Notice du transfert au prieuré de Josselin de reliques provenant de l'abbaye de Marmoutier.

l.1 Si quis plenius scire voluerit, qualiter Joscelinus vicecomes, filius illustrissimi vicecomitis
l.2 Eudonis, dederit pro anima sua et parentum suorum, cellam de castello Joscelini, Deo et Beato
l.3 Martino, et nobis Majoris Monasterii monachis, agentibus sub domno abbate Willelmo, ordina-
l.4-tionis ejus anno primo, id est anno ab incarnatione Domini MCV, si quis inquam illud scire
l.5 plene curaverit, transmittimus eum ad notitiam inde scriptam, quȩ sic intitulata est cyro-
l.6-graphum de castello Joscelini, quod inter nos et eum, ad notitiam posterorum, in archivis nostri
l.7 monasterii reservatur. Nunc autem illud tantum annotare curavimus: quas reliquias, et
l.8 in quo tempore, domnus abbas Willelmus transtulit a monasterio nostro in prȩfatam cellam,
l.9 secundum petitionem supradicti vicecomitis Joscelini. Anno siquidem incarnationis dominicȩ
l.10 MCX, indictione III, papa Pascali moderante pontificium primȩ sedis, regnante in Galliis
l.11 Ludovico rege, Alano Britanniȩ comitatum tenente, Benedicto Aletensium pontifice,
l.12 vicecomite jam sepe memorato Joscelino, presidente etiam nobis domno abbate Willelmo
l.13 anno V, aperuit ipse domnus abbas Willelmus capsas in quibus reliqui continentur
l.14 in monasterio nostro, et accepit inde preciosissima, immo inȩstimabilia pignora sanctarum reli-
l.15-quiarum, videlicet de cruce Domini de corpore sancti Chorentini episcopi, de corpore sancti Flaviani
l.16 martyris, de corpore sancti Fulgentii episcopi, de corpore sancti Sansonis episcopi, de corpore sancti
l.17 Martini abbatis, videntibus monachis nostris, Willelmo priore, Andrea de Gommez
l.18 Herveo priore Camartii, Petro Bajulo, Gilione filio Anskitilli, Gaufredo aurifabro
l.19 et Johanne aurifabro filio Petri aurifabri, videntibus etiam famulis nostris Sancelino
l.20 cellerario, Pagano camerario, et Rotberto Torto Capello. Has igitur supradictas
l.21 reliquias diligentissime collocatas, transtulit domnus abbas in Britanniam et posuit
l.22 eas in supradictam cellam.

1