Remise de l'église de Bailleul à l'abbaye de Saint-Ouen par Widard, fils de Germond de Bailleul, en échange d'un poulain, de quatre livres de roumois, et de 5 acres et demi de terre que lui donne l'abbé Guillaume.

l.1 In nomine domini nostri Jesu Christi. Notum sit presentibus et futuris, quod Widardus filius Germundi de Balliolo ecclesiam ejusdem ville quam eatenus ab abbate
l.2 et monachis cenobii sancti AUDOENI in elemosinam tenuerat sicut et antecessores sui, eidem sancto Audoeno et monachis sibi servientibus
l.3 ad tenendum liberam et quietam reddidit, concedente uxore sua et filiis. Pro qua redditione, abbas Willelmus dedit ei unum pultrellum
l.4 de equabus suis, et quatuor libras denariorum Rotomensium, et quinque acras terre et dimidiam. Ut autem sanctus Audoenus et sibi famulan-
l.5-tes eandem ecclesiam firmius habeant, idem Widardus cum filio suo Henrico in capitulo coram abbate Willelmo et monachis presentibus
l.6 et plurimis laicis, super quatuor sacra evangelia juravit, quod nunquam deinceps per se vel par aliquem suorum parentum in eadem
l.7 ecclesia aliquid clamabit. Quod si aliquis postea in eadem quicquam clamare voluerit, ipse Widardus cum sancto Audoeno et mona-
l.8-chis erit, et contra omnes eandem decertabit. Quo sacramento facto, donationem seu redditionem super altare sancti Audoeni manu
l.9 sua posuit.
l.10 Hujus rei sunt testes: ex parte Widardi, Henricus de Balliolo.
l.11 Ex parte sancti Audoeni, Odinus filius Godefridi de Malapalut, Ricardus de Pratellis, Robertus filius Achardi, Willelmus de Bretevilla, Rogerianus
l.12 et Rancardus frater ejus, Ascelinus filius Alanni, Gosceo et filii ejus Radulfus et Gualterius. (devise illisible)