Enna donne à l'abbaye Saint-Ouen de Rouen ses alleux, ainsi que la villa du Meslay qu'elle tenait en fief du duc de Normandie. Elle obtient du duc d'autres dons en faveur de l'abbaye.

l.1 IN EXORDIO NASCENTIS AECCLESIAE, PER OMNEM TERRAM DOCUMENTIS SANCTORUM APOSTOLORUM DIFFUSAE, PROTINUS VIRI FUERE RELIGIOSI, QUI IN TERRA VIVENTIUM PORTIONEM
l.2 OPTINERE desiderantes, Dei ȩcclesiam de propriis honorare possessionibus, et exaltare nisi sunt, unde a Christo aeterna meruerunt recipere premia. Hoc autem sollicita pervigilique mente meditans, ego ENNA Christi famula,
l.3 sanctarumque scripturarum documentis a fidelibus edocta, post conjugis mei obitum quoniam prole quȩ mihi mortuȩ valuisset succedere carebam, commodum duxi Deum fieri heredem qui me terrena non solum felicitate
l.4 verum etiam sua gratuita pietate, immortalitatis ditaverat decore. Sed pro me quoniam minime valebat hoc peragi, domini mei Ricardi illustrissimi comitis presentiam adii, genitricis ejus videlicet
l.5 Gonnoridis adjuta presidiis, quem suppliciter diu deprecans,ut desiderii mei votum perageret, tandem sine cunctatione michi satisfecit, annuendo et tribuendo sanctis Petro apostolo Dei atque confessori ejus
l.6 Audoeno, non tantum alodos meos, sed etiam villam quȩ dicitur Meslet, quam de beneficio ejus tenebam. Hȩ sunt igitur res meȩ proprietatis, quas predictis sanctis me orante predictus comes Ricardus, concessit atque dedit, videlicet
l.7 villa quȩ Spinetum vocatur cum aecclesia et tertiam partem villae quȩ noncupatur Francavilla cum parte silvȩ sibi proximȩ. Apud Sanctum Albinum, quintam partem altaris, et in eodem loco unum molendinum. Preterea
l.8 Croc villam cum aecclesia et molendino, apud quoque villam quȩ dicitur Caisnetum, duas mansiones, deinde apud villam quȩ nuncupatur Grandis franca villa, unam mansuram; et iterum apud Catevillam, alteram mansuram,
l.9 aliam similiter mansuram, apud Maneholt villam. Post hȩc apud villam quȩ dicitur Falc, unam mansuram, et apud Petvillam duos acros. In comitatu Oismacensi, tantum Constantii villam. Propter hȩc omnia
l.10 de beneficio suo predictus comes Ricardus perpetua hereditate villam quȩ Meslet dicitur, supradictis sanctis concessit, atque manu sua per signum crucis cum excommunicatione hanc cartam firmavit.
l.11 Signum [croix] Ricardi comitis. S. [croix] Rotberti archiepiscopi. S. [croix] Gonnoridis comitissȩ. S. [croix] Ricardi juvenis. S. [croix] Hugonis Baiocensis episcopi. S. [croix] Negelli vicecomitis. S. [croix] Gotselini vicecomitis. S. [croix] Ricardi vicecomitis.
l.12 Hȩc autem omnia pretitulata, pro animȩ suȩ remedio et pro conjugis mei, atque meȩ animȩ absolutione, iterum pro quadam exorta contentione, inclitus comes Rotbertus, me humiliter orante, Sanctorum Petri apostoli Dei et gloriosi confessoris Audoeni monachis dedit, ea scilicet
l.13 conditione ut tam prȩsentes quam futuri monachi memoriam nostri jugiter habeant in orationibus suis, et per hoc signum [croix] predictus comes Rotbertus cum suis episcopis atque militibus scilicet, Negello, Osberno, dapifero atque aliis nobilibus manu sua
l.14 [...?...]