Geoffroi, évêque de Beauvais, confirme à l'abbaye Saint-Quentin plusieurs achats de maisons et d'hôtes et la donation d'une maison.

l.1 Sollerti patrum providentia institutum esse dinoscitur, ut cum ea quȩ de jure secularium in jus ȩcclesiȩ transeunt, qualiter id fieri contingat,
l.2 emptione scilicet aut dono vel qualibet commutatione seu conventione, litteris impressum posterorum utilitati servetur,
l.3 ne sancitum utiliter temporum prolixitate lapsum memoria pervertatur, vel hominum decedentium aut succedentium mutabili-
l.4-tate penitus aboleatur. Quapropter ego Gaufredus, Dei gratia Belvacensis episcopus, concedo et confirmo ut Beati QUINTINI
l.5 ȩcclesia jure perpetuo possideat domum quȩ est juxta macellum in terra Haimerici thelonearii, cujus assensu Radulfus
l.6 abbas ejusdem ȩcclesiȩ predictam domum emit a Warnero Eslando et Ilberga uxore ejus, annuentibus sororibus ejusdem Ilberge
l.7 et nepotibus et neptibus et Walberto de Olduro. Est et alia domus in vico qui dicitur Godefridi Nigri quam predictus abbas
l.8 emit a Radulfo filio Maingodi, cui postea concessit ut in ipsa domo habitaret, singulis annis solidos XIIIIcim pro
l.9 mercede habitationis sancto Quintino persolvens, et censum qui pro ipsa domo debetur illis ad quos pertinet reddens, et
l.10 quicquid de ipsa domo corruptum vel destructum fuerit restituens. Emit etiam predictus abbas ab Ingone Rufo tres ho-
l.11-spites solventes solidos V per annum, quorum locus est, super aquam quȩ retro vicum Forbariorum currit. Et ex altera par-
l.12-te ejusdem aquȩ emit alios duos hospites a Goisberto filio Rothardi quorum unus annis singulis solvit II solidos et alter
l.13 XIIcim denarios et duos capones et duos panes et duos sextarios vini. Vendidit preterea eidem abbati Petrus filius Malgodi tres
l.14 hospites in vico Sancti Andreȩ juxta domum ipsius Petri collocatos, solventes quotannis IIIIor solidos. Et censum XXti
l.15 denarios vendidit eidem de duabus areis quȩ sunt juxta ȩcclesiam Sancti Andreȩ in terra Adam filii Gauslini cujus assensu
l.16 hoc factum est. Nos igitur emptiones istas in presentia nostra recitatas, actoritate mynisterii nostri litteris et sigillo
l.17 nostro confirmamus. Precepimus autem quatinus in hac carta scriberetur, qualiter Amalricus de Altoilo cum esset in nostra presentia
l.18 concessit ȩcclesiȩ Sancti Quintini mansionile quod est juxta Altoilum. Ita videlicet ut neque ipse Amelricus neque aliquis heres
l.19 ejus quippiam juris habeat in illo mansionili preter hoc solum quod homines habitantes in illo loco ibunt ad molendinum ejus.
l.20 Si quis autem de cetero supradictas domos et hospites ecclesiae Beati QUINTINI auferre temptaverit, divinȩ gratiȩ et ecclesiasticȩ
l.21 communionis ablatione plectatur, nisi admissi culpam facinoris debita satisfactione correxerit.
l.22 Actum Belvaci in domo episcopali, IIII nonas marcii, anno incarnati Verbi MCXIII, indictione VI, tempore
l.23 Ludovici regis anno quinto regni ejus. Nomina autem eorum quorum consilio et collaudamento augmentum
l.24 ȩcclesiae Beati QUINTINI consilium confirmandum suscepimus subtitulata sunt : Petrus decanus, Rogerus archidiaconus,
l.25 Walo cantor, Warnerus capellanus, Walterus magister, Goscelinus Halegrotus, Walterus de Miliaco, Rainerus
l.26 de Monciaco, Fulco frater cantoris, Ursio filius Rainardi. Laici : Odo castellanus, Adam Gauslini, Walbertus
l.27 venator, Radulfus nepos ejus, Richererus frater prepositi, Rogerus filius Huberti. Nomina hominum Sancti Quintini qui
l.28 interfuerunt quando abbas Sancti Quintini supradictas domos et hospites emit : Odo frater abbatis, Berengarius nepos ejus,
l.29 Walterus major, Radulfus et Rotbertus carpentarius, Bernardus de Hospitio, Andreas et Henricus Fullensis. Multi etiam
l.30 alii tam clerici quam laici interfuerunt quando hȩc omnia in nostra sunt RECITATA
l.31 PRESENTIA.
l.32 [sceau].

1