Blois, AD Loir-et-Cher, 17 H 10 n° 1

<< < / > >>

Numéro2308

Fiabilité de l'actenon suspecté

Genrenotice

Date30/03/1096(fiabilité :étude diplomatique)

Lieunon identifié

DiocèseChartres

RégionCentre

Supportparchemin

Chirographienon

Sceau sceau plaqué perdu

Etat de la traditionoriginal

Hauteur à gauche749   mm

Hauteur à droite750   mm

Largeur en haut597   mm

Largeur en bas630   mm

AuteurHugues, seigneur  de  CHAUMONT, et al.

BénéficiaireAbbaye  de  PONTLEVOY

Regeste

Hugues, seigneur de Chaumont, et Aimeri de Currun donnent aux moines de Pontlevoy l'église Sainte-Marie et Saint-Florentin d'Amboise.

Fac-similé

Texte

l.1 SI VIRORUM FORTIUM FORTIA GESTA ad incitamenta virtutum posterorum memoriȩ tradere consuevit antiquorum prudentia, cum animȩ virtutem longe
l.2 constet esse digniorem corporis virtute, longe procul dubio dignius est piorum virorum laudabilia facta, ad exemplum posteris, litteris qualicumque mandare
l.3 stilo. Si enim robur corporis quibusdam desiderio est, et ut amplius possunt sibimet nomen fortium inanis gloriȩ causa adquirere satagunt, multo magis
l.4 animȩ virtutes, spe cȩlestium bonorum, universis in commune amori esse debent, et quȩque optima in aliis visu aut auditu singuli quique didicerint in sese transfundere, vitia
l.5 vero quȩ mortem animȩ inferre noscuntur funditus extirpare, et cum alia, tum precipuȩ avaritiam quam sacra ȩloquia radicem malorum omnium esse commemorant,
l.6 denique misericordiam, quam qui habuerit profecto misericordis et miseratoris Domini voce beatus asseritur, quia eandem consequetur, omni econtra studio in se inprimere
l.7 elaborent, egenis videlicet ac variis necessitatum obpressis calamitatibus subsidia ministrando. Hujus siquidem dominicȩ promissionis qua ut premisimus beati misericordes
l.8 dicuntur quoniam ipsi misericordiam consequentur, memores Hugo Calvimontis dominus, necnon et Haimericus de Currun, cum uno pariter accensi desiderio videndi sepulchrum
l.9 Domini Hierosolimam vellent proficisci, dignum duxerunt quatinus antequam a suis recederent, ex rebus quas ut sibi videbatur eatenus jure tenuerant amicos sibi facerent, qui juxta
l.10 dominicum promissum eos in aeterna tabernacula reciperent. Ob hoc igitur ambo Pontilevense petiere coenobium, aecclesiamque beate Marie, necnon et beati FLORENTINI, apud
l.11 Ambaciacum sitam, cum omnibus appenditiis suis, quam antecessores sui e rebus sui juris fundaverant, dederunt Deo, et beate MARIȨ, ac aecclesiȩ Pontilevensi, abbatique PETRO et
l.12 fratribus in prescripto Pontilevensi coenobio jugiter Deo famulantibus, ea conditione ut canonici qui eo die aecclesiae prenominate servire videbantur, dum adviverent et bene se
l.13 agerent, quiete ut eatenus possederant, possiderent, ipsis vero naturȩ munus debitum solventibus, prebende ipsorum prout quisque decederet in proprietatem et jus monachorum supra-
l.14-dictorum venirent.
l.15 Hinc testes extant subtitulati qui et presentes affuere, quando uterque misit de suprascripta aecclesia Ambaciaci castri donum super altare Beate MARIȨ Pontilevis, HUGO
l.16 videlicet pro anima genitoris genitricisque suȩ in Pontilevensi capitulo quiescentium, necnon et sua, parentum quoque suorum, et HAIMERICUS de Currun, ut eum Deus protegeret a morte subitanea et
l.17 aeterna, et ut sibi dies vitȩ hujus in bona confessione consummare permitteret. Ex parte HUGONIS, Wicherius Ludovici, Galterius de Mala Palia, Aitardus. Ex parte Beate MARIȨ et
l.18 monachorum, Herbertus Cardonellus miles, Radulfus serviens, Garinus Vasta Belsa, Hamelotus, Girardus Arreberti, Vitalis Brito, Gelduinus carpentarius. Ex parte HAIMERICI de Currun, Cesarius,
l.19 Lescelinus, Gorinus, Willelmus Tusellus. Ex parte Beate Mariȩ et monachorum, Herbertus Cardonellus miles, Ulricus Sichillons, Herbertus Burgundio, Girardus Arreberti, Richardus cellararius.
