan fiscus noster sperare potuerat, in luminaribus vel in stipendiis seu et in elimoniis pauperum ipsius monasterii perenniter pro nostris oraculis ad integrum in omnia et ex omnibus
l.13 sit concessum atque indultum, ut eis melius dilectet pro stabilitate regni nostri vel pro quietim quibuslibet cunctis liudis nostris Domini misericordiam adtencius deprecare. Et ut haec auctoritas nostris et futuris temporibus circa ipso sancto loco perenniter firma et inviolata permaneat
l.14 vel per tempora inlesa custodiatur atque conservetur et ab omnibus judicis melius credatur, propria manu annotacione studuimus adumbrare.
l.15 SIGNUM [monogramme] CAROLI GLORIOSISSIMI REGIS [sceau].
l.16 [chrisme] GILTBERTUS AD VICEM RADONI RECOGNOVI ET SUBSCRIPSI [ruche] [Gitbertus ad vicem Radoni recognovi et subscripsi].
l.17 Data in mense octubris, anno XI et quinto regni nostri. Actum Goddinga villa. In Dei nomine, feliciter.

F. L. Ganshof a proposé d'identifier "Goddinga villa" avec Godinne (Belgique, prov. Namur, arr. Dinant) au bord de la Meuse (µLa Belgique carolingienneµ, Bruxelles, 1958, p. 22).

MÜHLBACHER (E.), Die Urkunden Pippins, Karlmanns und Karls des Grossen, Hanovre, 1906 (MGH Diplomata Karolinorum, 1), p. 167-168, n° 120.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 1, pl. 26 (fac-similé).

CHARTAE LATINAE Antiquiores, Olten, puis Zurich, 1954-, t. 16, p. 42-49, n° 626 (fac-similé p. 44-49).