Paris, BNF, n.a.l. 2547 n° 4

<< < / > >>

Numéro2478

Fiabilité de l'actedouteux

Genrebulle

Date642(fiabilité :édition)

Lieunon identifié

DiocèseToul

RégionLorraine

Supportparchemin

Chirographienon

Sceau non scellé

Etat de la traditionpseudo-original

Hauteur à gauche430   mm

Hauteur à droite420   mm

Largeur en bas560   mm

AuteurPape Jean IV

BénéficiaireAbbaye  de  REMIREMONT

Regeste

Jean IV, pape, prend l'abbaye de Remiremont sous la protection du Saint-Siège et la soustrait au contrôle de l'évêque.

Fac-similé

Texte

l.1 [chrisme] FRATRIBUS DILECTISSIMIS EPISCOPIS PER TOTAM G[ALLIAM CONSTITUTIS], JOHANNES, SUMMUS PONTIFEX AC SERVUS SERVORUM DEI.
l.2 Quanquam priorum patrum decretis luce clarius fiant, quȩ oportet indesinenter servari, et [ea] quȩ vi[riliter operi dominico suc]censi fervore divino delegerunt [dilata]ri ; attamen nos super his annuentes votis
l.3 flagitantium, et maxime catholicȩ fidei auro fulgentium decernimus ea celico effectui mancipari, quat[enus illorum] sancta intentio apostolic[is] indissolubilis permaneat f[ir]mamentis. Quoniam igitur excellentissimi reges
l.4 Francorum celestis emolumenti diademate decorati, suis nos litteris postulasse dinoscuntur ut apostolicȩ sed[is privilegium] impertiremur monasterio Beati PETRI apostolorum principis, in loco qui antiquitus vocabatur
l.5 Habendi Castrum nunc vero a modernis Mons Sancti ROMARICI vocitatur, in quo vir venerabilis [RO]MARIC[US sanctitatis lampade mul]tum [lu]ce[ns] in seculo, et sanctus magister ejus AMATUS celestis studii artibus pollentes, divino
l.6 nutu commoniti venientes, monasterium construxisse comperiuntur, in quo non parvam puellarum coalitione[m instituentes etiam] semetipsos [cum ill]is ȩqualibus piȩ religionis studiis miscuerunt, in quo nunc Deo satis cara
l.7 MAGDEFLEDIS abbatissa cum etiam multis sanctimonialibus conversari videtur, contemplativȩ vitȩ un[o regulȩ spiritu] studentibus omnipotentis Dei laudibus assiduum exibentibus famulatum. Pro qua re supplici expetierunt
l.8 deprecatu, ut privilegium apostolicȩ sedis nostrȩ in eodem monasterio concedere deberemus ; quod salubriter annu[entes maxime domesticis fidei] et spe certa futurorum bonorum fulgentibus, hoc privilegium perhenni auctoritate servandum
l.9 libenter indulsimus. Nec enim nova postulantium vel indulgentium est auctoritas privilegii largiendi [dum profecto cuncti retro] apostolicȩ sedis presules, non solum sub ditione nostra constitutis, sed etiam in ceteris longe
l.10 regionibus postulata semper indulgenda sanxerunt, presertim in regione Francorum dum profecto cu[ncta] usque ad fines [terrȩ et oceani terminum] sub beati Petri principis apostolorum dicione consistunt, et oportet omnes omnino medullitus
l.11 obȩdire quȩ per beati Petri auctoritatem apostolica sedes dinoscitur indulgere. Ergo an[tedictorum] virorum [Amati scilicet et Romarici et presertim hortatu carorum filiorum] nostrorum regionis Gallicȩ regum super hoc litteris expetiti,
l.12 postulata concessimus, interdicentes omnibus episcopis vicinis vel procul a predicto monasterio constit[utis nihil usurpare, nihil infringere quȩ subter] tenor hujus privilegii et norma decernit ; ut videlicet episcopus quem mater monasterii
l.13 vel cuncta congregatio voluerit ad celebranda missarum sollempnia, aut consecrationem ab[batissȩ vel etiam tabularum in quibus missȩ de]beant celebrari, habeat facultatem in idem monasterium ingrediendi tantum ad pii opus mysterii,
l.14 quo peracto, nihil contingens sed omnia gratis peragens, ad propria mox regredi non moretur ; [nihil] sicut [diximus usurpans de rebus] monasterii, non de sacris altaribus, non de ornamentis, non de vasis, neque de sacris voluminibus, neque
l.15 quicquam majus exiguumve, sed nec concupiscere attemptet. Quia si privata concupiscere satis est noxium, quan[to magis sacra] auferre aut desiderare et omnino mancipare Deo est inimicum. Interdicentes etiam episcopo in cujus
l.16 parroechia est predictum monasterium constitutum, ut nihil contra tenorem presentis decreti pia postulatione ind[ultum quidquam attemp]tet vel ejus successores presum[an]t prohibita contingere. Decimȩ quoque de laboribus sororum in quocumque
