Henri I^er, roi de France, confirme les donations et privilèges accordés à l'abbaye Saint-Symphorien de Beauvais par l'évêque de cette ville.

l.1 IN NOMINE SANCTAE TRINITATIS, EGO HENRICUS, GRATIA DEI FRANCORUM REX.
l.2 Regalis excellentiae amplitudinem decet multimodo virtutum fructu affatim exuberare, quarum cultus [et]
l.3 emolumentum valeat reipublice statum erigendo sublimare et sublimando erigere, nam inpraesentiarum felici et pros-
l.4-pero successu hujus dignitatis solium firmat, et in aeterna remuneratione perpetuitatis portum suis cultoribus praeparat;
l.5 et licet omnibus in commune honestatis officiis sit talibus incumbendum, precipue tamen illi liberalitati et munificentie est
l.6 insudandum quȩ erga sanctorum loca exhibetur, et religiose Deo servientium necessariis usibus devote inpenditur.
l.7 Noverit ergo solertia praesentium et posteritas futurorum sanctȩ matris aecclesiae fidelium, quendam Belvacensis
l.8 ecclesiae episcopum divinȩ religioni admodum mancipatum, Drogonem nomine, nostrȩ tranquillȩ serenitatis presen-
l.9-t[iam humiliter et] fidenter convenisse, obnixe atque ex animo postulantem ut sibi de rebus ecclesiȩ vel de aliis, quas circum-
l.10-[quaque acquirere de j]ure forensi posset, liceret abbatiam quandam in honore sancti Simphoriani martiris in suburbio prae-
l.11-di[ctae urbis const]ruere et monastico ordini deputare, per nostrȩ jussionis praeceptum et nostrȩ auctoritatis inviolabile edictum.
l.12 C[ujus peti]tioni cum pro sua devotione, tum pro nostra salute adquiescendum judicavimus, et quod pietatis studio posce-
l.13-bamur, gratia supernȩ retributionis benigne concessimus. Quocirca nostre celsitudinis reverenda inhibemus censura, ne
l.14 quis succedentium episcoporum aut alius quispiam a loco memorato, ubi jam idem episcopus monasticȩ conversationis
l.15 fundamina jecit abbatemque sacravit, monachos aliquando exterminare, nec bona an[tiquitus ad eum] pertinentia
l.16 seu noviter accedentia dissipare, neque ullo modo sibi audeat usurpare, unde et praesenti [stylo voluimus] mandari,
l.17 quȩ fratrum inibi degentium usibus supra designatus donaverit episcopus, ut haec inquietare perversorum temeritas
l.18 tanto sollicitius pertimescat, quanto diligentius fuerint describendo commendata.
l.19 In monte, ubi monasterium hoc situm est, arabilem terram, quantum uni carrucȩ per totum annum sufficere possit, silvamque non modicam circa ipsum montem,
l.20 [ho]spites viginti quattuor, terramque censilem, partim vineis consitam, partim arabilem atque pratis vestitam, singulis annis tres libras denariorum solventem, [omnes
l.21 eti]am terrulas quas episcopus indominicatas possidet in illa Tarȩ fluminis ripa, quȩ est monasterio contigua, necnon et piscationem a vico qui [dicitur
l.22 Vicin]iacus usque ad sanctum Lucianum, et ex altera parte usque ad Gohinicurtem. His addit pratum Rodulfi, prȩterea ecclesiam villȩ cui Lehuz vo[cabulum est,
l.23 et alte]ram quȩ appellatur Sancti Germani, sub eodem monasterio unum molendinum, et alterius medietatem in villa Marisco, universam quoque [decimam
l.24 hospit]ali Belvacensis ecclesiae attributam, in Buriaco unum mansum cum colibertis ibidem manentibus, in praefato suburbio cambam [et hospitem.
l.25 In] his possessionibus, non comiti, non vicario, non cuiquam secularium exactorum ulla consuetudo relinquitur, sed haec omnia integra [et absoluta]
l.26 [monach]orum dispositioni subjiciuntur. Quod ut vehementius roboretur, nostri et sigilli impressione et nominis monogrammate praecipimus insigniri, ac
l.27 [f]idelium nostrorum attestatione confirmari.
l.28 Actum Lauduni puplice, anno incarnati Verbi millesimo XXXmoV, [et re]gni Henrici reg[is IV].
l.29 [monogramme] [sceau].
l.30 Ego Balduinus cancellarius relegendo subscribsi.

1