Concorde entre Guillaume, abbé de Fécamp, et Philippe de Briouze à propos de Steyning et Beeding, faite en présence d'Henri I^er, roi d'Angleterre, et de sa femme Mathilde.

l.1 Anno MoCoIIIo ab incarnatione Domini, idus Januarii, die octavarum Epiphaniȩ, apud
l.2 Seresberiam concordaverunt Willelmus Fiscannensis abbas tercius, et Phylippus de Braiosa, prȩsente
l.3 Henrico glorioso Anglorum rege, et Deo dilecta ejus conjuge Mathilde, astantibus multis baronibus,
l.4 hoc modo: decem et octo burgenses quos Willelmus Philippi pater in Staningis de dominio sancti
l.5 occupaverat, et quos prȩsente Willelmo rege priore abbas pro suis denarrans, per judicium regis ac baronum
l.6 receperat, et de quibus die quo idem rex vivus fuit et mortuus saisitus erat, quosque post mortem ipsius regis
l.7 Phylippus iterum occupans, vim Fiscannensi ȩcclesiȩ de [suo] fecerat, quos etiam tam calumniis abbatis, quam
l.8 assertionibus veritatis constrictus, tunc demum injustȩ et cum peccato se tenuisse cognoscebat,
l.9 ab abbate in feodo suscepit, et pro his homo abbatis devenit, eique ac ȩcclesiȩ Fiscannensi fidelitatem fecit.
l.10 Suscepit pariter in feodo warennam sub tali divisione, quod monachus de Staningis et homines qui
l.11 sunt de mensa ejus capient lepores et in warenna Philippi, et in warenna abbatis; et si quis de aliis
l.12 hominibus Sanctȩ Trinitatis in warenna forisfecerit, Phylippus inde clamorem ad monachum vel ministe-
l.13-rialem ejus faciet, et monachus forisfacturam accipiet, Phylippo nichil in ea habente. Si vero externus
l.14 ibi inventus fuerit, qui tamen advocatum sibi monachum dicat, adducetur ad eum. Quem si pro suo cognoverit,
l.15 accipiet de eo [rectum], sin autem, faciat Phylippus quod de externo et forisfacto. Abbas quoque quando in provincia
l.16 fuerit, libere mittet familiam suam capere lepores in utraque warenna, et Philippi et sua. Porro captura
l.17 forestium remanet in quietudine utrique, abbati et Phylippo, suum cuique. De navibus quȩ non poterant
l.18 ad pontem transire propter impedimenta pontis, concordatum atque gradatum fuit, quod pons ad eum modum mittetur,
l.19 quo naves libere transibunt ad pontem ascendentes et descendentes, ad talem consuetudinem et quietudinem, qua
l.20 fuerunt tempore regis Etuuardi. Quod si ad modum qui dictus [est] pons mitti tardaverit, erunt naves euntes ac redeuntes
l.21 quietȩ per eam consuetudinem ad castellum Philippi, [qua] forent ad portum Sancti Cuthmanni. De parrochia Sancti
l.22 Cuthmanni [quȩ pervasa] erat in castello Philippi et in Beddinghis, concordatum ac judicatum est eam ita quietam
l.23 et liberam manere Sanctȩ Trinitati ac ȩcclesiȩ Fiscannensi, [et] in vivis et in mortuis, et in omnibus quȩ ad parrochiam
l.24 pertinent costumis, sicuti fuit antequam Northamanni cepissent Angliam, et in tempore regis Etuuardi.
l.25 Sciendum vero, quod illa omnia quȩ de dominio Fiscannensis ȩcclesiȩ Philippus ab abbate propter pacem et concordiam in feodo
l.26 suscepit, Fiscannensi Sanctȩ Trinitatis ȩcclesiȩ relinquit, [si] sine legitimo herede mortuus fuerit, aut si terram suam
l.27 forisfecerit, vel in alienam abierit. De teloneo quod injuste reaccipiebant homines Philippi de hominibus de Staningis et de
l.28 pertinentibus ad ipsum [manerium, post illam denarrationem quȩ de] ipso teloneo facta est a la Choche, in presentia Willelmi regis anti-
l.29-quioris ac baronum ejus, [proclamationem ad regem abbas, Philippo audiente], fecit; Philippus vero cum se hoc ignorare respondisset, diem ad denar-
l.30-randum aut dimittendum [ipsum teloneum a rege accepit diem]. Purificationis sanctȩ Mariȩ, ad quem cum non occurrisset,
l.31 judicatum est a rege [et baronibus, quoniam Philippus non veniebat] nec pro se hominem mittebat, teloneum Sanctȩ Trinitati
l.32 [perpetuo manere quietum, sicut tempore regis Willelmi denarratum] fuerat, debere esse quietum.
l.33 [Hȩc omnia ego Henricus Dei gratia Anglorum rex concedo] et signi mei auctoritate confirmo ac sigilli impressione
l.34 [corroboro. Ego Mathildis regina concedo et] confirmo. CYROGRAPHUM.

1