Geoffroi, évêque de Paris, donne à l'abbaye Saint-Germain-des-Prés deux autels situés à Suresnes et Avrainville, en échange de la moitié du domaine de Garches et d'un moulin sur la Sèvre. Philippe I^er, roi de France, confirme de sa suscription.

l.1 CUNCTIS SANCTAE [AECCLESIAE RECTORIBUS NON SOLUM SATAGENDUM ET MAXIME EST PROCURANDUM
l.2 ne detrimentum patiantur commissarum sibi animarum verum etiam ne ecclesiasticarum rerum incurrant
l.3 aliquo modo dispendium. [Iccirco] in nomine sanctae et [individuae] Trinitatis, ego Gosfridus, gratia Dei Parisiorum
l.4 prȩsul, notifico cunctis christi fidelibus quod effectuosis precibus, postulante domno religiosissimo [Rotberto, cȩnobii]
l.5 sancti levitȩ et martyris Vincentii necnon almi confessoris Christi Germani abbate, annuente hoc idem etiam
l.6 Joscelmo nostro videlicet archydiacono, quin etiam assensum [dante] clero nostro et reliquo coetu [nostrorum fidelium],
l.7 contulimus ȩcclesiae sanctorum prȩdictorum videlicet pretiosi VINCENTI martyris necnon confessoris Christi GERMANI, Parisiorum tutoris, ac fratribus ibidem Deo famulantibus duo altaria in perpetuum possidenda et haben-
l.9-da, utque [ab hac die] nulli aut episcopo vel archydiacono aliqua occasione sint dedita, aut ullius consue-
l.10-tudinis redibitione sint obnoxia, exceptis circadis et [synodis] et hiis quȩ ad curam animarum pertinent,
l.11 precepti assertione manu propria firmavimus fidelibusque [nostris astipulantibus] corroborare decrevimus.
l.12 Est autem alterum eorum situm in quadam possessione quȩ Surisnis dicitur, alterum vero in quodam
l.13 item predio quod Evrinivilla nuncupatur. Prȩfatus vero abbas cum consensu omnium fratrum, annuente
l.14 etiam hoc idem domino nostro PHILIPPO rege, mutua vicissitudine contulit nobis sanctȩque Parisiacensi
l.15 ȩcclesiȩ hȩc ex rebus coenobii predictorum sanctorum, medietatem videlicet cujusdam possessiunculȩ quȩ
l.16 dicitur Garziacus necnon quoddam molendinum in fluviolo quod nuncupatur Savara situm. Verum [ut]
l.17 [per] cuncta succedentia tempora hec commutatio fieret rata utrique ad invicem scripto firmavimus
l.18 et in presentia donni regis Phulippi ac nobilium virorum tam clericorum quam laicorum omnimo-
l.19-dis corroboravimus. ACTUM PARISIUS, ANNO VERBI INCARNATI MLXX REGNANTE PHYLIPPO REGE ANNO [XI].
l.20 S. Manasse, Remensis [archipresulis. S. Gualterii, Meldensis presulis. S. Rogerii, Catalaunensium presulis].
l.21 S. Odonis decani. S. Drogonis [archydiaconi]. S. Ivonis [archydiaconi. S. Landonis. S. Ursionis]. S. Petri. S. Odonis. S. Fulconii. S. Orrici. [S. Arnulfi].
l.22 S. Rodulfi. S. Guarnerii. S. Gualterii. S. Drogonis. [S. Erminterii. S. Guarini]. S. Anscherii. S. [Roberti]. S. Gilberti. [S. Girardi].
l.23 S. DOMNI [croix] PHYLIPPI REGES. Testes [nostri....bertus], Henricus, Elisiernus, Odo [ma....]. Testes monachorum: Guinerandus, Joscerannus,
l.24 Hildebertus, Hugo, [Gilbertus, Robertus].
l.25 Ivo comes. Albericus, frater ejus. Guarinus, cognomine Ridellus. Tetbaldus de Monte Maurentio. Guarnerius. Petrus, filius ejus. Hugo de Pusatio.
l.26 Hugo, dapifer episcopi. Balduinus, dapifer regis. Hugo, frater archipresulis Remensium.
l.27 EGO MILO CANCELLARIUS RELEGI ET SUBSCRIPSI. CYROGRAPHUM.

PROU (M.), Recueil des actes de Philippe I^er, roi de France (1059-1108), Paris, 1908 (Chartes et diplômes relatifs à l'Histoire de France), p. 130-132, n° 48.

POUPARDIN (René), Recueil des chartes de l'abbaye de Saint-Germain-des-Prés, des origines au début du XIIIe siècle, tome 1 : 558-1182, Paris, Champion, 1909, p. 106-108, n° 65.

PARISSE (Michel), Remarques sur les chirographes et les chartes-parties antérieures à 1120 et conservées en France, dans Archiv für Diplomatik, 32 (1986), p. 546-567, p. 561-563.