l.20 Ut autem hoc donum firmius haberetur, signo crucis cartam hanc munire curarunt, et nominibus propriis, apud Ambaciacum in presentia virorum subtitulatorum. Ex parte HUGONIS:
l.21 Ulricus Pejor Lupo, Hugo filius Ebrardi. S. [croix] Hugonis. Bernardus Alienus. Ex parte Beate MARIȨ et monachorum: Bernardus de Rupe, Gaufredus Multuns, Haimo prepositus, Giraldus monachus,
l.22 Gaufredus Infernus monachus, Herbertus Cardonellus, Petrus Constantii. S. [croix] Haimerici de Currun. Ex parte ejusdem Haimerici: Acardus Leus, Odo Mesengellus, Rainaldus.
l.23 Ex parte Beate MARIȩ et monachorum: Giraldus monachus, Gaufredus Infernus monachus, Herbertus Cardonellus, Petrus filius Constantii.
l.24 Hoc idem donum concesserunt duȩ sorores Hugonis, quarum una vocatur Adenordis, altera Ermensendis, una tunc temporis degens apud Ambaciacum, scilicet Adenordis, altera apud Calvum
l.25 Montem, ut premisimus Ermensendis vocitata. [S.] [croix] Adenordis. Ex parte ejusdem: Galterius de Lavarzino, Frodo, Girardus Aguet. Ex parte Beate MARIȩ: Giraldus monachus, Gaufredus Infernus monachus, Herbertus Cardonellus,
l.26 Petrus filius Constantii. S. [croix] Ermensendis. Ex parte ejusdem: Josbertus prepositus, Gaufredulus filius ejus, Galterius cellararius Josberti prepositi. Ex parte Beate MARIE:
l.27 Giraldus monachus, Gaufredus Infernus monachus, Herbertus Cardonellus, Vaslinus Malum Faciens, Ildemarus clericus.
l.28 IGITUR ne per succedentia tempora perversus quilibet aliquid malignum contra nos moliri valeret, pariterque omnimodis cupientes obstruere os loquentium iniqua, comitem Andegavorum,
l.29 FULCONEM, filiumque ejus GAUFRIDUM, Turonis constitutos adivimus, cartamque istam eis optulimus, qui rogatu suprascriptorum virorum nobilium, HUGONIS videlicet Calvimontis domini,
l.30 et HAIMERICI de Currun, aliorumque circumstantium, concesserunt Deo ac aecclesiae Pontilevensi in honore virginis Mariȩ consecratȩ, et fratribus die noctuque inibi Deo famulantibus aecclesiam supradictam
l.31 SANCTȨ MARIȨ SANCTIQUE FLORENTINI, apud Ambaciacum sitam, cum omnibus ad eandem aecclesiam pertinentibus. Et ut amplius ratum fixumque maneret quod fecerant, presentem cartam signo crucis roborarunt
l.32 ac nobilibus viris qui presentes aderant pari modo roborandam tradiderunt. Ea tamen conditione ista fecerunt, ut singulis ebdomadibus, secunda videlicet feria, missa una pro animabus Gaufridi atque
l.33 Fulconis comitum, et omnium qui in Pontilevensi prelio ceciderunt, in eodem coenobio Pontilevensi caneretur, unus quoque pauper in ipsius aecclesiae elemosina perpetuo curaretur. Hujus confirmationis et concessionis,
l.34 ex parte FULCONIS comitis, et filii ejus GAUFRIDI, testes sunt: Gaufridus Fulchradi, dapifer comitis, et Sigibrannus comes stabuli, Petrus Rubiscalis, Harduinus Malum Minat, Gaufridus Lupellus, Odo de Sancto Michaele,
l.35 Gaufridus Paganus, Rotbertus de Belismo, Girardus Paganus. S. [croix] FULCONIS comitis. S. [croix] GAUFRIDI FILII EJUS. Fulco Grafin, Richardus de Sancto Quintino.
l.36 Ex parte Beatȩ MARIȨ et monachorum: Hugo de Calvomonte, Haimericus de Currun, Mauricius Escherpellus, Galterius de Lavarzino, Cesarius, Gosbertus prepositus, Stephanus
l.37 de Bello Loco, Wicherius Ludovici, Fulcodius de Vallibus, Radulfus Gulafrus, Galterius de Mala Palia, Odo monachus, Albericus monachus, Gaufridus Infernus monachus. [sceau].

Bibliographie

PORCHER (R.), Histoire de l'abbaye de Pontlevoy, in Revue de Loir-et-Cher, 15ème année (1902), col. 201-206, n° 7.

GUILLOT (Olivier), Le comte d'Anjou et son entourage au XIe siècle, 2 vol., Paris, 1972, 1 : Etude et appendices. 2. Catalogue d'actes et index, t. 2, p. 243, n° 393.

Responsable

M. Courtois

Comment citer cette notice

Acte n°2308 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°2308»[En ligne] http://www.cn-telma.fr/originaux/charte2308/. Date de mise à jour : 29/03/12.