Hildebert Escharsellus, de Nantes, cède un moulin à l'abbaye de Marmoutier, l'autre à son gendre Frioul. Celui-ci offre son moulin à l'abbaye pour qu'elle accueille comme moine son fidèle Raimbert.

l.1 Eluceat omnibus et precipue nostris successoribus quod Hildebertus cognomento Escharsellus civis
l.2 Nannetensis habuit ibidem duos molendinos in exteriis marinis. Quorum unum dedit Frioldo
l.3 filio Bugaldi cum filia sua nomine Delicata quam ille in uxorem accipiebat, alterum vero
l.4 deveniens monachus donavit beato Martino Majoris monasterii, et nobis ejus monachis sicut
l.5 habetur in aliis litteris. Postmodum vero quidam miles civis et ipse Nannetensis Rainbertus nomine
l.6 cognomento autem Rabellus, predicti Frioldi homo, cum optaret fieri monachus et non satis haberet
l.7 quod secum afferret prout in actibus apostolorum legitur, et quod ante monachorum pedes poneret, optinuit
l.8 a domino suo sepedicto Frioldo, ut ei donaret ad opus hoc, id est ad offerendum atque dandum mona-
l.9-chis qui ipsum susciperent, molendinum illum supradictum, quem acceperat cum uxore sua Delicata.
l.10 Locutus ergo cum monachis nostris qui apud Nannetum habitabant, obtulit illis et se ad monachan-
l.11-dum, et predictum molendinum. Quod et illi gratanter annuerunt, et sic hominem susceperunt,
l.12 atque molendinum ad opus nostrum. Concessit igitur beato Martino et nobis ejus monachis idem Frioldus
l.13 propter illum Rabellum qui fideliter ei servierat, molendinum sepedictum, concedente Delicata
l.14 uxore sua, ex cujus patrimonio ipse erat molendinus. Hujus rei testes sunt, Herbertus
l.15 prepositus, Evanus Clavulus, Rufinus filius Belosȩ, et Bernardus filius ejus, Andreas de Cannais,
l.16 Gausfredus de Garranda, Guido Escobichardus, Johannes filius Normanni hospitalis, Herveus filius
l.17 Gonterii, Johannes filius Juhalis.
l.18 Actum anno ab incarnatione Domini MXCV. Agentibus nobis sub donno abbate
l.19 Bernardo XIImo anno ordinationis ejus, Alano comite Redonensium, et Mahiello fratre ejus
l.20 comite Nannetensium, sub Benedicto presule.

1