Pierre de Paris, chevalier, confirme la donation de la vicaria de Colombières faite par Ansold, son père, à l'abbaye de Jumièges ; en retour, l'abbé Robert lui remet quatre livres de deniers et un cheval.

l.1 [chrisme] BONIS AC PIIS OPERIBUS, DUM VACAT, VIGILANTER INSUDARE AC MAJORUM VESTIGIA NON EXCE-
l.2-dere hortatur tam juri sapientis proverbium, quam etiam apostoli oraculum. Ne transgrediaris, inquit Salomon,
l.3 terminos antiquos quos constituerunt patres tui. Itemque apostolus: dum tempus, inquit, habemus, operemur bonum ad omnes,
l.4 maxime autem ad domesticos fidei. Unde ego Petrus Parisiacensis, miles, labentia despiciens et mansura gaudia adipisci cupiens,
l.5 innotesco omnibus Christicolis, quod pater meus Ansoldus nomine quamdam vicariam habebat in quadam possessione Sancti Petri Gem-
l.6-meticensis coenobii, quȩ sita est infra terminos cujusdam prȩdii quod vocatur Columare, necnon et in aliis ruris adjacentibus ipsi
l.7 possessiunculȩ, respicientem ad jam prȩfatum prȩdium videlicet Columare. Verum idem meus genitor scilicet Ansoldus cupiens
l.8 transitoriis rebus ȩterna prȩmia comparare, Deo sanctoque Petro Gemmeticensis coenobii prȩdictam vicariam eo tenore dimisit quatinus
l.9 per succedentium temporum curricula in coenobio Gemmetico constitueretur quidam specialiter frater qui pro eo cotidie precum vota Domino
l.10 pie persolveret. At vero piȩ memoriȩ genitor meus cum vita excessisset ac ejus existerem heres, coeperunt domestici nostri inquietare
l.11 rem sancti Petri, quam pater meus dono Deo ac sanctis tradiderat. Quapropter compulsus est vir religiosus domnus ejusdem coenobii
l.12 abbas, nomine Rotbertus, ad meam humilitatem dirigere, poscens quatinus elemosinam patris mei non violarem
l.13 aut auferrem. Unde gratanter mihi obtulerunt pro hac re IIII libras denariorum simulque equum unum, ut videlicet
l.14 donum patris mei corroborarem. Qui hȩc munuscula ab eis accipiens, cum ipsa vicaria ex benefitio regis esset, spopondi me
l.15 regem supplicaturum quatinus elemosina patris mei ac mea rata fieret: quod et feci. Igitur tam ego quam mea uxor necnon
l.16 et filius Gausfredus, cognomine Ansoldus, damus coenobio Sancti Petri Gemmeticensis coenobii vicariam possessionis Sancti Petri quȩ sita est infra termi-
l.17-nos prȩdii quod dicitur Columare, necnon etiam omnium quicquid ad illam possessiunculam pertinent, et quȩ post obitum patris
l.18 mei ibi domestici nostri ad[....]bant, sicut genitor meus pridem dimisit, ita ego quoque nec[non ux]or mea et heredes mei
l.19 ab hodie dimittimus, it[a du]ntaxat ut pactio quam fratres prȩdicti coenobii patri meo statuerunt, mihi quoque et heredibus
l.20 meis concedendo statuant, videlicet fratrem in eodem coenobio delegantes qui pro nobis Deum cotidie exoret. Ut ergo
l.21 per succedentia secula hoc donum inconvulsum maneat, manu propria firmavi ac uxori meȩ ac filio supranominato coram
l.22 infrascriptis testibus firmandum tradidi. Si quis vero ex successoribus meis aut aliquis, quod absit, infringere vel
l.23 injuste auferre ȩcclesiȩ Sancti Petri Gemmeticensis, quod non fore credo, temptaverit, in primis iram Dei omnipotentis
l.24 incurrat, et sequestratus a consortio sanctorum sit anathema maranatha cum Dathan et Abiron, necnon etiam
l.25 cum diabolo et angelis ejus deputatus ȩterni ignis incendio. ACTUM
l.26 ANNO DOMINICAe INCARNATIONIS MLXVIIII., regnante Phylippo rege anno XI.
l.27 Signum Petri [croix]. Signum Gausfridi filii ejus [croix]. Signum Drogonis [croix].
l.28 Signum Odardi.
l.29 Signum Burdini. Signum Rotberti. Signum Fulconis. Signum Durandi. Signum Josceranni. Signum Gisleberti. Signum Guncelini. Signum Ursonis. Signum Rogerii.
l.30 Signum Teudoini.
l.31 Vualterius de Pisciaco [croix]. Vuarinus de Marvilla [croix]. Godefredus de Marvilla [croix].
l.32 Ulricus de Senanto [croix]. Goisbertus filius Achardi [croix]. Stephanus presbiter [croix]. Osbernus Hotot [croix].
l.33 Hubertus de Ansgervuilla [croix]. Rogerius filius ejus [croix].

1