Paris, BNF, coll. de Picardie t. 281 n° 1

<< < / > >>

Numéro2455

Fiabilité de l'actenon suspecté

Genrecharte

Date24/10/1113(fiabilité :édition)

Lieunon identifié

DiocèseTours

RégionCentre

Supportparchemin

Chirographieà droite

Sceau non scellé

Etat de la traditionoriginal

Hauteur à gauche520   mm

Largeur en bas300   mm

AuteurLisiard, évêque  de  SOISSONS

BénéficiaireAbbaye  de  MARMOUTIER

Regeste

Lisiard, évêque de Soissons, place sous la dépendance de l'abbaye de Marmoutier la chapelle Saint-Mesme élevée dans le château de Pierrefonds, moyennant le versement annuel de dix sous.

Fac-similé

Texte

l.1 Notum sit tam futuris quam presentibus frequenti precum instantia rogatos esse domnum LISIARDUM, episcopum Sues-
l.2-sionensem, et ejusdem ȩcclesiȩ clericos, ut capella Sancti Maximi, in Castello Petrefonte sita, monachis Sancti SULPI-
l.3-CII in vico ejusdem castelli commorantibus, concederetur, hoc fieri deposcente venerabili et religioso patre domno
l.4 Guillelmo, Majoris Monasterii abbate, cujus monachi in supradicto loco inhabitant, et maxime exorante
l.5 hoc fieri Nivelone predicti castelli domino, eandem capellam eatenus obtinente. Dicebat enim idem castelli dominus
l.6 hoc ad meliorationem vitȩ suȩ, quam satis inter discrimina et peccata exercuerat, maxime proficere si eandem capel-
l.7-lam eo voto in manus episcopi recusaret, ut religiosȩ viventibus Deumque timentibus personis ordinaretur et deinceps opus
l.8 Dei ibidem reverentius et sanctius tractaretur. Diu tamen dubitatum est a Suessionensibus clericis illam mona-
l.9-chis mancipari, propter insolentiam et arrogantiam quorumdam monachorum circa positorum, qui, velut quadam privi-
l.10-legii libertate nullam poenam metuentes, et oboedire contempnentes, excommunicatos ab episcopo et clericis suscipere
l.11 presumunt et, si quando divinum officium pro quorundam facinoribus intermitti jubetur, indignos quosque, oblationum
l.12 spe aut quolibet favore ad sacra audienda vel etiam sumenda, irreverenter admittunt. Hujus igitur pessimi
l.13 exempli timore, dubitatum est diuque dilatum capellam predictam monachis concedi ne et ipsi, contra ȩcclesiȩ Suessio-
l.14-nensis justiciam et ad dampnum ejus, insolenter agerent, excommunicatis et indignis communicando et, contra
l.15 prohibitionem, divinum officium facere presumendo, precipue illo in castello unde contra Suessionensem ȩcclesiam
l.16 violentiȩ et injusticie frequenter erumpere consueverunt. Sed nihil tale hic metuendum esse domnus
l.17 abbas predictus venerabilis Guillelmus litteris suis mandavit et postea, in capitulo Suessionensi presens,
l.18 cum multis religiosis monachis suis, viva voce confirmavit, considentibus domno LISIARDO episcopo et
l.19 domno Tetbaldo, priore Sancti Martini de Campis, multisque honestis personis. Ibi igitur concessio talisque constitutio
l.20 approbata est a predictis patribus et personis, ut monachi in predicta capella manentes, Suessionensi episcopo
l.21 et capitulo oboedientes semper sint hoc modo ut, si quando Suessionensis ȩcclesia, vel per scriptum vel per certum
l.22 legatum, eis prohibuerit divinum officium facere, vel ubi ipse dominus castelli fuerit, vel familia ejus, vel quilibet
l.23 ex castello, vel quemcumque pro injuria ȩcclesiȩ divinum officium non habere censuerint, diligenter observent
l.24 eo modo quo eis mandabitur. Quod si mandatum illud violasse aliquis monachorum arguetur,
l.25 veniat in Suessionense capitulum, culpam hanc vel negaturus vel emendaturus, ut servetur Deo oboedien-
l.26-tia, et ȩcclesiȩ pax et unitas ubique teneatur. At si quis adeo contumax extiterit, ut mandatum non
l.27 observasse parvipendat, et predicto modo satisfacere contempnat, iste nec apud abbatem aut fratres
l.28 Majoris Monasterii refugium aut susceptionem inveniat, donec in predicto capitulo culpam illius
l.29 inoboedientiȩ aut excuset aut emendet. In hac autem constitutione pariter collaudatum est
l.30 ut, quoniam omnes Deo servientes tam clerici quam monachi, beneficiis ȩcclesiasticis et fidelium oblatio-
l.31-nibus ali habent, ȩcclesia Suessionensis quȩ tanti boni et aliorum multorum frequenter erga Sancti
l.32 MARTINI monachos benigna extiterat, quotannis de eadem capella decem solidos acci-
l.33-piat, in anniversario domni LISIARDI episcopi, tam ejus in vita quam post vitam. Hanc autem con-
l.34-stitutionem, inter Suessionensem ȩcclesiam et monachos predictos, ut utrimque certa et inmutata per-
l.35-maneat, placuit cyrographi memoria contineri hoc modo, salvo episcopali et
l.36 archidiaconali jure. SIGNUM LISIARDI EPISCOPI. Signum Bernardi decani. Signum Fulconis
l.37 prepositi. Signum Ansculfi archidiaconi. Signum Petri archidiaconi. Signum Ebali archidiaconi. Signum Hugonis
l.38 precentoris. Signum Hugonis sacerdotis. Signum Odonis sacerdotis. Signum Johannis sacerdotis. Signum Rodberti diaconi.
l.39 Signum Gualteri diaconi. Signum Herberti diaconi. Signum Laurentii diaconi.
l.40 Signum Tetbaldi, Ivonis, Odonis, Hugonis, item Tetbaldi, item Tetbaldi,
l.41 Ansculfi, item Hugonis, Blihardi, subdiaconorum. Signum Ingelbertuli, Leonelli,
l.42 Ivoli, accolitorum. Anno dominicȩ incarnationis MCXIII, epacta XII,
l.43 VIIII kalendas novembris, data est regnante LUDOVICO anno VI.
l.44 Ego Bernardus cancellarius subscripsi. [croix] SANCTUS GERVASIUS, SANCTUS PROTASIUS [croix].

Notes

1

Bibliographie

DEPOIN (Joseph), Recueil des chartes et documents de Saint-Martin-des-Champs, Ligugé-Paris, 1912 (Archives de la France monastique, 13), t. 1, p. 224-226, n° 142.

Responsable

M.-J. Gasse

Comment citer cette notice

Acte n°2455 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°2455»[En ligne] http://www.cn-telma.fr/originaux/charte2455/. Date de mise à jour : 29/03/12.