Confirmation par Guillaume, duc de Normandie, et roi d'Angleterre, de la donation faite par le roi Édouard à l'abbaye de Fécamp du manoir de Steyning et donation de celui de Bury en compensation de biens contestés à Hasting.

l.1 ANNO AB INCARNATIONE DOMINI MILLESIMO OCTOGESIMO QUINTO. EGO GUILLELMUS DEI GRATIA
l.2 patronus Normannorum et rex Anglorum, timore Dei tactus et amore, concedo illud donum ȩcclesiȩ Fiscannensi
l.3 Sanctȩ Trinitatis, quod eidem ȩcclesiae fecit rex Edwardus de Estaninges, et quicquid ad ejusdem manerii terram pertinet,
l.4 libenter ex mea parte dono, pro salute animȩ regis Edwardi, ac meȩ animȩ, et Mathildis coniugis meȩ, necnon
l.5 et filiorum meorum animarum, cum legibus, et consuetudinibus, et socha, et sacha. Et si Fiscannensis ȩcclesia predictum
l.6 manerium tempore regis Edwardi non habuit, manerium tamen, et quicquid predicta ȩcclesia tempore meo in Estaninges
l.7 habuit, eidem ȩcclesiȩ dono. Preterea manerium de Beriministre, unde Willelmo abbati Fiscannensi, et monachis
l.8 suis, placitum et rectitudinem obtuli, et in ipsis remansit. Et ideo mihi illud manerium, omnino quietum remansit,
l.9 predictȩ ȩcclesiȩ dono, et concedo, pro clamore quem erga me faciebant, de rebus illis quas tempore regis Edwardi in
l.10 Hastinges habuerunt, eo videlicet tenore, ut si istud manerium plus valet, quam redditus ipsarum rerum de Hastingis,
l.11 quas amiserant, ego tamen totum illud manerium, et quicquid ad ipsum pertinet, predictȩ ecclesiȩ concedo, cum legibus, et
l.12 consuetudinibus, et socha et sacha. Si vero tantum non valet, escangium eque valens eidem ȩcclesiȩ persolvam. Et quoniam hanc
l.13 concessionem futuris temporibus volo esse inviolabilem, et ratam, ego Willelmus rex signo sanctȩ crucis et sigillo meo cum
l.14 regali auctoritate confirmo, et manibus procerum meorum corroborandam trado. [croix] S. Willelmi regis Anglorum. [croix] S. Willelmi comitis filii ejus.
l.15 [croix] S. Lanfranci archiepiscopi. [croix] S. Roberti comitis de Mellent. [croix] S. Alani comitis. [croix] S. Hugonis de Monteforth.
l.16 [croix] S. Balduini de Essecestre. [croix] S. Hugonis de Grentemesnil.