l.17 episcopatu laboraverint, absque cujuslibet prohibitione in eodem monasterio persolvantur. Crisma igitur sanctum [vel quid]quid ad archana mysteria pertinet, si a matre monasterii fuerit postulatum, a quo previderit spiritali patre
l.18 modis omnibus censemus annuendum, et ut superius dictum est et sepe dicendum est, nullam potestatem convenit habere epi[scopos] in eodem monasterio, neque in rebus, vel in ordinandis personis, excepta quam cuncta congregatio elegerit, post
l.19 mortem matris monasterii ut debeat ordinari. Super hȩc neque presbiteros, neque archidiaconos, nec quamlibet personam [in eodem] monasterio habere ullo modo potestatem, vel quicquam inmutare vel agere : cognoscentes quia sub apostolica
l.20 sede id est beati Petri apostoli ex predictorum regum consensu et prefatorum virorum postulatione constringimur presentis [privilegii] indulta concedere. Rogatus vero episcopus a matre monasterii vel a cuncto sororum cȩtu suam sine mora
l.21 exhibeat presentiam, non tamen petitus ad secreta monasterii accedere presumat, nec quietam sororum vitam quȩ solit[aria pro Christi] amore studia peragere decreverunt, frequens sacerdotum insolentia perturbare videatur ; quatenus pie
l.22 viventes et diuturnis meditationibus in Dei laudibus conversantes, pro excellentissimorum regum et fundatorum pia dev[otione assi]due dominum deprecari non cessent. Si autem quod non obtamus sorores in eodem monasterio degentes, tepidȩ in Dei
l.23 amore, aut in institutis patrum torpentes quandoque conspicientur existere, secundum regulas patrum a matre monasterii corrigantur assidue. Si autem et ipsa mater familias in torpore institutȩ patrum regulȩ fuerit reprehensa
l.24 in aliquam vel sinistram partem inclinata, a sede apostolica sub cujus dicione consistit, instituimus corrigendam. Nec enim cuiquam episcopo damus licentiam sub obtentu reprehensionis alicujus in idem monasterium suam extendere
l.25 dicionem, sed ejus capiti id est apostolicȩ sedi, si certe zelo Dei et instinctu pietatis nititur, suis epistolis debebit suggerere ; ut quid pontifici Romanȩ et apostolicȩ sedis placuerit, taliter faciat circumscripto examine, sicque
l.26 juxta suȩ deliberationis imperia, et delinquentis corripiatur ignorantia et innoxiȩ discutiatur innocentia. Quo facto, tunc inreprehensibiles videbuntur existere, cum ad caput eorum id est apostolicam cathedram videbuntur
l.27 quȩ vera conspexerint nunciare et non semetipsos in earum lesionem vel falsam inventionem quicquam inmergere. Interdicimus etiam ratione firmissima ut advocatus qui deificȩ domus illius ex regia manu custodiam susceperit, nihil
l.28 de prohibitis a nobis audeat infringere neque de his quȩ usibus sororum Deo servientium delegata sunt aliquid rapere, exceptis his quȩ sibi adjudicata sunt antiquitus a rege. Quod si quidam calliditate aliqua vel avaritiȩ instigatione
l.29 quicquam de prohibitis presumpserint attemptandum, vel contra superius decreta quoquomodo obviandum, primum quidem sui ordinis gradu et dignitate privabuntur, et ex beati Petri apostoli auctoritate qui ligandi solvendique
l.30 in cȩlo et in terra meruit potestatem, sint a participatione corporis et sanguinis domini nostri Jhesu Christi separati. Et tunc demum indignationi etiam excellentissimi qui tunc temporis fuerit regis, nihilhominus submittendi,
l.31 quatenus et quae statuta sunt perpetua possint definitione manere, et temeratores instantis decreti, de sua temeritate pȩnis ultricibus subjacere.
l.32 [rota] [benevalete] (KOM).

Bibliographie

JAFFE-LOEWENFELD, n° 2046.

PARISSE (Michel), Bullaire de la Lorraine : jusqu'à 1198.- Nancy : Société d'Histoire et d'Archéologie de la Lorraine, 1969, (Annuaire de la Société d'Histoire et d'Archéologie de la Lorraine, t-à-p n° 69), p. 9, n° 1.

BRIDOT (Jean), Chartes de l’abbaye de Remiremont des origines à 1231, 2e éd, Turnhout, 1997 (Artem), p. 37-41, n° 3.

Responsable

M.-J. Gasse

Comment citer cette notice

Acte n°2478 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°2478»[En ligne] http://www.cn-telma.fr/originaux/charte2478/. Date de mise à jour : 29/03/12.