Rodolphe III, roi de Bourgogne, confirme les possessions de l'abbaye de Cluny dans son royaume, dont les monastères de Payerne et de Romainmôtier.

l.1 IN NOMINE SANCTAE ET INDIVIDUAE TRINITATIS, RUODOLFUS, DIVINAE NUTU CLEMENTIAE REGIAE DIGNITATIS DONATUS HONORIBUS.
l.2 In restaurationibus ȩclesiarum Dei perpetuisque solidationibus summo mentis affectu plurimum operam dare prȩutilis et honesti fore propositum negotii nostri noticiam mini-
l.3-me latitat. Unde omnibus sanctae ȩclesiae filiis evi praesentis hominibus et futuri temporis fidelibus certius innotescere volumus qualiter ob AGILDRUDIS reginȩ conjugis nostrȩ
l.4 dilectissimae archiprȩsulisque Purchardi necnon domni Outelonis, Cluniacensis monasterii abbatis, justas et honestas peticiones prȩcepta regalia seu cartas vel donationes ab aliis
l.5 fidelibus eidem Cluniacensi monasterio quantum nostri in finibus regni habetur factas in unum collecta corpusculum more patris nostri beatȩ memoriae nominatim omnibus
l.6 missis renovavimus. Pertinent igitur ad locum praedictum Paterniacum monasterium et Romanum monasterium cum omnibus appendiciis eorum, in episcopatu Lugdunensi Saviniacum, Farencum,
l.7 Ambariacum, Boliniacum, eclesia quae dicitur de Oratorio, eclesia Sancti Andeoli, Luiniacum, Tussiacum, Cavariacum, villa nomine Romanos, Taluzatis, portus de Osa, Vivariacum piscinȩque aliquot, Darbona-
l.8-cum, Anberta, Poliacum, Artedunum, ȩclesia Liergis, eclesia de Vallibus, eclesia de Rodnengs, cum omnibus ad ea pertinentibus ; in episcopatu Viennensi Croptas locus, Taderniacum, Caussella, eclesia Sancti Desiderii,
l.9 Bracost, Brucins, Jarzin superior, Jarzin subterior, mansiones de Vienna cum eclesia, villa Salpaisa, Mons Judeus, eclesia de Candiaco, Medons, villa quȩ vocatur Insula inter Bullam et Carusiam, cum omnibus
l.10 eorum appendiciis ; in episcopatu Valentinensi, eclesia de Monte Ison, eclesia de Aleso ; in episcopatu Vivariensi, eclesia Sancti Georgii, locus Rumpone, locus Ad Fontes Cellarionis cum aliis quibusdam ; in Proventia, cella Sancti Amandi, castrum Colonzel-
l.11-las, cella Sancti Pantaleonis, Tudeleta, Poiodolen, castrum Condorcense, cella Rosacensis, cella Canagobiacensis, Valentiola, Teiza, mansiones de castro Avinione, et Araelatensi urbe, et Monte Juvario, quicquid ibi acquisistis
l.12 et in villa Ribedanias. Hȩc igitur teneat abbas Outelo monachique sub eo locati successoresque eorum, cum omnibus quȩ antecessores ejus in regno nostro acquisierunt aut ipse, aut adhuc acquisiturus cum successoribus erit.
l.13 Ut autem hec a nobis facta credantur et numquam a posteris nostris infrangantur, manu nostra roboravimus et sigillo nostro jussimus insigniri.
l.14 SIGNUM DOMNI RUODOFI [monogramme] REGI NOBILISSIMI.
l.15 EGO PALDOLFUS CANCELLARIUS RECOGNOVI.
l.16 Actum Viveisi, anno incarnationis dominicȩ DCCCCXCVIII, indictione VIIII, regni vero Ruodolfi regis sexto. Feliciter. Amen.

1

BERNARD (Auguste), BRUEL (Alexandre), Recueil des chartes de l'abbaye de Cluny, Paris : Imprimerie Nationale, 1876-1896, 6 vol., t. 3, p. 546-548, n° 2466.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 9, pl. 25 (fac-similé).

SCHIEFFER (Theodor), Die Urkunden der burgundischen Rudolfinger, Munich, 1977 (MGH Diplomata), p. 232-233, n° 83.