Gui de Cré et Adalburge, son épouse, ont donné plusieurs biens à l'abbaye Saint-Serge d'Angers, dont des dîmes et l'église de Saint-Mélaine de Miré, et ont autorisé la vente de l'église de Saint-Aubin de Bazouges.

l.1 IN NOMINE sanctae et individue Trinitatis. Ob confirmationem veritatis et ob evitanda pravorum machinamenta
l.2 dignum duximus memoriȩ litterarum tradere quod Wido de Creio et Alburgis ejus uxor pro redemptione animarum
l.3 suarum et parentum suorum vivorum et defunctorum dederunt et vendiderunt Deo et sanctis martyribus Sergio et
l.4 Bacho et monachis Deo ibidem famulantibus perpetualiter decimam trium molendinorum quos in suo habebat
l.5 castello in Lido. Concessit etiam pro anima Walterii filii sui proprium monachis quicquid ipsi molendini molerent
l.6 a sabbato sonantibus vesperis usque ad nocte sequentis diei. Dedit etiam decimam sui furnilis quod in suo castello
l.7 habebat. Concessit etiam ipse et Alburgis ejus uxor et filia ipsius Vuidonis venditionem ȩcclesiae Sancti Albini de Balsolgiis
l.8 sicuti eis vendiderat Radulfus de Barbeia cum omnibus quȩ ad ipsam venditionem pertinebant ex integro pro animabus videlicet
l.9 suis et precipue pro anima Walterii kari filii sui quem multum diligebant. Concessit etiam immo reddidit monachis Sancti Ser-
l.10-gii ȩcclesiam Sancti Melanii de Miriaco, dederat enim eis eam quondam pro Radulfo fratre suo qui in prefata ȩcclesia habitum susceperat
l.11 monachicum et ut vir strenuus in eandem ȩcclesia eodem habitu usque ad finem vitȩ perseveravit. Et ut cercior fiat noticia
l.12 veritatis donum salva veritate commendabimus litteris. Ȩcclesiam dedit solidam et quietam sicuti habebat cum presbitero ita sane
l.13 ut quamdiu vixerit presbiter a monachis teneat sicuti a Vuidone tenuerat, post mortem vero ejus in dominium Sancti Sergii
l.14 revertetur et sicuti abbati placuerit et monachis de ea facient sicuti de sua propria. Consuetudines quas presbiter redde-
l.15-bat Widoni et uxori suȩ XV videlicet solidos monachis reddet et cȩtera beneficia sicuti Vuidoni faciebat monachis
l.16 faciet. Concessit etiam dimidietatem burgi qui ibidem erat et erit et omnium consuetudinum quȩ de burgo exeunt medietatem.
l.17 Concessit scilicet vendarum et pedagii et vicariȩ et medietatem furnilis. Testes: Albericus de Lainiaco, Irchembaudus filius Urrici,
l.18 Paganus de Fanoleriis, Radulfus de Barberia, Rainaldus et Rotbertus fratres ejus, Tescardus prefectus [castri] Widonis, Rafredus prefectus,
l.19 Aimericus hospitalarius, Stephanus Fraaudus.

1

DENIS (abbé Louis-Jean), Archives du Cogner. Série H, Paris, 1903, t. 1, p. 124-125, n° 3.

CHAUVIN (Yves), Premier et second livres des cartulaires de l'abbaye Saint-Serge et Saint-Bach d'Angers (XIe et XIIe siècles), 2 vol., Angers, 1997, t. 1, p. 245-247, n° 284.