Geoffroi et Roaldus, fils de Frioul, vicomte de Donges, confirment les donations effectuées par leur père en faveur de l'abbaye de Marmoutier. Coquinus renonce aux querelles qu'il élevait contre l'abbaye.

l.1 Majoris monasterii abbas Bartolomeus venit Namnetum, infra octavas Ascensionis Domini. Tunc fuit ibi
l.2 etiam vicecomes Frioldus de Dongia cum filio suo minore Goffrido. Cumque essent in ecclesia Sancti Petri, in choro
l.3 inferiori, rogante abbate et monente patre, auctorizavit idem Goffridus omnia quȩ pater suus Frioldus dederat
l.4 beato Martino et monachis ejus. Factum est hoc anno incarnationis Domini MmoLXXXmoIIIo, in festivitate sancti Urbani,
l.5 qui dies erat octavus Ascensionis Domini, multis audientibus et videntibus tam clericis quam laicis, ex quibus hic aliquorum
l.6 nomina subscripta sunt, Frioldus vicecomes, Droaloius, Herbertus prepositus, Barbotinus frater ejus, Glaius frater Simonis, Rainaldus Bodinus, Hubertus gener Tetbaldi, Paganus presbiter frater Coquini,
l.7 de canonicis, Radulfus archidiaconus, Albinus, Simeon, Donoallon, Maino, Roellus, Bartolomeus.
l.8 Eodem die et in eodem loco et eisdem audientibus et videntibus dimisit Coquinus calumniam quam faciebat
l.9 de Sancta Radegunde, et dixit audientibus omnibus: Ego concedo Sancto Martino et monachis ejus quicquid pater
l.10 meus habuit apud Sanctam Radegundem. Erat ibi Paganus frater ejus, qui cum mentio ibi fieret de prima donatione eorum
l.11 et de auctoramento canonicorum, dixit se et fratres suos dedisse Sancto Martino et monachis ejus ecclesiam Sanctȩ Rade-
l.12-gundis et quicquid pater eorum ibi habuerat, et canonicos concessisse. Abbas autem dedit Coquino pro concessione
l.13 ista XX sol. quos ille recepit eadem die videntibus supradictis et canonicis, in superiore choro, et pluribus ex laicis.
l.14 Postero die diluculo venit vicecomes Frioldus cum majore filio suo Roaldo ad Sanctam Radegundem
l.15 ubi abbas hospitabatur, et ibi coram abbate et patre suo auctorizavit Rodaldus quicquid pater suus dederat
l.16 Sancto Martino. Huic rei affuerunt, Borrellus filius Titionis, Radulfus archidiaconus, Paganus presbiter,
l.17 Gauterius monacus.

1