Donation à l'abbaye de Saint-Ouen de Perriers-sur-Andelle avec ses dépendances par Guillaume comte d'Arques, et de Mauger, archevêque de Rouen, fils du duc de Normandie Richard II, suivie d'une confirmation par Mauger.

l.1 AD HONOREM DOMINI AC SALVATORIS NOSTRI JHESU CHRISTI, SANCTAE MATRIS AECCLESIAE, ANTECESSORES NOSTRI PULLULANTES CELO, ALII
l.2 PREDIA, ALII ORNAMENTA, PLURIMI VARIA INTULERUNT BENEFICIA, QUATINUS LAUS DEI ET EXULTATIO ABSQUE INTERPOLATIONE HABERENT
l.3 IN EA, ET MERITIS AC PRECIBUS DEI SERVORUM IBIDEM SERVIENTIUM, DELICTORUM CIROGRAPHUM DELERETUR IN SECULA. NUNC IGITUR LABENTE
l.4 IN PRECIPITIUM SECULO, CONTEMPORALES NOSTRI, RABIE DIABOLICA, INSTINCTI NON SOLUM PRISCOS REFUGIUNT IMMITARI DATORES, SED ET FURTIM
l.5 SATAGUNT ET APERTE DATA VI DIRIPERE, ET ȨCCLESIAM DEI, PER QUAM SUNT REGENERATI, ET IN CHRISTO NUTRITI, INCESSANTER ADNICHILARE. SED QUAMVIS
l.6 MORS PERHENNIS FAUCIBUS NONNULLOS TETRIS DEGLUCIATOS JAM TENEAT, ET ADHUC RESTENT QUOS TOTIUS AUCTOR MALITIȩ NON SINIT ADQUIES-
l.7-CERE DONEC AETERNALITER ABSORBEAT, TAMEN SUNT QUAM PLURIMI, DEI BENIVOLENTIA AMMONITI, QUOS SPONSAM CHRISTI SCILICET SUPRADICTAM
l.8 AECCLESIAM, IN QUANTUM SUPPETIT FACULTAS, VITA MALORUM HONORARE NON RETARDAT. EX QUIBUS, EGO GUILIELMUS, ARCHENSIS COMES ET,
l.9 FRATER MEUS, MALGERIUS ARCHIEPISCOPUS, VILLAM QUȨ DICITUR PERERS, SITAM SUPER FLUVIUM QUI DICITUR ANDELA, CUM APPENDICIIS SUIS, PER VOLUNTATEM
l.10 MATRIS MEȨ PAVEIȨ, ANNUENTE GUILIELMO, NORMANNORUM COMITE, SANCTO PETRO, SANCTOQUE AUDOENO, ET MONACHIS INIBI DEO SERVIENTIBUS, PERHENNITER
l.11 TRADIMUS, PRO ANIMABUS PARENTUM NOSTRORUM ET NOSTRIS, RICARDI VIDELICET PATRIS ET FRATRUM NOSTRORUM, JUNIORIS RICARDI, NECNON ET ROTBERTI
l.12 COMITUM, QUATINUS NOSTRA ILLORUMQUE MEMORIA IBIDEM HABEATUR PER SECULORUM SECULA, ET NE QUIS NOSTRORUM HEREDUM, VEL PARENTUM, SEU ALIQUORUM HOMINUM, SUA-
l.13-DENTE DIABOLO, HUIC DONATIONI CLAMOREM SIVE CONTRADICTIONEM INFERAT, EX BONIS SANCTORUM ET SUBSTANTIA MONACHORUM, LIBRAS TRECENTAS
l.14 DENARIORUM ACCIPIMUS, ET MANIBUS NOSTRIS SIGNO SANCTȨ CRUCIS HANC KARTAM FIRMAMUS, UT NOBIS DEUS MISERICORDIAM SUAM, HIC ET IN EVUM, TRIBUAT
l.15 AC CONTRADICTOREM HUJUS REI IN INFERNI VORAGINEM TRUDAT.
l.16 [croix] S. Willelmi ducis. [croix] S. Malgerii archiepiscopi. [croix] S. Rotberti, episcopi Constantiȩ civitatis. [croix] S. Willielmi, comitis Arcas. [croix] S. Gradulfi, abbatis Sancti Vuandregesili. [croix] S. Isemberti, abbatis Sanctȩ Trinitatis.
l.17 Ego Malgerius, gratia Dei archiepiscopus, cum auctoritate pie matris aecclesiȩ quam Deo volente guberno, hanc descriptionem fieri ratam omni modo exopto, signumque sanctȩ crucis subter as-
l.18-scribo et nomen meum ac nostrorum fidelium imprimi mando, quatinus ut decet sic firma et inviolata hȩc donatio perseveret. Quod si aliquis huic dono quod absit et minime fore credimus,
l.19 contrarius extiterit, his maledictionibus quȩ subter describuntur subiciatur. Maledictus sit ab omnipotente Deo, maledictione qua maledictus est diabolus et angeli ejus, in igne perpetuo.
l.20 Maledicat eum sancta Dei genitrix Maria, nec habeat partem cum electis Dei positis ad dextram, sed cum reprobis jure ponendis ad sinistram. Maledicat eum sanctus Michahel cum omnibus ordinibus angelorum.
l.21 Maledicat eum sanctus Johannes Baptista, omnesque patriarche et prophete. Maledicat eum sanctus Petrus cum ceteris apostolis. Maledicat eum sanctus STEPHANUS cum omnibus martyribus. Maledicat eum sanctus
l.22 AUDOENUS cum omnibus Christi confessoribus. Maledicat eum sancta AGNES cum omnibus virginibus. Omnis maledictio qua maledictus est Cain, Dathan et Abiron, Antiochus, Herodes, Pontius Pilatus,
l.23 Judas Domini traditor, Nero, Symon magus, Dioclitianus, Maximianus, ac Datianus veniat super eum. Sit pars illius cum omnibus iniquis in inferiori inferno, ubi ignis non extinguitur nec vermis
l.24 moritur. Fiant dies ejus pauci et mali, et in isto seculo ante oculos hominum pessime ac turpiter pereat, et in futuro lucerna illius extinguatur, et de libro vitȩ nomen ejus deleatur. Amen. Amen. Fiat.
l.25 [croix] S. Willelmi episcopi Ebroas. [croix] S. Johannis abbatis Sanctȩ Trinitatis. [croix] S. Hugonis episcopi Lisiacensis. [croix] S. Willelmi Dou. [croix] S. Rotberti Dou. [croix] S. Gisleberti filii Lotemer. [croix] S. Gumfridi dapiferi. [croix] S. Rogerii filii Hunfredi. [croix] S. Willelmi filii Osberni.
l.26 [croix] S. Rogerii Gomerei. [croix] S. Rodulfi Taison. [croix] S. Rodulfi filii Geraldi. [croix] S. Hugonis Gornai. [croix] S. Lanberti filii Ricardi vicecomitis. [croix] S. Hugonis Britonis. [croix] S. Warnerii de Metante.