Henri IV, roi, confirme les possessions de l'église de Ravenne.

l.1 [chrisme] IN NOMINE SANCTAE ET INDIVIDUAE TRINITATIS, HEINRICUS, DIVINA FAVENTE CLEMENTIA REX. Si locis divino cultui mancipatis imperiali juvamine
l.2 proficimus, divina remuneratione id nobis recompensandum vere scimus. Cunctis igitur Deo nobisque nunc et in posterum militantibus pateat, nos pro nostrȩ animae recompensatione et interventu nostrȩ dilectae jugalis
l.3 BERHTAE atque CHVONRADI dilecti nostri filii confirmasse et penitus corroborasse jure perpetuo sanctae Ravennati aecclesiae cui vocabulum est agia Anastasis et domno UVIGBERTO
l.4 sanctae praedictae aecclesiae venerabili archiepiscopo nobisque dilectissimo et summae sedis electo apostolico, sicut antecessores nostri reges et imperatores suo antecessori Gebehardo suisque successoribus, ita
l.5 nos domno UVIGBERTO suisque successoribus in sede Ravennati attribuisse et confirmasse omnes res mobiles et immobiles seu quaecumque ab antecessoribus nostris regibus et imperatoribus necnon sedis
l.6 Romanȩ apostolicis sanctae Ravennati aecclesiae suisque praesulibus praeceptali institutione seu confirmatione sunt attributa, siquidem episcopatus monasteria, aecclesias, civitates et castella, famulos et famulas,
l.7 comitatum etiam Feretranum cum episcopatu suo et cum monasterio Sancti Salvatoris in ipso comitatu posito, comitatum Cesenatem cum castro vetere et novo et turribus ac omnibus sibi pertinentibus, comitatum Ficoclensem cum episcopatu
l.8 suo et ripa, episcopatum Regiensem cum dono et consecratione, sicut OTTO noster antecessor imperator stabili manu constituit, simulque comitatum Decimanum, comitatum Traversarie, comitatum Immolensem, comitatum Cumia-
l.9-clensem cum ripa et piscariis suis, comitatum Ferrarie cum ripa et piscariis suis necnon districtum Ravennae cum portis, ripa et portubus, muris, publicaliis et omnibus teloneis et moneta publica, quam hinc in-
l.10-antea ibi fieri praecipimus sub potestate sanctae dictae ȩcclesiae superius ejusque presulum. Concedimus etiam omnem potestatem in omnibus infra et extra civitatem Ravennam, sicut nostri antecessores scilicet reges et
l.11 imperatores antea constituerunt, massam etiam quae vocatur Fiscalia cum Cornu ceruino, monasterium Sanctae MARIAE in Pomposa cum omnibus rebus et pertinentiis suis, portum Volane integriter cum piscariis suis et omni littore
l.12 maris et portubus usque ad portum Cerviȩ et usque ad fluvium Punctarii. Simulque donamus juxta auctoritatem nostrorum antecessorum abbatiam Sanctȩ MARIAE positam in loco Bangarittae cum dono et consecratione abbatum
l.13 et cum omnibus pertinentiis inter Padum et Atisam fluvios sitis in territorio Adriensi et ubicumque sint vel inventȩ fuerint ejusdem abbatiȩ proprietates. Praeterea confirmamus monasterium Sancti Hilarii in Caligata cum omni
l.14 districto et placito suo, castellis et curtibus et pertinentiis suis, monasteria Sancti Thomae apostoli et Sanctae Eufemiae infra civitatem Arimini cum omnibus pertinentiis suis seu omnes res, quas diaconus Petrus filius
l.15 Martini ducis Ravennati aecclesiae contulit, et omnia quae Ingelrata tenuit comitissa a mari Adriano usque ad Alpes et a fluvio Rheni usque Potentiam, sicut maximus OTTO imperator in placito per legem
l.16 investivit Petrum Ravennatem archiepiscopum suamque aecclesiam, itemque omnia, quae Lambertus comes cum uxore vel filiis habuit et tenuit a mari usque ad Alpes et a Rheno usque Folium, sicut praecessor noster
l.17 tercius Otto caesar sȩpedictȩ pro eorum culpis donavit aecclesiae, nominatim vero comitatus B[obii, Forilivii et Foripupulii cum] civitatibus et districtibus eorum et omnibus eisdem pertinentibus. Ad haec
l.18 omnia confirmamus stabilique gradu corroboramus ipsi aecclesiae omnia, quae antiquitus [vel noviter tenuit vel tenet] sive ei pertinet in tota marchia Camerini per diversos comitatus et territoria, videlicet
l.19 Auximanum, Anconitanum, Senogalliensem et Fani aliosque comitatus et nominatim ea omnia, quae praedictus domnus Gebehardus archiepiscopus ad jura ipsius aecclesiae revocavit, massam scilicet Afranianam
l.20 quae Auximana in qua est castrum Huboldi quod nunc vocatur Gebehardi, castellum Ofaniae et massam Russiani, massam Merolanam quȩ de Senegallia, curtem Montonis, massam Victoriadam et massam
l.21 Salam, terram Fani, castrum Tuderiani, territorium Pupiliense. Haec omnia cum omnibus rebus possessionibus et pertinentiis suis emissa nostra preceptione atque imperiali edicto sȩpefatam aecclesiam habere
l.22 firmiterque tenere praecipimus. Si quis igitur nostrae hujus praeceptionis violator extiterit, sciat se compositurum mille libras auri purissimi, medietatem camerȩ nostrȩ et medietatem praedictae aecclesiae.
l.23 Quod ut verius credatur et ab omnibus diligentius observetur, manu propria roborantes hanc cartam sigilli nostri impressione jussimus insigniri.
l.24 SIGNUM DOMNI HEINRICI QUARTI REGIS INVICTISSIMI [monogramme].
l.25 BURCHARDUS EPISCOPUS ET CANCELLARIUS VICE SIGEUVINI ARCHICANCELLARII RECOGNOVI.
l.26 Data anno dominicae incarnationis millesimo LXXX, indictione III, VI KALENDAS JULII, anno autem ordinationis domni Heinrici quarti regis XXVI, regni XXV. Actum BRIHSSINVR.
l.27 Feliciter in Christi nomine. AMEN.

3

MITTARELLI (Johannes Benedictus), COSTADONI (Anselmus), Annales camaldulenses ordinis Sancti Benedicti, 9 vol., Venise, 1755-1773, t. 3, col. 22, n° 14.

GLADISS (D. von), Die Urkunden Heinrichs IV., Berlin puis Hanovre, 1941- 1978 (MGH Diplomata regum et imperatorum Germaniae, 6), n° 322.

HEIDRICH (Ingrid), Ravenna unter Erzbischof Wibert (1073-1100). Untersuchungen zur Stellung des Erzbischofs und Gegenpapstes Clemens III. in seiner Metropole, Sigmaringen, 1984, n° 32.

Neues Archiv, 21, p. 785, n° 247, 21, p. 785, n° 247.