Fécamp, Musée de la Bénédictine, n° 2

<< < / > >>

Numéro2663

Fiabilité de l'actedouteux

Genrediplôme

Date30/05/1006(fiabilité :édition)

LieuFécamp(lat :Fiscannum)

DiocèseRouen

RégionNormandie (Haute)

Supportparchemin

Chirographienon

Sceau non scellé

Etat de la traditionoriginal

Hauteur à gauche735   mm

Largeur en haut525   mm

Largeur en bas475   mm

AuteurRobert II, roi  de  FRANCE

BénéficiaireAbbaye  de  SAINTE-TRINITE  de  FECAMP

Regeste

Confirmation par Robert, roi de France, des donations et des privilèges accordés à l'abbaye de Fécamp par les ducs de Normandie Richard Ier et son fils Richard II.

Texte

l.1 IN NOMINE SANCTAE ET INDIVIDUAE TRINITATIS, [ROBER]TUS, DIVINA FAVENTE CLEMENTIA REX.
l.2 Cum inter discretos gradus aecclesiastici ordinis et mund[ani persona sacerdo]talis et regia principalem obtineant dignitatem, tanto in regendo corpore
l.3 totius aecclesiae debent cautiores fieri et in providendis utilitatibus [humiliari quanto] se conspiciunt omnibus prȩferri, illius exemplo ad hoc provocati qui utriusque
l.4 personȩ ministerio in se suscepto discipulis ait: Non veni ministrari [sed ministrare]. Ergo quoniam inter numerum illorum computamur qui regali censentur nomine,
l.5 si in omnibus hujus nominis officium devote nequimus adimplere, nimis [impium est] omnia inefficaciter prȩterire. Unde Fiscannensis quam orationis gratia visitavimus
l.6 justam aecclesiae causam qua interpellamur, et benigne suscipimus, et gratanter [adimplemus]. Notum sit igitur prȩsentibus et futuris, quod pia sumus peticione dilectissimi
l.7 fidelis nostri Richardi comitis exorati ut res quas huic loco in honore [individuae et sanctae] TRINITATIS consubstantialis Patris et Filii et Spiritus sancti consecrato tradidit
l.8 et per cartȩ testamentum firmavit. Nos quoque nostro prȩcepto corroboraremus cujus prȩces delectabiliter auditas sicut justum est suscepimus tam libenter implendas.
l.9 Pii enim prioris Richardi intentio ad hoc hunc locum construxit, ut [monachorum ordo] ibi sub regula sancti Benedicti viveret et Dei laudibus inserviret. Quod desiderium
l.10 quoniam morte interveniente adimplere non potuit, pius filius [Richardus aequivocus] implere procuravit, et divina [providentia] repertum domnum abbatem
l.11 WILLELMUM hujus monasticȩ religionis quae ibi cernitur [praefecit magistrum et] rectorem. Sub quo crescente multitudine monachorum, his comes
l.12 Richardus junior temporale bonum [augere] studuit in comitatu [Calciacensi in ipsa] villa Fiscanno tertiam partem hospitum [quos colonos] vocant cum terra arabili quae
l.13 ad ipsam tertiam partem pertinet, [silvae] unam partem a puplica strata [usque ad mare] terminatam. Cui etiam dedit in Rotomagensi civitate aecclesiam sancti Paterni
l.14 cum uno manso ubi sita est quod clauditur ex uno latere muro [civitatis], ex tribus partibus cingitur via puplica. [Haec] et omnia quae data sunt ab ipso
l.15 comite vel a patre illius vel nostra largitione collata sunt, vel a [quocumque fideli] huic loco deinceps fuerint conferenda sancimus, corroboramus, justeque
l.16 decernentes permittimus secundum proprii rectoris arbitrium regulari [more cuncta] esse disponenda sine contradictione, impeditione, vel oppressione
l.17 cujuscumque regis, ducis, pontificis, comitis, vicecomitis, magnae [parvaeque] personae, quacumque dignitate, officio, sive ordine in aecclesi-
l.18-asticis mundanisve rebus occupatae, perfunctae [seu quavis] occasione alicujus ministerii prefectae. In omnibus ergo
l.19 et per omnia sit ab omni subjectionis impedimento hujus [loci congregatio] Christo sub suo militans gubernatore adeo libera, ut quaeque
l.20 cujuscumque sibi congruentis negotii necessaria in aeccl[esiasticis vel] mundanis ordinationibus seu dispositionibus
l.21 ei prospicere, expetere [atque] a quocumque vel ubicumque [adquirere ipsisque li]bere sine cujuspiam contradictione uti omni
l.22 liceat tempore. In abbatis [autem] electione, [or]dinatio[ne sive consecrat]ione, illa apud istos consuetudo sequatur, quae
l.23 hactenus in Cluniaco [coenobiorum servata est illustrissimo unde] fons sanctae monasticae [religionis per multa jam
l.24 longe lateque derivatus loca ad hunc usque divino profluxit principio. Nichil quippe horum quibus inibi
l.25 Dei possit impedire servitus subreptori relinquimus avaro, dum quaeque ad continendam] quietis securitatem [cuicumque] monasterio [nostris
l.26 a praedecesso]ribus regali concessas auctoritate. Nos [in honore] sanctae Trinitatis dedicato his etiam si pleniter non [notantur]
l.27 scriptis, huic sacro Fiscannensi libentissime annuimus [loco]. Cujus ut sanctae quae ibi Domini opitulante gratia digne
l.28 modo religionis viget observatio non deficiat, sed magnis [ac magis] ad profectum tam nostrae quam omnium fidelium pro[ficiat]
l.29 animarum, sicut nulli ordini, dignitati, potestati, [hereditariaeque] successioni, nostrae quin immo majestati super idem jus [re-
l.30-li]nquere decrevimus dominacionis, ita nulli si quod [absit] habitatores ejus a tam bene jam coepto rectitudinis aliquando
l.31 deviaverint proposito in pristinum illud reformandi [potestatem] denegamus hinc dignȩ a Christo mercedem promereri qui voluerit
l.32 recompensationis. Et ut nostrae auctoritas confirmationis [invio]labilem atque inconvulsam optineat firmitatem, anuli ac
l.33 monogramatis nostri signo illam decrevimus insigniri. Quam [si quis] iram Dei non metuens, regalem auctoritatem terribilemque
l.34 episcoporum parvipendens contestationem ausu nefario infringere prȩsumpserit, puplica compellatur vi auri optimi libras
l.35 [persolvere] centum, [toti]demque probati talenta [argenti], medietatem gazae regiae, med[ietatem]que ipsi sancto loco cui
l.36 [vim] nisus fuerit [inferre] impio quoque ipse [frustratus] conamine.
l.37 ACTUM FISCANNUM ANNO DOMINICAE INCARNATIONIS MVI, INDICTIONE IIII, DIE TERTIO ANTE KALENDAS JUNIAS, V FERIA DOMINICAE
l.38 ASCENSIONIS GAUDIO CAELEBERRIMA. FELICITER.

Responsable

M. Courtois

Comment citer cette notice

Acte n°2663 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°2663»[En ligne] http://www.cn-telma.fr/originaux/charte2663/. Date de mise à jour : 29/03/12.