Fredelo donne à l'abbaye de Cluny plusieurs biens situés dans les villae Pertiaco et Cortiniaco, dans le pagus de Mâcon, et offre son fils Wido qui y sera religieux.

l.1 Divina largitate sanccitum est ut de rebus transitoriis aeterna valeat merces promereri. Quapropter ego, in Dei nomine, Fredelo, venturi judicii
l.2 examen precavens presentisque seculi crebrescentes ruinas pertimescens, divina pietate conpunctus, pro meorum remissione peccatorum vel fratrum seu
l.3 omnium parentum meorum atque omnium fidelium Cristianorum, dono aliquid de jure meae proprietatis Deo ac sanctis apostolis ejus Petro et Paulo in monasterio
l.4 et villa Cluniaco cui domnus Odo abba preesse videtur : hoc est mansus I in Perciaco ubi manet Grimoldus cum uxore sua et duobus infantibus,
l.5 et alius cortilis in ipso manso in quo residet Sinoldus similiter cum uxore sua et infante I ; est etiam et alius servus, nomine Gislerius, unacum
l.6 uxore et duobus filiis ; clausus vero I indominicatus in Foiciario et plantae III juxta sitae. Est quoque et omnis medietas de illa hereditate quam
l.7 Genesius pater meus in Cortiniaco adquisivit sicut insertum est in carta divisionali quam ipse inter me et fratrem meum Gauzbertum fecit. Haec omnia cum supradic-
l.8-tis mancipiis, terris, vineis, pratis, silvis, pascuis, aquis aquarumve decursibus, quesitis, et adinquirendis, vel quicquid ad hanc hereditatem videtur pertinere
l.9 a die presente et deinceps dono, trado atque transfundo, ad habendum, tenendum, commutandum et faciendum quicquid fratres ipsius loci melius elegerint.
l.10 Denique offero Deo et sanctissimis apostolis ejus jamdictis Petro et Paulo ac eidem abbati vel ipsi congregationi, quod mihi his omnibus carius est, videlicet dilectum filium
l.11 meum, nomine Vuidonem, ut ibi perpetualiter in communi socialitate fratrum secundum regulam beati Benedicti vivendo permaneat. Dono siquidem et tercium mansum
l.12 indominicatum cum Landetrude et infantibus ejus III in eadem villa Perciaco ubi quondam mansit Gisloldus cum terris, vineis, pratis, silvis, pascuis, aquis aqua-
l.13-rumve decursibus, quesitis et adinquirendis, vel quicquid ad hunc mansum pertinere videtur, preter illum tantum curtilem ubi Arembertus sedet, totum et ad integrum Deo et
l.14 beatis apostolis ejus in memorato loco dono, trado atque transfundo, ea ratione ut quamdiu ego vixero usu fructuario sub censu denariorum VI istum solummodo
l.15 tercium mansum teneam. Post meum quoque discessum et corpus meum ad sepeliendum et ipse mansus ad recipiendum pro remedio animae meae et patris mei vel
l.16 matris et fratrum seu Arloldi monahi in predicto monasterio revertatur. Hae scilicet res sunt sitae in pago Matisconense, in agro Catgiacinse, in villis
l.17 supradictis Perciaco et Cortiniaco. Si quis forte, quod absit, aliquam concussionem inferre temptaverit, primum quidem iram Dei omnipotentis incurrat
l.18 auferatque Deus partem illius de terra vivencium et deleat nomen ejus de libro vitae, a liminibus quoque aecclesiarum et consorcio Cristianorum extraneus habeatur, et
l.19 cui litem intulit auri libras X coactus exsolvat, et haec donatio semper firma permaneat stipulatione adnixa. Signum Fredelonis
l.20 qui hanc donationis auctoritatem fieri et firmari rogavit. Signum Vulfildis uxoris ejus quae consensit et recepit pro hac carta unum mansum
l.21 in concamio in pago Cavillonense, in villa Nantoni. Signum Vuidonis filii ejus qui firmavit. Signum Alboeni. Signum Gerbanni. Signum Arnaldi.
l.22 Signum Stormenii. Signum Adalbaldi. Signum Isnardi. Signum Aremberti. Signum Achardi.
l.23 DATA MENSE FEBROARIO, ANNO XIII REGNANTE RODULFO REGE. HILDEBRANUS ad vicem cancellarii scripsit.