Marbode, évêque de Rennes, fait savoit que Raoul, seigneur de Fougères a donné l'église Sainte-Marie de son château aux moines de Marmoutier.

l.1 In nomine sanctȩ et individuȩ Trinitatis patris et filii et spiritus sancti. Ego MARBODUS Redonensis episcopus notum fore volo
l.2 successoribus meis episcopis, et omnibus christianis ad quos hujus rei noticia pertinere videbitur, quoniam vir quidam nobilis ac timens
l.3 deum, parochianus noster, Radulfus videlicet Filgeriacensis castelli dominus, ȩcclesiam beatȩ Mariȩ in eodem castello sitam,
l.4 quam secundum pravam antiquorum consuetudinem contra apostolica decreta possederat, quamque monachis beati Martini accepta
l.5 ab eis mutuo pecunia contradiderat, accepto a nobis consilio eandem ecclesiam cum ceteris omnibus quas in nostra diocesi possidere
l.6 videbatur, in manu nostra refutavit, ut a nobis sicut justum erat eȩdem ȩcclesiȩ disponerentur. Sed et fratres nostri dilectissimi monachi
l.7 qui ibi presentes erant, simili modo eandem ecclesiam cum appendiciis suis prompto animo in manu nostra refutaverunt, tum quia
l.8 per manum laici tum quia per figuram simoniȩ eas videbantur adepti. Nos ergo accepto pro tempus in sede Redonensi cum clericis
l.9 nostris consilio, supradictis ecclesiis eosdem monachos propter bonum Christi odorem qui de loco beati MARTINI ubique redolet,
l.10 investivimus, reservato videlicet nobis secundum canonicam auctoritatem honore nostro atque potestate episcopali super eisdem ec-
l.11-clesiis earumque presbiteris. Sed et supradictus vir Radulfus quod ad se pertinere videbatur de rebus temporalibus in presentia nostra cle-
l.12-ricorumque nostrorum libenti animo eis concessit, ut communi nostro ipsiusque assensu supradicti religiosi fratres sine inquietudine
l.13 easdem ecclesias omni tempore valeant possidere. Actum hoc apud Redonum in capitulo Sancti Petri XI kalendas junii,
l.14 in die ascensionis Domini, anno dominicȩ incarnationis MXCVI. Testibus his quorum nomina hec sunt:
l.15 Gervasius abbas Sancti Melanii, Albertus monachus Sancti Melanii, Radulfus archidiaconus, Maino
l.16 cantor, Rannulfus capellanus comitis, Piso capellanus episcopi, Herbertus, Rogerius, Joscedus, Rainerius, Adam,
l.17 Rannulfus filius Eudonis, Normandus, Herveus, Grafio, Damarhocus, clericus Radulfi Filgeriensis,
l.18 ipse Radulfus et Radulfus senior de Wael qui solus laicus huic donationi interfuit.
l.19 De monachis, Willelmus tunc Filgeriarum prior, et Maino Gallus. [sceau].