Nantes, AD Loire-Atlantique, H 150 n° 1

<< < / > >>

Numéro2868

Fiabilité de l'actenon suspecté

Genrenotice

Date1079(fiabilité :étude diplomatique)

Lieunon identifié

DiocèseTours

RégionCentre

Supportparchemin

Chirographienon

Sceau non scellé

Etat de la traditionoriginal

Hauteur à gauche650   mm

Hauteur à droite640   mm

Largeur en haut365   mm

Largeur en bas382   mm

AuteurPlusieurs hommes  de  NORT SUR ERDRE

BénéficiaireAbbaye  de  MARMOUTIER

Regeste

Les alleutiers d'Enort cèdent à l'abbaye de Marmoutier le lieu de Herda.

Texte

l.1 Fugax gestarum rerum memoria litterarum vinculis est alliganda, quȩ et presentibus vel oblita ad memoriam revocet,
l.2 vel ignorata notificet, et futuris antiqua renovet, et preterita representet. Notum igitur perpetuitate istius cartȩ fieri volumus
l.3 universis sanctȩ dei aecclesiȩ cultoribus tam presentibus quam futuris, quoniam venerandus Namnetensis aecclesiȩ episcopus nomine Quiriacus vice monachorum
l.4 Sancti Martini Majoris monasterii sub regimine domni Bartholomei tunc abbatis omnipotenti Deo servientium, petiit a quibusdam hominibus
l.5 qui appellantur alodiarii apud Henor, ut pro animarum suarum redemtione quendam locum situm super fluvium qui dicitur Herda, in memoria
l.6 sancti Georgii constructum, quem habebant in commune, Sancto Martino concederent jure perpetuo possidendum, ut quotiens abbas vel monachi
l.7 Sancti Martini causa utilitatis suȩ aecclesiȩ in hanc patriam venirent, possent ibi quiete ac regulariter hospitari sicut monasticus ordo exigit,
l.8 aedificata ibi domo ad habitationem monachorum qui hunc aedificarent locum. Quod illi gratanter amplectentes a minimo usque ad maximum
l.9 libenti animo concesserunt, gratulantes ipsi monachorum Sancti Martini sotietatem adipisci, et orationibus atque helemosinis eorum participari,
l.10 dato illis beneficio Majoris monasterii per manum domni Bartholomei abbatis, qui tunc manebat apud Henor. Quorum aliquos, quoniam non possumus
l.11 omnes, huic cartȩ inserere curavimus personas scilicet eminentiores quorum nomina haec sunt, Grossinus, Beatus, Ursus, Danihel, Bernardus,
l.12 Atelinus, Normannus, Abraham, Guigannus, Fulcaldus, Bodinus, Vicinus, per quorum manus facta est celeberrime donatio ecclesiȩ predicti loci
l.13 cum omnibus rebus quȩ pertinent ad ipsam ȩcclesiam, in presentia domni Bartholomei abbatis apud predictum Henor, annuentibus omnibus sub una voce
l.14 exultationis qui videntur esse participes jam sepedicti loci. Cujus donationis scriptum ut per cuncta annorum curricula vigorem perpetuitatis
l.15 obtineat, sub presentia predicti abbatis domnus Rivallonius et domnus Gledennius quorum interest, auctoritate sua firmaverunt, annuentibus quoque
l.16 illis quicquid datum fuerit Sancto Martino dono aut precio infra possessionem prefati loci, ita ut sit illud liberum et quietum ab omni consuetudine exacti-
l.17-onis vel vicariȩ seu cȩterorum vectigalium. Nomina vero eorum qui huic donationi interfuerunt dignum duximus subterscribere pro testibus. [colonne1] S. Rivallonii. S. Gledennii. S. Grossini. S. Beati. S. Ursi. S. Danihelis. S. Bernardi. S. Atelini. S. Normanni. S. Guiganni. [colonne2] S. Fulcaldi. S. Bodini. S. Vicini. S. Jarnegundi. S. Aimonis. S. Gohedri. S. Geraldi. S. Gerardi. S. Firmati. S. Ebonis. [colonne3] S. domni Bartholomei abbatis. S. Galterii monachi. S. Airardi monachi. S. Galterii monachi. S. Airaldi monachi. S. Gigomari monachi. S. Alberti monachi. S. Fulconis monachi. S. Abbonis clerici. S. Lealdi. S. Petri quoci. S. Duranti. [colonne4] S. Geraldi Rufi. S. Huberti. S. Engelbaldi. S. Frodonis.

Notes

1

Bibliographie

MORICE (Dom P.H.), Mémoires pour servir de preuves à l'histoire ecclésiastique et civile de Bretagne, 2 vol., Paris, 1742-1744, t. 1, 443-444.

Responsable

M. Courtois

Comment citer cette notice

Acte n°2868 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°2868»[En ligne] http://www.cn-telma.fr/originaux/charte2868/. Date de mise à jour : 29/03/12.