Charlemagne, roi des Francs, donne à l'abbaye de Saint-Denis les villae de Luzarches et de Messy.

l.1 [chrisme] CAROLUS, GRATIA DEI REX FRANCORUM ET LANGOBARDORUM, OMNIBUS FIDELIBUS NOSTRIS TAM PRAESENTIBUS
l.2 quam et futuris. Et quia, monente scriptura, ita oportet unumquemque constanter praeparari, quatenus veniente in conspectu superni judicis illam mereatur Domini piam vocem audire, unde omnes justi
l.3 ex bonis actibus erunt gavisi, quapropter nos salubriter, ut credimus, considerantes, qualiter ex terrenis rebus, quibus superna gratia nobis affluenter in hoc saeculo largire dignata est, saltim vel in pauperibus ex hoc tribuere deberemus,
l.4 unde misericordiam altissimi adepisci valeamus. Idcirco donamus pro anime nostrae remedio ad ecclesiam Sancti Diunisii, ubi ipse praeciosus domnus cum sociis suis corpore quiescunt, et venerabilis vir Fulradus, abba, praeesse videtur, et nos, Christo propitio,
l.5 a novo aedificavimus opere et modo cum magno decore jussimus dedicare, donatumque in perpetuo ad ipsum sanctum locum esse volumus, hoc est villas nostras in loca nuncupantes Lusarca, quae ponitur in pago Parisiaco, super fluvio qui vocatur Folunca,
l.6 unacum illa ecclesia in honore sancti Cosme et Damiani necnon et alia villa nostra in loco nuncupante Masciago, quae ponitur in pago Meldico, cum omnibus terminis vel appendiciis earum, ut cum omni integritate ad ipso monasterio
l.7 vel monachis ibidem deservientibus seu in luminaribus ipsius ecclesiae procurandum vel stipendia pauperum jam praedictas villas proficere debeant in augmentis, id est unacum terris, domibus, aedificiis, accolabus, mancipiis, viniis, silvis, pratis,
l.8 pascuis, aquis aquarumve decursibus, farinariis, movilibus et inmovibus, sicut supra diximus, cum omni integritate pars praedicti monastherii ejusque rectores habeant, teneant at possedeant vel quicquid exinde facere voluerint,
l.9 nostris et futuris temporibus licentiam habeant, quatenus melius delectet ipsos servos Dei pro nobis prosequente progeniae nostra die noctuque Domini misericordia adtencius depraecare. Et ut haec auctoritas
l.10 firmior habeatur vel per tempora melius conservetur, manu propria subter eam decrevimus roborare vel de anulo nostro jussimus siggillare.
l.11 SIGNUM [monogramme] CAROLI GLORIOSISSIMI REGIS.
l.12 [chrisme] VUIGBALDUS AD VICEM HITHERII RECOGNOVI ET SUBSCRIPSI [ruche] [Vuihbaldus ad vicem Hitherii recognovi et subscripsi] [sceau].
l.13 Data quinto kalendas martias, anno septimo et primo regni nostri. Actum in monasterio Sancti Diunisii. In Dei nomine, feliciter.

DOUBLET (Dom J.), Histoire de l'abbaye de Sainct-Denys en France, Paris, 1625, p. 710.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 58-59, n° 72.

MÜHLBACHER (E.), Die Urkunden Pippins, Karlmanns und Karls des Grossen, Hanovre, 1906 (MGH Diplomata Karolinorum, 1), p. 133, n° 92.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 1, pl. 18 (fac-similé).

CHARTAE LATINAE Antiquiores, Olten, puis Zurich, 1954-, t. 15, p. 90-93, n° 615 (fac-similé p. 92-93).