Rouen, AD Seine-Maritime, 14 H 829

<< < / > >>

Numéro2696

Fiabilité de l'actenon suspecté

Genrecharte

Date1045(fiabilité :édition)

Lieunon identifié

DiocèseRouen

RégionNormandie (Haute)

Supportparchemin

Chirographienon

Sceau non scellé

Etat de la traditionoriginal

Hauteur à gauche685   mm

Hauteur à droite693   mm

Largeur en haut485   mm

Largeur en bas483   mm

AuteurHugues  de  LA FERTE

BénéficiaireAbbaye  de  SIGY

Regeste

Charte de fondation de l'abbaye de Sigy par Hugues de la Ferté qui soumet la nouvelle abbaye à la juridiction de Saint-Ouen.

Fac-similé

Texte

l.1 Quoniam vita mortalium in hoc mundo admodum brevi intercluditur spatio, et antecessores nostri corporum indumentis exuti, verissimis hoc approbant argumentis, oportet nos eorum adhuc superstites ultimam resolutionis
l.2 inclementiam cum omni cautela previdere, et qualiter in divinȩ majestatis presentia veniam consequamur subtiliter pertractare. Sanctorum patrum auctoritate docemur, quod hȩc activȩ moralitatis vita ad contem-
l.3-plativam celsitudinem sit quasi quoddam ascensionis adminiculum, et ideo bona transitoria nobis divinȩ largitatis dono conceduntur, ut ȩterna vereque manentia Deo reddentes, vicissitudinem per caritatis offitium mercemur.
l.4 Quapropter ego HUGO dominicis preceptis salubriter admonitus, in nomine sanctȩ et individuȩ Trinitatis, in honore sanctorum confessorum MARTINI et WLGANII abbatiam construxi, in loco qui dicitur SIGGEI, et ea quȩ subscripta
l.5 sunt donavi et tradidi, inibi terram Sancti MARTINI, et duo molendina, et ecclesias subscriptas cum earum presentationibus, villam etiam totam quȩ dicitur Betuncurt, apud Fractam Coxam terram unius carrucȩ,
l.6 et pratum de Hulmo, in Monte de Calvincurt XL agros ad vineam faciendam, silvam etiam quȩ incipit a via Rotomagensi usque ad divisionem silvȩ Gauffredi et Warnerii, ȩcclesiam de Orgoil, ȩcclesiam de Friggei, et in ipsa
l.7 villa terram unius carrucȩ, et unum mansum, et decem cottarios, in Musengevilla terram unius carrucȩ, et V mansos, ȩcclesiam Sancti Samsonis, et Sancti Petri, ȩcclesiam in castro, et ecclesiam Sanctȩ Trinitatis extra castrum, ȩcclesiam beatȩ Virginis
l.8 Mariȩ de Castillon, ȩcclesiam etiam de Seivualtmont cum terra presbiteri, et Baldrici beneficium; ecclesiam Sanctȩ Mariȩ de Goislen Fontana, cum terra presbiteri, terram etiam Warnerii, et molendinum unum, cum terra unius carrucȩ,
l.9 ad hȩc ȩcclesiam de Belsas, et XXX agros, Eles gorz de Poses, et piscatorem unum cum terra sua ad Pont des Arches, preterea ȩcclesiam Bilcei, et feiram Sancti Martini, feiram etiam Sancti Michahelis et Sanctȩ Margaritȩ, et ecclesiam
l.10 de Osbervilla, et tres alodeirs, et Odfridum cum Goscelino et Drogolino, terram etiam Roberti Lemanc, et terram Richardi Leavugli,
l.11 ad ultimum vero decimationem silvarum mearum, molendinorum, denariorum, equorum, vaccarum, porcorum et ovium, caseorum et piscium, et ut breviter concludam totius possessionis meȩ decimationem.
l.12 Hȩc, inquam, pro remedio animȩ meȩ patris etiam et matris meȩ, ad supradictum locum dedi, eo rationis tenore, ut sine contradictionis molestia ea perpetualiter habeant, et hereditaria lege possideant, ibi Deo servientes
l.13 et sanctis ejus confessoribus MARTINO scilicet et WLGANIO. Hujus et enim concessionis rationem tali auctoritate firmavi, ut quicumque ea manu contradictoria vel violenta declinare presumpserit, perpetuȩ danpnationis
l.14 ultioni subjaceat. Quam abbatiam sub jure jurando Sancto Petro apostolo, Sanctoque AUDOENO tradidi jure hereditario possidendam, ut moriente abbate per succedentia tempora exinde eidem loco subrogetur.
l.15 [croix] SIGNUM HUGONIS HUJUS DONATIVI AUCTORIS.
l.16 EGO MALGERUS, GRATIA DEI ROTOMAGENSIS ȩCCLESIȩ ARCHIEPISCOPUS, HOC [croix] SIGNO ISTUD DONATIVUM CONFIRMO. EGO QUOQUE NICHOLAUS, DEO MISERANTE ABBAS INSTITUTUS, HOC IDEM CONFIRMO
l.17 NON DISSIMILIS SIGNO. [croix] HUGONIS INDIGNI ARCHIDIACONI SIGNUM.
l.18 [croix] SIGNUM Willelmi comitis, filii ROBERTI gloriosissimi ducis Normannorum. [croix] SIGNUM Willelmi magistri comitis. [croix] SIGNUM NIGELLI vicecomitis.
l.19 [croix] Signum Goisfridi vicecomitis. [croix] Signum Rodulfi Taisson.

Notes

1

Bibliographie

POMMERAYE (Dom J.F.), Histoire de l'abbaye royale de Saint-Ouen de Rouen, 2e éd, Paris, 1663, p. 460-461.

FAUROUX (Marie), Recueil des actes des ducs de Normandie de 911 à 1066, Mémoires de la Société des Antiquaires de Normandie, t. 36(1961), p. 260-262, n° 103.

Responsable

M. Courtois

Comment citer cette notice

Acte n°2696 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°2696»[En ligne] http://www.cn-telma.fr/originaux/charte2696/. Date de mise à jour : 17/11/14.