Le chevalier Briant donne à l'abbaye de Marmoutier le lieu de Bairiacus.

l.1 Quisquis fidelium divini amoris instinctu animatus prȩceptionem evangelicam adimplendo qua cuncti divitias
l.2 habentes misericorditer admonentur facere sibi de mammona iniquitatis amicos a quibus cum defecerint
l.3 in aeterna tabernacula recipiantur, propriae rei distributione indigentium procurare subsidia studuerit
l.4 prȩcipueque pauperum spiritu quorum juxta veritatis vocem regnum dinoscitur esse caelorum ut deficiens ab hujusmodi
l.5 videlicet amicis in mansiones excipiatur aeternas, noverit se indubitanter non solum a sui receptione non esse frustran-
l.6-dum, sed etiam ab ipso bonorum omnium largitore qui ei contulit unde sibi tales faceret amicos se esse inter gloriosio-
l.7-res beatitudinis aeternȩ premia percepturum. Hujus igitur rei salubri consideratione ego Brihentius miles sollici-
l.8-tatus, voluntate et assensu auctoritatis matris meȩ Ignoguent disposui aliquid ex his quȩ temporaliter accepi per manus
l.9 pauperum fideli creatori lege foenoris committere, quod post tempus in aeterna retributione centena merear
l.10 multiplicatione recipere. Quod ut probabilius fieri possit, illud ȩgregium pauperum genus elegi quod ut
l.11 Christi servitio liberius expeditiusque vacaret, propriis abrenuntians facultatibus voluntariam subiit paupertatem.
l.12 Igitur fratribus his qui in Turonensi coenobio quod Majus monasterium dicitur omnipotenti Deo pro posse sub ALBERTO
l.13 abbate famulantur, quendam locum mei juris qui vocatur BAIRIACUS in honore sancti salvatoris constructum cum omnibus
l.14 sibi subjectis rebus quas dedimus, vel quas deinceps per nos vel per alios in jus ipsius loci divina pietas transferre
l.15 voluerit et concedens annuo et annuens concedo jure perpetuo possidendum, quatinus ego et pater meus
l.16 TEUHARIUS et mater mea IGNOGUENT, filii quoque mei Guasfridus, et Teuharius, necnon et conjux mea Aldelendis
l.17 eorum orationibus adjuti, omnium illorum qui elemosinis divinȩ majestati placuerunt mereamur adjungi consortio.
l.18 Quicquid autem illis pro Christi amore beneficientiȩ munere tribuo, liberum ab omni consuetudine exactionis vel vicariȩ
l.19 seu cȩterorum vectigalium facio expulsa totius juditiarie potestatis inquietudine. Prȩterea volumus fieri ut ab hodierna
l.20 die memorata congregatio Sancti Martini et successores eorum cum abbatibus qui eis pro tempore preerunt quicquid
l.21 exinde agendum decreverint licentiam habeant faciendi, ordinandi, et qualitercumque eis placuerit meliusque visum
l.22 fuerit disponendi tam presentibus quam futuris temporibus. Si quis autem quod absit ex successoribus nostris diabolicȩ
l.23 suggestionis instinctu hujus elemosinȩ dono abstrahendo minorando vel mutando seu omnino denegando inferre
l.24 calumniam temptaverit, nisi ab hujusmodi intentione resipuerit sentiat adesse hujus sacrilegii ultorem non qualem-
l.25-cumque sed illum qui sublimitate meritorum gemma vocatur prȩsulum. Et ut hoc nostrȩ largitionis scriptum per cuncta
l.26 annorum curricula vigorem perpetuitatis obtinendo ab omnibus verius credatur et diligentius conservetur,
l.27 manuum nostrȩ humilitatis caractere magna cum devotione firmavimus atque fidelibus nostris corroborandum tradidimus,
l.28 quorum nomina inferius scribere necessarium duximus. [colonne1] S. Brientii [croix]. S. Ignoguent matris Brientii. S. Guasfredi filii Brientii. S. Teuharii filii Brientii. S. Hildelendis uxor Brientii. S. Hervei filii Tudual. S. Guicenoc filii Tudual. S. Manu filii Primael. S. Teuharii filii Merihan. S. Acfredi filii Caredoc. [colonne2] S. Tenaldi. S. Bernardi filii Guarnerii. S. Eudonis filii Hervei. S. Guasfredi filii Alberti. S. Otberti de familia Sancti Martini. S. Hildeberti de familia Sancti Martini. S. Hildegarii de familia Sancti Martini. S. Hervei de familia Sancti Martini. S. Gualterii. S. Bernardi. [colonne3] S. domni Alberti abbatis. S. domni Alberti monachi. S. domni Rainaldi monachi. S. domni Enisanii monachi. S. domni Acfredi monachi. S. Evani presbiteri. S. Letardi presbiteri. S. Giraldi presbiteri. S. Guarini clerici. S. Haimonis clerici.

1