Geoffroi Grisegonelle, comte d'Anjou, restitue à l'abbaye de Saint-Jouin-de-Marnes, l'église Saint-Jouin du Lude.

l.1 Cum veritatis euvangelica vox per seipsam fideles quosque ammoneat dicens: Operamini dum dies est, venit hora in qua nemo potest operari, hoc videlicet apertius commonere satagens quod
l.2 per apostolum suum postmodum docere voluit: Dum tempus habemus operemur bonum ad omnes, maxime autem ad domesticos fidei, illos nimirum fidei domesticos signare cupiebat qui cultui ecclȩsias-
l.3-tico insistentes, divinam religioni operam dare cotidianis famulatibus non desistunt. Haec ego, in Dei nomine, Gozfredus, Andegavensium comes, perpendo considerans et considerando
l.4 perpendens, illud quoque non ignorans quȩ cum sit maximum et precipuum opus ex rebus sibi competentibus aecclesia sanctorum potentum quaemlibet ditare, proximum vero et vicinum misericordiae si ea quȩ injuste
l.5 retinentur in sanctis locis restituantur, idcirco ego plenissima voluntate ut in die judicii magni vitae aeternȩ refrigerio potiri merear absolutus peccatorum quibus adstrictus teneor nexibus, reddo
l.6 caenobio Sanctorum Jovini atque Martini sito in pago Pictavoensi ubi ipsorum pretiosa corpora quiescunt sanctorum, aecclȩsiam que nuncupatur Lusedus in pago Andegavensi, quam scilicet aecclesiam quendam
l.7 avus noster Fulco genitorque noster ejusdem nominis occasione Nortmanicae persecutionis destructam injusto ordine tenuerunt, postmodum quoque ipse easdem res tenui, ut supra dixi pro remedio anime meae
l.8 sive genitorum meorum eandem supranominatam aecclȩsiam Lusdum eisdem sanctis Dei Jovino atque Martino abbati quoque ipsius monasterii venerabili Arnusto et congregationi sub eo Deo et sanctis ip-
l.9-sius militanti reddo, ita ut ab hodierna die rectores ipsius monasterii teneant atque possideant, et in jure et dominatione ipsius monasterii, sicut antiquitus a viro illustri Mau-
l.10-rino tradita fuerat, sine contradictione ullius persone revertatur. Si quis vero, quod futurum esse non credo, si ego ipse aut ullus de filiis aut heredibus meis sive aliqua
l.11 postmodum persona fuerit quȩ contra hanc redditionis meae cartam venire conatus fuerit, et ei calumpniam inferre temptaverit, in primis iram Dei patris omnipo-
l.12-tentis et Filii et Spiritus Sancti beatorumque Jovini atque Martini et omnium sanctorum Dei incurrat et cum Juda proditore, Anna et Caipha atque Pilato dampnationem
l.13 accipiat, et sua repeticio irrita fiat, et insuper in congregationi illi socio fisca auri libras CC argenti libras DCCC coactus exsolvat. Actum Pictavum
l.14 urbe. [croix] Signum Gosfredi comiti. Signum item Gosfredi. Signum Rainaldi episcopi. Signum item Rainaldi vicecomiti.
l.15 Signum Radulfi. Signum Savarici. Signum Aimerici vicecomiti. Signum Suttardi. Signum Gulferii. Signum [Nor]berti. Signum Freerico. Signum Cadeloni.
l.16 Signum Drogoni. Signum Gauterio. Signum Aimericus. Signum Odulgarius. Signum Sulpicii. Signum Ascelinus. Signum Judeoni. Signum Adelardi.
l.17 DATA IN MENSE APRILIO, ANNO XXII REGNANTE LOTTHARIO REGE.

1