Jean et Ève, son épouse, se donnent avec leurs enfants à l'abbaye de Senones et s'engagent à payer un cens annuel en cire pour leurs personnes et pour leurs biens de Sommeviller.

l.1 IN NOMINE SANCTE TRINITATIS ET INDIVIDUȨ UNITATIS PATRIS ET FILII ET SPIRITUS SANCTI. NOTUM
l.2 esse volumus tam futuris quam et presentibus, qualiter ego Johannes et conjux mea Eva,
l.3 pro salute corporum et integritate animarum, seu pro ȩterna remuneratione cȩlestis patriae,
l.4 subdimus nos nostrosque liberos, cum omni hereditate nostra quam possidemus in pago Calvomontensi
l.5 ubi dicitur ad Seimar Villare, Deo et sanctȩ Mariȩ sanctoque Petro apostolorum principi ad locum qui
l.6 nominatur Senonias, ubi Dei gratias venerabilis abbas Bercherus preesse videtur.
l.7 Ne ergo hujus donationis videremus esse eo inertes, statuimus legalem censum ad eundem
l.8 cenobium annis singulis persolvere, ea itaque racione ut ego duas derradas cȩrȩ, et
l.9 uxor mea unam, et filii mei unusquisque duas, et unaquaque filia una in generationibus suis.
l.10 De hereditate autem, ego et posteri mei qui jure hereditario eam possidebunt, duas
l.11 derradas cȩrȩ statuimus annis singulis persolvere, super sancti Petri altare.
l.12 Si vero ego aut ullus ex posteris meis, quod absit, aliqua fuerit coactus necessitate, non
l.13 liceat ei vendere vel distrahere hanc ipsam hereditatem nisi prius requisierit ab ipsius
l.14 loci abbate, qui tunc temporis rector extiterit ejusdem cenobii. Si quis vero, quod futurum esse
l.15 non credimus, si nos ipsi aut ullus de heredibus nostris aut ulla quislibet opposita persona
l.16 hanc donationem violare temptaverit, et libera potestate uti voluerit, non liber ille
l.17 talis vocetur sed Mammone filius, atque centuplum restauret supradictum censum.
l.18 Actum est hoc Domno Stephano, VIImo kalendas DECEMBRIS, millesimo quinquagesimo nono anno
l.19 incarnationis dominicȩ, indictione XIIma, epacta IIIIta, concurrente IIIIto, regnante
l.20 Heinrico IIIIto rege juveni post decessum patris anno IIIIto, presidente autem
l.21 Metti tercio Adalberone pontifice viro venerabili. SIGNUM DOMINI NOSTRI JHESU CHRISTI FILII DEI.

1

CALMET (Dom Augustin), FANGE (Dom Augustin), Histoire de l'abbaye de Senones, 2 vol., Epinal, 1878-1879, t. 1, p. 50-51.

PHILIPPE (A.), Les chartes-parties des archives départementales des Vosges, in Bulletin philologique et historique, 1921, p. 153-209, p. 191, n° 1.

PARISSE (Michel), Remarques sur les chirographes et les chartes-parties antérieures à 1120 et conservées en France, dans Archiv für Diplomatik, 32 (1986), p. 546-567, p. 555.